ಬೀಜಿಂಗ್(ಚೀನಾ):ಅಫ್ಘಾನಿಸ್ತಾನದಲ್ಲಿ ತಾಲಿಬಾನ್ನ ಮಧ್ಯಂತರ ಸರ್ಕಾರ ರೂಪುಗೊಂಡಿದೆ. ಅಲ್ಲಿ ಅಮೆರಿಕ ಬಿಟ್ಟು ಹೋದ ಶಸ್ತ್ರಾಸ್ತ್ರಗಳು ಮತ್ತು ಯುದ್ಧ ವಿಮಾನಗಳು ತಾಲಿಬಾನಿಗಳ ಪಾಲಾಗಿವೆ. ಈ ವಿಮಾನಗಳನ್ನು ತಾಲಿಬಾನಿಗಳು ಹೇಗೆ ಬಳಸಿಕೊಳ್ಳುತ್ತಿದ್ದಾರೆ ಎಂಬ ವಿಚಾರಕ್ಕೆ ಚೀನಾದ ವಿದೇಶಾಂಗ ಇಲಾಖೆಯ ವಕ್ತಾರ ಲಿಜಿಯಾನ್ ಝಾವೋ ವಿಡಿಯೋವೊಂದನ್ನು ಟ್ವಿಟರ್ನಲ್ಲಿ ಪೋಸ್ಟ್ ಮಾಡಿ, ಅಮೆರಿಕದ ಕಾಲೆಳೆದಿದ್ದಾರೆ.
ಹೌದು.. ಅಮೆರಿಕ ಬರೋಬ್ಬರಿ 20 ವರ್ಷಗಳ ಬಳಿಕ ಅಫ್ಘಾನಿಸ್ತಾನ ತೊರೆದ ನಂತರ ಅವರು ಬಿಟ್ಟೋಗಿರುವ, ಯುದ್ಧ ವಿಮಾನವೊಂದರ ರೆಕ್ಕೆಗೆ ಜೋಕಾಲಿ ಕಟ್ಟಿ ತಾಲಿಬಾನಿಗಳು ಆಟವಾಡುತ್ತಿರುವ ವಿಡಿಯೋವನ್ನು ಲಿಜಿಯಾನ್ ಝಾವೋ ಟ್ವಿಟರ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.