ತಾಲಿಬಾನ್, ಹಕ್ಕಾನಿಯೊಂದಿಗೆ ಐಸಿಸ್ ನೇರ ಸಂಪರ್ಕ: ಅಮರುಲ್ಲಾ ಸಲೇಹ್

ಅಫ್ಘಾನಿಸ್ತಾನದಲ್ಲಿ ಅವಾಂತರ ಸೃಷ್ಟಿಸುವ ಸಲುವಾಗಿ ತಾಲಿಬಾನ್‌ಗೆ ಸ್ಫೋಟಕ ಸಾಮಗ್ರಿಗಳನ್ನು ಒದಗಿಸುವ ಭಯೋತ್ಪಾದಕ ಕಾರ್ಖಾನೆಗಳು ಮತ್ತು ಏಜೆನ್ಸಿಗಳನ್ನು ಪಾಕಿಸ್ತಾನ ಸ್ಥಾಪಿಸಿದೆ- ಅಮರುಲ್ಲಾ ಸಲೇಹ್

ಕಾಬೂಲ್(ಅಫ್ಘಾನಿಸ್ತಾನ): ತಾಲಿಬಾನ್ ಸಂಘಟನೆ ಅಫ್ಘಾನಿಸ್ತಾನದಲ್ಲಿ ಸೃಷ್ಟಿಸಿರುವ ಪರಿಸ್ಥಿತಿಗಳ ಬಗ್ಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿಕ್ರಿಯೆಗಳು ಕೇಳಿಬರುತ್ತಿವೆ. ಈಗ ಕಾಬೂಲ್​ನಲ್ಲಿ ಐಎಸ್​-ಕೆ ಸಂಘಟನೆ (ಖೊರೋಸಾನ್​​ನಲ್ಲಿ ಐಸಿಸ್ ಅನ್ನು ಹೀಗೆ ಕರೆಯಲಾಗುತ್ತದೆ​) ನಡೆಸಿದ ದಾಳಿಯನ್ನು ಬಹುತೇಕ ಎಲ್ಲಾ ರಾಷ್ಟ್ರಗಳೂ ಖಂಡಿಸಿವೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಮಾಜಿ ಉಪಾಧ್ಯಕ್ಷ ಅಮರುಲ್ಲಾ ಸಲೇಹ್‌, ಐಎಸ್​-ಕೆ ಸಂಘಟನೆ ಕಾಬೂಲ್​ನಿಂದ ಕಾರ್ಯಾಚರಣೆ ನಡೆಸುವ ತಾಲಿಬಾನ್​ ಮತ್ತು ಹಕ್ಕಾನಿ ಸಂಘಟನೆಗಳೊಂದಿಗೆ ನೇರ ಸಂಪರ್ಕ ಹೊಂದಿದೆ ಎಂದು ಈಗಿರುವ ಎಲ್ಲಾ ಸಾಕ್ಷ್ಯಗಳು ಬಹಿಂಗಪಡಿಸುತ್ತವೆ.

ಪಾಕಿಸ್ತಾನ ಸರ್ಕಾರ ಕ್ವೆಟ್ಟಾ ಶುರಾ ಭಯೋತ್ಪಾದಕ ಸಂಘಟನೆಯೊಂದಿಗಿನ ಸಂಪರ್ಕವನ್ನು ನಿರಾಕರಿಸುವಂತೆ ತಾಲಿಬಾನಿಗಳು ಐಸಿಸ್​​ನೊಂದಿಗಿನ ಸಂಬಂಧವನ್ನು ನಿರಾಕರಿಸುತ್ತಾರೆ ಎಂದು ಸಹೇಲ್ ವ್ಯಂಗ್ಯವಾಡಿದ್ದಾರೆ.

ಈ ಮೂಲಕ ಪಾಕಿಸ್ತಾನ ಸರ್ಕಾರವು ಕ್ವೆಟ್ಟಾ ಶುರಾ ಎಂಬ ಭಯೋತ್ಪಾದನಾ ಸಂಘಟನೆಯೊಂದಿಗೆ ಸಂಪರ್ಕ ಹೊಂದಿದೆ ಎಂಬ ವಿಚಾರವನ್ನು ಅವರು ಹೊರಹಾಕಿದ್ದಾರೆ. ಇದರ ಜೊತೆಗೆ ತಾಲಿಬಾನಿಗಳು ಪಾಕ್​ನಿಂದ ಸಾಕಷ್ಟು ಕಲಿತಿದ್ದಾರೆ ಎಂದು ಪರೋಕ್ಷವಾಗಿ ಟೀಕಿಸಿದ್ದಾರೆ.

ಈ ಹಿಂದೆ, ಅಫ್ಘಾನಿಸ್ತಾನದಲ್ಲಿ ಅವಾಂತರ ಸೃಷ್ಟಿಸುವ ಸಲುವಾಗಿ ತಾಲಿಬಾನ್‌ಗೆ ಸ್ಫೋಟಕ ಸಾಮಗ್ರಿಗಳನ್ನು ಒದಗಿಸುವ ಏಜೆನ್ಸಿಗಳನ್ನು ಪಾಕಿಸ್ತಾನ ಸ್ಥಾಪಿಸಿದೆ ಎಂದು ಅಮರುಲ್ಲಾ ಸಲೇಹ್ ಆರೋಪಿಸಿದ್ದರು.

ಇದನ್ನೂ ಓದಿ:Mysuru gang rape case: ಸಂತ್ರಸ್ತೆ ಯಾವುದೇ ಹೇಳಿಕೆ ನೀಡಿಲ್ಲ: ಆರಗ ಜ್ಞಾನೇಂದ್ರ