ಹಣ ವರ್ಗಾವಣೆ ಆರೋಪ: ಪಾಕ್​ ಮಾಜಿ ಪ್ರಧಾನಿ ನವಾಜ್ ಷರೀಫ್ ಮತ್ತೆ ಸಂಕಷ್ಟ

ಚೌಧ್ರಿ ಸಕ್ಕರೆ ಕಾರ್ಖಾನೆ ಹಣ ವರ್ಗಾವಣೆ ಪ್ರಕರಣದಲ್ಲಿ ಪಾಕಿಸ್ತಾನದ ಮಾಜಿ ಪ್ರಧಾನಮಂತ್ರಿ ನವಾಜ್​ ಷರೀಫ್​ ಅವರನ್ನ ಬಂಧಿಸಲಾಗಿದೆ.

ಲಾಹೋರ್(ಪಾಕಿಸ್ತಾನ): ಪಾಕಿಸ್ತಾನದ ಮಾಜಿ ಪ್ರಧಾನಿ ನವಾಜ್​ ಷರೀಫ್​ ಅವರನ್ನ ನ್ಯಾಷನಲ್​ ಅಕೌಂಟಬಿಲಿಟಿ ಬ್ಯೂರೋ ಅಧಿಕಾರಿಗಳು ಬಂಧಿಸಿದ್ದಾರೆ.

ಚೌಧ್ರಿ ಸಕ್ಕರೆ ಕಾರ್ಖಾನೆ ಷೇರುಗಳ ಖರೀದಿ ಮತ್ತು ಮಾರಾಟದಲ್ಲಿ ಹಣ ವರ್ಗಾವಣೆ ಆರೋಪವನ್ನ ನವಾಜ್ ಷರೀಫ್ ಕುಟುಂಬಸ್ಥರು ಎದುರಿಸುತ್ತಿದ್ದಾರೆ. ಚೌಧ್ರಿ ಸಕ್ಕರೆ ಕಾರ್ಖಾನೆ ಷೇರು ಖರೀದಿಯಲ್ಲಿ ಷರೀಫ್​ ನೇರವಾಗಿ ಪಾಲುದಾರರಾಗಿದ್ದಾರೆ. ಕಳದೆ ಆಗಸ್ಟ್​ ತಿಂಗಳಲ್ಲಿ ಷರೀಫ್ ಪುತ್ರಿ ಮತ್ತು ಆಕೆಯ ಸೋದರ ಸಂಬಂಧಿ ಯೂಸುಫ್ ಅಬ್ಬಾಸ್ ಕೂಡ ಬಂಧನಕ್ಕೆ ಒಳಗಾಗಿದ್ದರು.

ಚೌಧ್ರಿ ಸಕ್ಕರೆ ಕಾರ್ಖಾನೆಯಲ್ಲಿ ಷರೀಫ್ ಕುಟುಂಬಸ್ಥರು ಸುಮಾರು 12 ಮಿಲಿಯನ್ ಷೇರು ಹೊಂದಿದ್ದಾರೆ ಎಂದು ನ್ಯಾಷನಲ್​ ಅಕೌಂಟೆಬಿಲಿಟಿ ಬ್ಯೂರೋ ಅಧಿಕಾರಿಗಳು ತಿಳಿಸಿದ್ದಾರೆ.

ಬಂಧಿತ ನವಾಜ್​ ಷರೀಫ್​ ಅವರನ್ನ ಅಕೌಂಟಬಿಲಿಟಿ ಕೋರ್ಟ್​ ಮುಂದೆ ಹಾಜರು ಪಡಿಸಲಾಯಿತು. ಸದ್ಯ ಕೋರ್ಟ್​ ಷರೀಫ್​ ಅವರನ್ನ 14 ದಿನಗಳ ಕಾಲ ನ್ಯಾಷನಲ್​ ಅಕೌಂಟಬಿಲಿಟಿ ಬ್ಯೂರೋ ವಶಕ್ಕೆ ನೀಡಿ ಆದೇಶಿಸಿದೆ.