ಬೀಜಿಂಗ್ (ಚೀನಾ):ಚಂದ್ರನ ಮೇಲ್ಮೈಯಲ್ಲಿನ ಕಲ್ಲು ತರಲು ಚೀನಾ ಉಡಾವಣೆ ಮಾಡಿದ್ದ ಚಾಂಗ್ ಇ-5 ನೌಕೆ ಯಶಸ್ವಿಯಾಗಿ ತಲುಪಿದೆ ಎಂದು ಚೀನಾ ತಿಳಿಸಿದೆ. ಅಲ್ಲದೆ ಚಂದ್ರನ ಮೇಲೆ ಇಳಿದಿರುವ ನೌಕೆಯು ಮೊದಲ ಮಾದರಿಯನ್ನು ಭೂಮಿಗೆ ಕಳುಹಿಸಿದೆ ಎಂದಿದೆ.
ಈ ಮೂಲಕ ಬೀಜಿಂಗ್ ತನ್ನ ಮಾನವರಹಿತ ಗಗನಯಾತ್ರೆಯ ಮಹಾತ್ವಾಕಾಂಕ್ಷೆಯ ಯೋಜನೆ ಯಶಸ್ವಿಗೊಳಿಸಿದ ಕೀರ್ತಿ ಪಡೆದುಕೊಂಡಿದೆ. ಚಂದ್ರನ ಮೇಲ್ಮೈ ತಲುಪಿದ ಚಾಂಗ್ ಚಂದ್ರನ ಮಾದರಿ ಸಂಗ್ರಹಿಸಿದೆ.
ನವೆಂಬರ್ 24 ರಂದು ಇಲ್ಲಿನ ವೆನ್‌ಚಾಂಗ್ ಬಾಹ್ಯಾಕಾಶ ಕೇಂದ್ರದಿಂದ ನೌಕೆಯನ್ನು ಉಡಾವಣೆ ಮಾಡಲಾಗಿತ್ತು. ಚಾಂಗ್ ಇ-5 ಚೀನಾದ ಏರೋಸ್ಪೇಸ್ ಇತಿಹಾಸದಲ್ಲಿ ಅತ್ಯಂತ ಸಂಕೀರ್ಣ ಮತ್ತು ಸವಾಲಿನ ಕಾರ್ಯಾಚರಣೆಗಳಲ್ಲಿ ಒಂದಾಗಿದೆ. ಕಳೆದ 40 ವರ್ಷಗಳ ನಂತರ ಚಂದ್ರನ ಮೇಲ್ಮೈಯಿಂದ ಮಾದರಿಗಳನ್ನು ಸಂಗ್ರಹಿಸಿ ಭೂಮಿಗೆ ತರುವ ಮೊದಲ ಪ್ರಯತ್ನ ಇದಾಗಿದೆ.