ಕೋವಿಡ್ ದಾಳಿಗೆ ಇರಾನ್​ನಲ್ಲಿ ಮತ್ತೆ 54 ಮಂದಿ ಬಲಿ: ಮೃತರ ಸಂಖ್ಯೆ 291ಕ್ಕೆ ಏರಿಕೆ

ಕೋವಿಡ್-19 (ಕೊರೊನಾ) ವೈರಸ್​ಗೆ ಇರಾನ್​ನಲ್ಲಿ ಒಂದೇ ದಿನ 54 ಮಂದಿ ಸಾವನ್ನಪ್ಪಿದ್ದು, ಮೃತರ ಸಂಖ್ಯೆ 291ಕ್ಕೆ ಏರಿಕೆಯಾಗಿದೆ. ಒಂದೇ ದಿನದಲ್ಲಿ ಸಾವಿನ ಪ್ರಮಾಣ ಶೇ.18 ರಷ್ಟು ಏರಿಕೆಯಾಗಿದೆ ಎಂದು ಇರಾನ್​ ಆರೋಗ್ಯ ಸಚಿವಾಲಯದ ವಕ್ತಾರ ಕಿಯಾನೌಶ್ ಜಹಾನ್​ಪೌರ್ ಮಾಹಿತಿ ನೀಡಿದ್ದಾರೆ.

ತೆಹ್ರಾನ್ : ಕೊರೊನಾ ವೈರಸ್​ಗೆ ಇರಾನ್​ನಲ್ಲಿ ಒಂದೇ ದಿನ 54 ಮಂದಿ ಸಾವನ್ನಪ್ಪಿದ್ದು, ಮೃತರ ಸಂಖ್ಯೆ 291ಕ್ಕೆ ಏರಿಕೆಯಾಗಿದೆ.

ಇಸ್ಲಾಮಿಕ್​ ರಿಪಬ್ಲಿಕ್​ನಲ್ಲಿ ಒಟ್ಟು 8,042 ಕೊರೊನಾ ವೈರಸ್ ಪ್ರಕರಣಗಳು ವರದಿಯಾಗಿದ್ದು, ಒಂದೇ ದಿನದಲ್ಲಿ ಸಾವಿನ ಪ್ರಮಾಣ ಶೇ.18 ರಷ್ಟು ಏರಿಕೆಯಾಗಿದೆ ಎಂದು ಅಲ್ಲಿನ​ ಆರೋಗ್ಯ ಸಚಿವಾಲಯದ ವಕ್ತಾರ ಕಿಯಾನೌಶ್ ಜಹಾನ್​ಪೌರ್ ಮಾಹಿತಿ ನೀಡಿದ್ದಾರೆ.

ಪ್ರಾರಂಭಿಕ ಹಂತದಲ್ಲಿರುವ ಕೊರೊನಾ ಸೋಂಕಿತರು ಎರಡು ವಾರಗಳಲ್ಲಿ ಗುಣಮುಖರಾಗುತ್ತಾರೆ. ತೀವ್ರವಾಗಿ ಬಳಲುತ್ತಿರುವವರು ಚೇತರಿಸಿಕೊಳ್ಳಲು ಮೂರರಿಂದ ಆರು ವಾರಗಳು ಬೇಕು ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.

ಜಗತ್ತಿನ 100 ದೇಶಗಳಿಗೆ ಈಗಾಗಲೇ ಈ ಸೋಂಕು ಹರಡಿದ್ದು ಸುಮಾರು 110,000 ಸೋಂಕಿತ ಪ್ರಕರಣಗಳು ವರದಿಯಾಗಿದ್ದು, 3,800ಕ್ಕೂ ಕ್ಕೂ ಹೆಚ್ಚು ಮಂದಿ ಬಲಿಯಾಗಿದ್ದಾರೆ.