ಕೋವಿಡ್​​ ಅನುಭವವು ಉಭಯ ದೇಶಗಳಿಗೂ ಪಾಠ ಕಲಿಸಿದೆ: ಜೈಶಂಕರ್

ಅರಬ್​ ದೇಶಗಳ ಪ್ರವಾಸದಲ್ಲಿರುವ ವಿದೇಶಾಂಗ ಸಚಿವ ಜೈಶಂಕರ್ ಯುಎಇ ಮಹಾರಾಜನೊಂದಿಗೆ ಮಾತುಕತೆ ನಡೆಸಿದ್ದಾರೆ. ಕೋವಿಡ್ ಬಳಿಕ ಭಾರತದ ಮೊದಲ ಪ್ರವಾಸ ಇದಾಗಿದ್ದು, ಹಲವು ವಿಚಾರಗಳ ಕುರಿತಂತೆ ಉಭಯ ರಾಷ್ಟ್ರಗಳು ಚರ್ಚೆಯಲ್ಲಿ ಭಾಗಿಯಾಗಿವೆ.

ಅಬುಧಾಬಿ:2 ದಿನಗಳ ಅರಬ್ ಪ್ರವಾಸದಲ್ಲಿರುವ ವಿದೇಶಾಂಗ ಸಚಿವ ಎಸ್​. ಜೈಶಂಕರ್ ಯುಎಇ ರಾಜ ಶೇಖ್ ಅಬ್ದುಲ್ಲಾ ಬಿನ್ ಜಾಯೆದ್ ಬಿನ್ ಸುಲ್ತಾನ್ ಅಲ್ ನಹ್ಯಾನ್ ಜೊತೆ ಮಾತುಕತೆ ನಡೆಸಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ಜೈಶಂಕರ್​​ ಎಫ್​ಎಂ ನಹ್ಯಾನ್​ ಅವರನ್ನು ಮತ್ತೆ ಭೇಟಿಯಾಗಲು ತುಂಬಾ ಸಂತೋಷವಾಯಿತು. ಬದಲಾಗುತ್ತಿರುವ ಜಗತ್ತಿನಲ್ಲಿ ಒಟ್ಟಾಗಿ ಕೆಲಸ ಮಾಡುವುದು ಮುಖ್ಯವಾಗಿದೆ. ಕೋವಿಡ್ ಅನುಭವಗಳು ಉಭಯ ದೇಶಗಳಿಗೆ ಪಾಠ ಕಲಿಸಿವೆ. ನಿಮ್ಮ ಸತ್ಕಾರಕ್ಕೆ ಆಭಾರಿಯಾಗಿದ್ದೇನೆ ಎಂದಿದ್ದಾರೆ.

ಈ ಭೇಟಿಯ ವೇಳೆ ಉಭಯ ದೇಶಗಳು, ತೈಲ, ವ್ಯಾಪಾರ, ರಫ್ತು, ಮೂಲಸೌಕರ್ಯ, ಆಹಾರ ಭದ್ರತೆ ಮತ್ತು ಆರ್ಥಿಕ ಸಹಕಾರದ ಕುರಿತು ಮಾತುಕತೆ ನಡೆಸಲಾಗಿದೆ.

ಇದನ್ನೂ ಓದಿ: ಅರಬ್ ದೇಶಗಳಿಗೆ 6 ದಿನದ ಪ್ರವಾಸ ಕೈಗೊಂಡ ಜೈಶಂಕರ್​: ಯುಎಇ ರಾಜನೊಂದಿಗೆ ಚರ್ಚೆ