ಜಪಾನ್ ನಾಗರಿಕರಿಗೆ ಸಿಗಲಿದೆ ಉಚಿತ ಕೋವಿಡ್‌ ಲಸಿಕೆ

ಕೋವಿಡ್ ವ್ಯಾಕ್ಸಿನ್​ಗೆ ಸಂಬಂಧಿಸಿದ ಎಲ್ಲಾ ಖರ್ಚುಗಳನ್ನು ಸರ್ಕಾರ ಭರಿಸಲಿದೆ. ಜಪಾನ್​ ಸರ್ಕಾರ ತನ್ನ ದೇಶವಾಸಿಗಳಿಗೆ ಉಚಿತವಾಗಿ ವ್ಯಾಕ್ಸಿನ್​ ವಿತರಿಸುವ ಮಸೂದೆ ಜಾರಿಗೆ ತಂದಿದೆ.

ಟೋಕಿಯೊ: ಕೊರೊನಾ ವೈರಸ್ ವಿರುದ್ಧ ವ್ಯಾಕ್ಸಿನೇಷನ್ ಕಂಡುಹಿಡಿಯುವ ಅನೇಕ ಸಂಶೋಧನೆಗಳು ನಡೆಯುತ್ತಿವೆ. ಈ ನಿಟ್ಟಿನಲ್ಲಿ ಕೆಲವು ಪ್ರಯೋಗಗಳು ಅಂತಿಮ ಹಂತದಲ್ಲಿವೆ. ಈ ಮಧ್ಯೆ ಜಪಾನ್​ ಸರ್ಕಾರ ತನ್ನ ದೇಶವಾಸಿಗಳಿಗೆ ಉಚಿತವಾಗಿ ವ್ಯಾಕ್ಸಿನ್​ ವಿತರಿಸುವ ಮಸೂದೆ ಜಾರಿಗೆ ತರುತ್ತಿದೆ. ಈ ಮಸೂದೆಯನ್ನು ಜಪಾನಿನ ಸಂಸತ್ತು ಅಂಗೀಕರಿಸಿದೆ.

ಜಪಾನಿನ ಸಂಸತ್ತಿನ ಮೇಲ್ಮನೆಯು ಸರ್ವಾನುಮತದಿಂದ ಈ ಮಸೂದೆಗೆ ಒಪ್ಪಿಗೆ ಸೂಚಿಸಿದೆ. ಕೋವಿಡ್ ವ್ಯಾಕ್ಸಿನ್​ಗೆ ಸಂಬಂಧಿಸಿದ ಎಲ್ಲಾ ಖರ್ಚುಗಳನ್ನು ಸರ್ಕಾರವೇ ಭರಿಸಲಿದೆ. ಜಪಾನ್ ಸರ್ಕಾರವು ಈಗ ಕೊರೊನಾ ಲಸಿಕೆ ಸಂಗ್ರಹದತ್ತ ಗಮನ ಹರಿಸಲು ಸಜ್ಜಾಗಿದೆ.

ಮುಂದಿನ ವರ್ಷದ ಮೊದಲಾರ್ಧದಲ್ಲಿ ಜಪಾನ್ ಕೋವಿಡ್-19 ವಿರುದ್ಧ ಲಸಿಕೆ ಹಂಚಿಕೆ ಪ್ರಕ್ರಿಯೆ ಪ್ರಾರಂಭಿಸುವ ನಿರೀಕ್ಷೆಯಿದೆ. ವೃದ್ಧರು, ವೈದ್ಯಕೀಯ ಕಾರ್ಯಕರ್ತರು ಮತ್ತು ಅನಾರೋಗ್ಯ ಪೀಡಿತರಿಗೆ ಆದ್ಯತೆಯ ಆಧಾರದ ಮೇಲೆ ಲಸಿಕೆ ನೀಡಲು ಸರ್ಕಾರ ಯೋಜಿಸಿದೆ.