ಬೀಜಿಂಗ್: ಸಾಮಾಜಿಕ ಜಾಲತಾಣದಲ್ಲಿ ಭಾರತೀಯ ಮೂಲದ ವಿದ್ಯಾರ್ಥಿಯೊಬ್ಬ ಚೀನಾ ಪ್ರಜೆಗಳ ಬಗ್ಗೆ ಅವಹೇಳನಾಕಾರಿಯಾಗಿ ಪೋಸ್ಟ್ ಹಾಕಿದ್ದಾನೆ ಎಂಬ ಕಾರಣಕ್ಕಾಗಿ ಆತನಿಗೆ ಚೀನಾ ವಿಶ್ವವಿದ್ಯಾಲಯವೊಂದು ಜೀವ ಬೆದರಿಕೆ ಹಾಕಿದೆ ಎಂದು ವರದಿ ಆಗಿದೆ.
ಪೂರ್ವ ಚೀನಾದ ಜಿಯಾಂಗ್ಸು ಪ್ರಾಂತ್ಯದಲ್ಲಿನ ಜಿಯಾಂಗ್ಸು ವಿಶ್ವವಿದ್ಯಾಲಯದ (ಜೆಎಸ್‌ಯು) ವಿದ್ಯಾರ್ಥಿಯಾಗಿರುವ ಕಡುಕ್ಕಸ್ಸೆರಿ ಎಂಬ ಭಾರತೀಯ ಮೂಲದ ವಿದ್ಯಾರ್ಥಿ, ಟ್ವಿಟರ್‌ನಲ್ಲಿ ಚೀನಾದ ವಿರುದ್ದ ಅವಹೇಳನಕಾರಿಯಾಗಿ ಪೋಸ್ಟ್ವೊಂದನ್ನ ಮಾಡಿದ್ದ ಎನ್ನಲಾಗಿದೆ. ಈ ಪೋಸ್ಟ್ ಸಿನಾ ವೀಬೊದಲ್ಲಿ ವೈರಲ್ ಆಗಿವೆ ಎಂದು ಗ್ಲೋಬಲ್ ಟೈಮ್ಸ್ ವರದಿ ಮಾಡಿದೆ.