ಬೀಜಿಂಗ್:ಮಂಗಳ ಗ್ರಹದಲ್ಲಿ ಬಾಹ್ಯಾಕಾಶ ನೌಕೆಯನ್ನು ಯಶಸ್ವಿಯಾಗಿ ಇಳಿಸುವಲ್ಲಿ ಅಮೆರಿಕದ ದಿಟ್ಟ ಪ್ರಯತ್ನಕ್ಕೆ ಸೆಡ್ಡು ಹೊಡೆಯಲು ಚೀನಾ ಮುಂದಾಗಿದೆ.
ಹೈನಾನ್ ದ್ವೀಪದ ಉಡಾವಣಾ ತಾಣದಿಂದ ಟಿಯಾನ್ವೆನ್ -1 ಅನ್ನು ಲಾಂಗ್ ಮಾರ್ಚ್ -5 ಕ್ಯಾರಿಯರ್ ರಾಕೆಟ್‌ನಲ್ಲಿ ಉಡಾಯಿಸಲಾಗಿದೆ. ಎಲ್ಲವೂ ಯೋಜಿಸಿದಂತೆ ಆದಲ್ಲಿ ಏಳು ತಿಂಗಳಲ್ಲಿ ಉಪಗ್ರಹ ಮಂಗಳ ಗ್ರಹವನ್ನು ತಲುಪಲಿದೆ.
ಇದು ಮಂಗಳ ಗ್ರಹ ತಲುಪಲು ಚೀನಾದ ಮೊದಲ ಪ್ರಯತ್ನವಲ್ಲ. 2011ರಲ್ಲಿ ರಷ್ಯಾದೊಂದಿಗಿನ ಕಾರ್ಯಾಚರಣೆಯಿಂದ ಕಜಕಿಸ್ತಾನ್‌ನಿಂದ ಚೀನಾ ರಾಕೆಟ್ ಉಡಾವಣೆ ಮಾಡಿತ್ತು. ಆದರೆ ಈ ನೌಕೆ ಭೂಮಿಯ ಕಕ್ಷೆಯಿಂದ ಹೊರಹೋಗಲು ವಿಫಲವಾಗಿತ್ತು.
ಮುಂದಿನ ವಾರ ಫ್ಲೋರಿಡಾದ ಕೇಪ್ ಕೆನವೆರಲ್ನಿಂದ ತನ್ನ ಅತ್ಯಾಧುನಿಕ ಮಾರ್ಸ್ ರೋವರ್ ಪರ್ಸವೆರೆನ್ಸ್ ಅನ್ನು ಪ್ರಾರಂಭಿಸುವ ಗುರಿಯನ್ನು ಅಮೆರಿಕ ಹೊಂದಿದೆ.
