ಪತ್ರಕರ್ತೆ ತಲೆಗೆ ಗುಂಡಿಟ್ಟು ಹೊಡೆದ ಪತ್ರಕರ್ತ... ಏಳೇ ತಿಂಗಳಿಗೆ ದುರಂತ ಅಂತ್ಯ ಕಂಡ ಪ್ರೇಮವಿವಾಹ!

ಇಬ್ಬರು ಪತ್ರಕರ್ತರು. ಪರಿಚಯ ಸ್ನೇಹವಾಗಿ, ಸ್ನೇಹ ಪ್ರೀತಿಯಾಗಿ, ಪ್ರೀತಿ ಆದ್ಮೇಲೆ ಮದುವೆಯಾಗಿ ಸುಖ ಸಂಸಾರ ನಡೆಸುತ್ತಿದ್ದರು ಆ ಜೋಡಿ.. ಆದ್ರೆ ಉದ್ಯೋಗದ ಸಂಬಂಧ ಇಬ್ಬರ ಮಧ್ಯೆ ಕಿಡಿ ಹೊತ್ತಿ ಪತ್ನಿಯ ಕೊಲೆಯಲ್ಲಿ ಅಂತ್ಯವಾಗಿರುವ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ.

ಲಾಹೋರ್​:ಪ್ರೇಮ ವಿವಾಹ ಮಾಡಿಕೊಂಡು ಸುಖವಾಗಿ ಸಂಸಾರ ನಡೆಸುತ್ತಿದ್ದ ಆ ಜೋಡಿ ಉದ್ಯೋಗದ ಸಂಬಂಧ ಕಿತ್ತಾಡಿಕೊಂಡಿದ್ದಾರೆ. ಬಳಿಕ ಪತ್ನಿಯ ತಲೆಗೆ ಗುಂಡಿಟ್ಟು ಹೊಡೆದು ಕೊಲೆ ಮಾಡಿದ್ದಾನೆ ಪತಿ. ಈ ಘಟನೆ ಲಾಹೋರ್​ನಲ್ಲಿ ನಡೆದಿದೆ.

ಉರ್ಜೂ ಇಕ್ಬಾಲ್​ ಉರ್ದು ದಿನಪತ್ರಿಕೆಯಲ್ಲಿ ಪತ್ರಕರ್ತೆಯಾಗಿ ಕೆಲಸ ಮಾಡುತ್ತಿದ್ದರು. ಏಳು ತಿಂಗಳ ಹಿಂದೆ ಮತ್ತೊಂದು ಪತ್ರಿಕೆಯ ಪತ್ರಕರ್ತನಾಗಿ ಕೆಲಸ ಮಾಡುತ್ತಿದ್ದ ದಿಲಾವರ್​ ಅಲೀ ಜೊತೆ ಪ್ರೇಮ ವಿವಾಹವಾಗಿದ್ದಾರೆ. ಮದುವೆಯಾಗಿ ಸುಖವಾಗಿ ಜೀವನ ನಡೆಸುತ್ತಿದ್ದರು. ಬಳಿಕ ಅಲೀ ತನ್ನ ಹೆಂಡ್ತಿಗೆ ಉದ್ಯೋಗ ಬಿಡುವಂತೆ ಹೇಳಿದ್ದು, ಗಂಡ ಮಾತಿಗೆ ಉರ್ಜೂ ನಿರಾಕರಿಸಿದ್ದಾರೆ.

ಉದ್ಯೋಗದ ವಿಷಯಕ್ಕಾಗಿ ಗಂಡ-ಹೆಂಡ್ತಿ ಮಧ್ಯೆ ಜಗಳವಾಗಿದೆ. ಹೀಗಾಗಿ ಇಬ್ಬರು ಬೇರೆ-ಬೇರೆ ಜೀವನ ನಡೆಸುತ್ತಿದ್ದರು. ಮಂಗಳವಾರ ಅಲೀ ತನ್ನ ಪತ್ನಿ ಕೆಲಸ ಮಾಡುತ್ತಿದ್ದ ಕಾರ್ಯಾಲಯಕ್ಕೆ ತೆರಳಿದ್ದಾನೆ. ಮಾತನಾಡುವ ನೆಪದಲ್ಲಿ ಉರ್ಜೂನನ್ನು ಹೊರ ಕರೆತಂದು ನೇರ ಹಣೆಗೆ ಗುಂಡಿಟ್ಟು ಹೊಡೆದಿದ್ದಾನೆ. ಇದನ್ನು ನೋಡಿದ ಸಹೋದ್ಯಗಿಗಳು ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ದಿದ್ರೂ ಪ್ರಯೋಜನವಾಗಿಲ್ಲ. ಅಷ್ಟೋತ್ತಿಗಾಗಲೇ ಉರ್ಜೂ ಪ್ರಾಣ ಪಕ್ಷಿ ಹಾರಿ ಹೋಗಿತ್ತು.

ಉರ್ಜೂ ಸಹೋದರ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ.