ಇರಾಕ್: ನಾಗರಿಕರ ಪ್ರತಿಭಟನೆಯಿಂದ ಒಂದೇ ತಿಂಗಳಲ್ಲಿ ಸುಮಾರು 300 ಜನ ಸಾವು!

ಇರಾಕ್​ ರಾಜಧಾನಿ ಬಾಗ್ದಾದ್​ ಹಾಗೂ ದೇಶದ ಹಲವೆಡೆ ನಿರುದ್ಯೋಗ ಸಮಸ್ಯೆ, ಸರ್ಕಾರದ ಭ್ರಷ್ಟಾಚಾರ ಮತ್ತು ಮೂಲಭೂತ ಸೌಕರ್ಯಗಳ ಕೊರತೆಯಿಂದಾಗಿ ನಾಗರಿಕರ ಪ್ರತಿಭಟನೆ ತೀವ್ರಗೊಂಡಿದೆ. ಕಳೆದ ಒಂದು ತಿಂಗಳ ಪ್ರತಿಭಟನೆಯಲ್ಲಿ ಕನಿಷ್ಟ 319 ಜನ ಸಾವನ್ನಪ್ಪಿದ್ದಾರೆ ಎಂದು ಇರಾಕ್​ ಸಂಸದೀಯ ಮಾನವ ಹಕ್ಕುಗಳ ಸಮಿತಿಯ ವರದಿ ಹೇಳಿದೆ.

ಬಾಗ್ದಾದ್:ಇರಾಕ್​ನಲ್ಲಿ ಸರ್ಕಾರದ ವಿರುದ್ಧದ ಕಳೆದ ಒಂದು ತಿಂಗಳ ಪ್ರತಿಭಟನೆಯಲ್ಲಿ ಕನಿಷ್ಟ 319 ಜನ ಸಾವನ್ನಪ್ಪಿದ್ದಾರೆ ಎಂದು ಇರಾಕ್​ ಸಂಸದೀಯ ಮಾನವ ಹಕ್ಕುಗಳ ಸಮಿತಿಯ ವರದಿ ಹೇಳಿದೆ.

ಇರಾಕ್​ ಭದ್ರತಾ ಪಡೆಯು ಪ್ರತಿಭಟನಾಕಾರರನ್ನು ನಿಯಂತ್ರಿಸುವ ವೇಳೆ ಬಾಗ್ದಾದ್‌ನಲ್ಲಿ ನಾಲ್ವರು ಪ್ರತಿಭಟನಾಕಾರರು ಕೊಲ್ಲಲ್ಪಟ್ಟಿದ್ದಾರೆ. ಅಲ್ಲದೆ ರಾತ್ರಿ ವೇಳೆಯೂ ಧರಣಿ ಮುಂದುವರಿಸುವ ಉದ್ದೇಶದಿಂದ ಹಾಕಲಾಗಿದ್ದ ಹಲವಾರು ಟೆಂಟ್‌ಗಳನ್ನು ಭದ್ರತಾ ಪಡೆ ಸುಟ್ಟುಹಾಕಿದೆ ಎಂದು ಇಲ್ಲಿನ ಮಾಧ್ಯಮಗಳು ತಿಳಿಸಿದೆ.

ಇರಾಕ್​ ಮಾನವ ಹಕ್ಕುಗಳ ಸ್ವತಂತ್ರ ಆಯೋಗದ ಮಾಹಿತಿ ಪ್ರಕಾರ ಸುಮಾರು 15,000 ಜನರು ಗಾಯಗೊಂಡಿದ್ದಾರೆ.

ರಾಜಧಾನಿ ಬಾಗ್ದಾದ್​ ಹಾಗೂ ದೇಶದ ಹಲವು ಪ್ರಾಂತ್ಯಗಳಲ್ಲಿ ನಿರುದ್ಯೋಗ ಸಮಸ್ಯೆ, ಸರ್ಕಾರದ ಭ್ರಷ್ಟಾಚಾರ ಮತ್ತು ಮೂಲಭೂತ ಸೌಕರ್ಯಗಳ ಕೊರತೆ, ವಿದ್ಯುತ್ ಮತ್ತು ಶುದ್ಧ ನೀರಿನ ಅಭಾವದಿಂದಾಗಿ ರೊಚ್ಚಿಗೆದ್ದಿರುವ ಜನ ಪ್ರತಿಭಟನೆ ನಡೆಸುತ್ತಿದ್ದಾರೆ.