ರಸಾಯನಶಾಸ್ತ್ರ ವಿಭಾಗದ ನೊಬೆಲ್​ ಪುರಸ್ಕಾರ ಪ್ರಕಟ: ಇಬ್ಬರು ವಿಜ್ಞಾನಿಗಳಿಗೆ ಸಿಕ್ಕ ಗೌರವ

2021ನೇ ಸಾಲಿನ ವಿವಿಧ ವಿಭಾಗದ ನೊಬೆಲ್​ ಪ್ರಶಸ್ತಿ ಪ್ರಕಟವಾಗ್ತಿದ್ದು, ಇಂದು ರಾಸಾಯನಶಾಸ್ತ್ರದಲ್ಲಿ ಇಬ್ಬರು ವಿಜ್ಞಾನಿಗಳಿಗೆ ಜಂಟಿಯಾಗಿ ಪ್ರಶಸ್ತಿ ಘೊಷಣೆ ಮಾಡಲಾಗಿದೆ.

ಸ್ಟಾಕ್ಹೋಮ್​​: 2021ರ ರಸಾಯನಶಾಸ್ತ್ರದ ನೊಬೆಲ್​ ಪುರಸ್ಕಾರ ಪ್ರಕಟಗೊಂಡಿದ್ದು, ಅಸಿಮ್ಮಿಟ್ರಿಕ್​​ ಆರ್ಗನೊಕಟಾಲಿಸಿಸ್(asymmetric organocatalysis) ಅಭಿವೃದ್ಧಿಪಡಿಸಿದ್ದಕ್ಕಾಗಿ ಈ ಪ್ರಶಸ್ತಿ ಘೋಷಣೆ ಮಾಡಲಾಗಿದೆ. ಬೆಂಜಮಿನ್​​ ಪಟ್ಟಿ ಮತ್ತು ಡೇವಿಡ್​ WC ಮ್ಯಾಕ್​ ಮಿಲನ್​​ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ರಸಾಯನಶಾಸ್ತ್ರದ ನೊಬೆಲ್​ ಪ್ರಶಸ್ತಿಯನ್ನ ರಾಯಲ್​​ ಸ್ವೀಡಿಷ್​ ವಿಜ್ಞಾನ ಅಕಾಡೆಮಿ ಸ್ಟಾಕ್ಹೋಮ್​​​ ನೀಡುತ್ತಿದೆ. “ಜೀನೋಮ್ ಎಡಿಟಿಂಗ್​ಗೆ ವಿಧಾನ ಅಭಿವೃದ್ಧಿಪಡಿಸಿದ್ದಕ್ಕಾಗಿ" ಎಮ್ಯಾನುಯೆಲ್ ಚಾರ್ಪೆಂಟಿಯರ್ ಮತ್ತು ಜೆನ್ನಿಫರ್ ಎ. ಡೌಡ್ನಾ ಅವರಿಗೆ 2020ರಲ್ಲಿ ರಸಾಯನಶಾಸ್ತ್ರದ ನೊಬೆಲ್ ಪುರಸ್ಕಾರ ನೀಡಲಾಗಿತ್ತು.

ಈಗಾಗಲೇ ಭೌತಶಾಸ್ತ್ರ ಹಾಗೂ ಮೆಡಿಸಿನ್​ ವಿಭಾಗದಲ್ಲಿ ಪ್ರಶಸ್ತಿ ಘೋಷಣೆಯಾಗಿವೆ. ಭೌತಶಾಸ್ತ್ರದಲ್ಲಿ ಮೂವರು ವಿಜ್ಞಾನಿಗಳಿಗೆ ಜಂಟಿಯಾಗಿ ಪ್ರಶಸ್ತಿ ಘೋಷಣೆ ಮಾಡಲಾಗಿದ್ದು, ಮೆಡಿಸಿನ್​ ವಿಭಾಗದಲ್ಲಿ ಇಬ್ಬರು ಈ ಗೌರವಕ್ಕೆ ಪಾತ್ರರಾಗಿದ್ದಾರೆ. ರಾಯಲ್​​ ಸ್ವೀಡಿಷ್​ ಅಕಾಡೆಮಿ ಆಫ್​ ಸೈನ್ಸ್​​ ಇಲ್ಲಿಯವರೆಗೆ 186 ಸಂಶೋಧಕರಿಗೆ ಈ ಗೌರವ ನೀಡಿದ್ದು, ಇದರಲ್ಲಿ 7 ಮಂದಿ ಮಹಿಳೆಯರಿದ್ದಾರೆ.