ಲಂಡನ್: ದೇಶಾದ್ಯಂತ ಸಡಗರ-ಸಂಭ್ರಮದಿಂದ ಸಂಕ್ರಾಂತಿ ಹಬ್ಬ ಆಚರಣೆ ಮಾಡಲಾಗ್ತಿದೆ. ತಮಿಳುನಾಡಿನಲ್ಲೂ ಪೊಂಗಲ್ ಹೆಸರಿನಲ್ಲಿ ಈ ಹಬ್ಬ ಆಚರಿಸಲಾಗುತ್ತಿದ್ದು, ತಮಿಳು ಸಮುದಾಯಕ್ಕೆ ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಶುಭಾಶಯ ಕೋರಿದ್ದಾರೆ.
ಓದಿ: 'ಭಾರತದ ತೇಜಸ್ ಪಾಕ್-ಚೀನಾದ ಜೆಎಫ್-17 ಯುದ್ಧ ವಿಮಾನಕ್ಕಿಂತಲೂ ಶಕ್ತಿಶಾಲಿ'
ತಮ್ಮ ಟ್ವಿಟರ್ ಖಾತೆಯಲ್ಲಿ ವಿಡಿಯೋ ಹರಿಬಿಟ್ಟು ಶುಭ ಹಾರೈಕೆ ಮಾಡಿರುವ ಪ್ರಧಾನಿ, ಬ್ರಿಟಿಷ್ ತಮಿಳು ಸಮುದಾಯ ಹಾಗೂ ಪ್ರಪಂಚದಾದ್ಯಂತ ವಾಸಿಸುತ್ತಿರುವ ತಮಿಳುಗರಿಗೆ ಪೊಂಗಲ್ ಹಬ್ಬದ ಶುಭಾಶಯಗಳು. ನಿಮ್ಮ ಕುಟುಂಬ, ಸ್ನೇಹಿತರೊಂದಿಗೆ ಒಟ್ಟುಗೂಡಿ ಈ ಸಂಭ್ರಮ ಆಚರಿಸಲು ನೀವೂ ಎದರು ನೋಡುತ್ತಿದ್ದೀರಿ ಎಂದು ಸಂದೇಶ ರವಾನಿಸಿದ್ದಾರೆ.
ಬ್ರಿಟನ್ಗೆ ತಮಿಳು ಸಮುದಾಯ ನೀಡಿರುವ ಕೊಡುಗೆಗಳಿಗೆ ಅವರು ವಿಡಿಯೋದಲ್ಲಿ ಕೃತಜ್ಞತೆ ಸಲ್ಲಿಸಿದ್ದು, ದೇಶದ ಆರ್ಥಿಕತೆ ಹೆಚ್ಚಿಸಲು, ಶಾಲೆಗಳಲ್ಲಿ ಮಕ್ಕಳಿಗೆ ಶಿಕ್ಷಣ ಹಾಗೂ ರಾಷ್ಟ್ರೀಯ ಆರೋಗ್ಯ ಸೇವೆಗಳಲ್ಲಿ ನಿಮ್ಮ ಕಾರ್ಯ ಶ್ಲಾಘನೀಯ ಎಂದು ತಿಳಿಸಿದ್ದಾರೆ.
