ಚೀನಾದಲ್ಲಿ ರೆಸ್ಟೋರೆಂಟ್ ಕುಸಿದು 29 ಜನ ದುರ್ಮರಣ

ಶನಿವಾರ ಕಟ್ಟಡ ಇದ್ದಕ್ಕಿದ್ದಂತೆ ಕುಸಿದ ಪರಿಣಾಮ 29 ಮಂದಿ ಸಾವನ್ನಪ್ಪಿದ್ದರೆ, ಅವರಲ್ಲಿ ಏಳು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಶಾಂಕ್ಸಿ (ಚೀನಾ): ಉತ್ತರ ಚೀನಾ ಪ್ರಾಂತ್ಯದ ಶಾಂಕ್ಸಿಯಲ್ಲಿ ಎರಡು ಅಂತಸ್ತಿನ ರೆಸ್ಟೋರೆಂಟ್ ಕುಸಿದು ಸಾವನ್ನಪ್ಪಿದವರ ಸಂಖ್ಯೆ 29 ಕ್ಕೆ ಏರಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಶನಿವಾರ ಕಟ್ಟಡ ಇದ್ದಕ್ಕಿದ್ದಂತೆ ಕುಸಿದಿದೆ, ಘಟನೆಯಲ್ಲಿ 28 ಜನರು ಸಹ ಗಾಯಗೊಂಡಿದ್ದಾರೆ. ಅವರಲ್ಲಿ ಏಳು ಮಂದಿ ಸ್ಥಿತಿ ಗಂಭೀರವಾಗಿದೆ ಎಂದು ತುರ್ತುಸ್ಥಿತಿ ನಿರ್ವಹಣಾ ಸಚಿವಾಲಯ ಹೇಳಿದೆ.

ಇಂದು ರಕ್ಷಣಾ ಕಾರ್ಯಾಚರಣೆ ಈಗ ಮುಕ್ತಾಯಗೊಂಡಿದೆ. ಆದರೆ ಕಟ್ಟಡ ಕುಸಿತಕ್ಕೆ ಕಾರಣವೇನು ಎಂಬುದನ್ನ ತಕ್ಷಣಕ್ಕೆ ಹೇಳಲಾಗುವುದಿಲ್ಲ, ತನಿಖೆಯ ನಂತರ ನಿಖರ ಕಾರಣ ತಿಳಿಯಲಿದೆ ಎಂದು ಅಧಿಕಾರಿಗಾಳು ತಿಳಿಸಿದ್ದಾರೆ.