ಇಸ್ಲಾಮಾಬಾದ್: ಅಸಭ್ಯ ವಿಷಯಗಳ ಹರಡುವಿಕೆಯನ್ನು ನಿಯಂತ್ರಿಸುವುದಾಗಿ ಚೀನಾದ ಜನಪ್ರಿಯ ವಿಡಿಯೋ ಹಂಚಿಕೆ ಸೇವೆ ಭರವಸೆ ನೀಡಿದ ಬಳಿಕ ಪಾಕಿಸ್ತಾನದ ಮಾಧ್ಯಮ ನಿಯಂತ್ರಣ ಪ್ರಾಧಿಕಾರವು ನಾಲ್ಕು ತಿಂಗಳ ನಂತರ ಈ ಬಾರಿ ಟಿಕ್ಟಾಕ್ ಮೇಲಿನ ನಿಷೇಧ ಮತ್ತೆ ತೆಗೆದುಹಾಕಿದೆ.
ಕಳೆದ 15 ತಿಂಗಳಲ್ಲಿ ಪಾಕಿಸ್ತಾನದ ದೂರಸಂಪರ್ಕ ಪ್ರಾಧಿಕಾರವು ನಾಲ್ಕನೇ ಬಾರಿಗೆ ಇಂತಹ ನಿಷೇಧ ವಿಧಿಸಿದೆ ಮತ್ತು ತೆಗೆದು ಹಾಕಿದೆ. ಟಿಕ್ಟಾಕ್ ಆ್ಯಪ್‌ನಲ್ಲಿನ ಅನೈತಿಕ, ಅಶ್ಲೀಲ ಮತ್ತು ಅಸಭ್ಯ ವಿಷಯಗಳ ಕುರಿತು ವ್ಯಾಪಕವಾದ ದೂರುಗಳು ಬಂದ ಮೇಲೆ ಪಾಕಿಸ್ತಾನ ಸರ್ಕಾರವು ಅಕ್ಟೋಬರ್ 2020 ರಲ್ಲಿ ನಿರ್ಬಂಧಿಸಿತ್ತು.
ಕಾನೂನುಬಾಹಿರ ವಿಷಯವನ್ನು ಅಪ್‌ಲೋಡ್ ಮಾಡುವ ಬಳಕೆದಾರರನ್ನು ನಿರ್ಬಂಧಿಸುವುದಾಗಿ ಟಿಕ್ಟಾಕ್ ಪಾಕಿಸ್ತಾನಕ್ಕೆ ಭರವಸೆ ನೀಡಿದೆ ಎಂದು ನಿಯಂತ್ರಕ ಸಂಸ್ಥೆ ಟ್ವಿಟರ್‌ನಲ್ಲಿ ಹೇಳಿಕೆಯಲ್ಲಿ ತಿಳಿಸಿದೆ. ಚೀನಾದ ಬೈಟ್‌ಡ್ಯಾನ್ಸ್‌ನ ಒಡೆತನದ ಅಪ್ಲಿಕೇಶನ್ ಪಾಕಿಸ್ತಾನದಲ್ಲಿ ಸುಮಾರು 39 ಮಿಲಿಯನ್ ಡೌನ್‌ಲೋಡ್ ಆಗಿದೆ.
ಚೀನಾದೊಂದಿಗೆ ನಿಕಟ ಸಂಬಂಧ ಹೊಂದಿರುವ ಪಾಕಿಸ್ತಾನ, ಕಾನೂನುಬಾಹಿರ ವಿಷಯವನ್ನು ನಿಯಂತ್ರಿಸಲು ಪರಿಣಾಮಕಾರಿ ಕಾರ್ಯವಿಧಾನವನ್ನು ಅಭಿವೃದ್ಧಿಪಡಿಸಲು ಟಿಕ್ಟಾಕ್ ಅನ್ನು ಒತ್ತಾಯಿಸಿತ್ತು. ಅಸಭ್ಯ ವಿಷಯಗಳ ಹರಡುವಿಕೆಯನ್ನು ನಿಯಂತ್ರಿಸುವುದಾಗಿ ಚೀನಾ ಆ್ಯಪ್ ಭರವಸೆ ನೀಡಿದ ಮೇಲೆ ಟಿಕ್ಟಾಕ್ ಮೇಲಿನ ನಿಷೇಧ ಹಿಂಪಡೆಯಲಾಯಿತು.
ಪಾಕಿಸ್ತಾನವು ಕಂಟೆಂಟ್ ಬಗ್ಗೆ ಫೇಸ್‌ಬುಕ್ ಮತ್ತು ಟ್ವಿಟರ್‌ಗೆ ನೂರಾರು ದೂರುಗಳನ್ನು ರವಾನಿಸಿದೆ. ಇದು ಪಾಕಿಸ್ತಾನಿ ಕಾನೂನಿಗೆ ವಿರುದ್ಧವಾದ ಇಸ್ಲಾಂಗೆ ಆಕ್ರಮಣಕಾರಿ ಮತ್ತು ಸಂಭಾವ್ಯ ಅವಮಾನಕರವಾಗಿದೆ ಎಂದು ಪಾಕಿಸ್ತಾನದ ಮಾಧ್ಯಮ ನಿಯಂತ್ರಣ ಪ್ರಾಧಿಕಾರವು ಆರೋಪಿಸಿದೆ.