ತಾಲಿಬಾನ್​​ ಉಗ್ರರ ಅಟ್ಟಹಾಸಕ್ಕೆ 63 ಬಲಿ: 180 ಮಂದಿಗೆ ಗಾಯ

ಆಗಸ್ಟ್ 7ರಂದು ತಾಲಿಬಾನ್ ಉಗ್ರರು ಕಾರ್ ಬಾಂಬ್​ ಸ್ಫೋಟ ನಡೆಸಿ 14 ಬಲಿ ಪಡೆದಿದ್ದರು. ಈ ದಾಳಿ ನಡೆದ ಒಂದು ವಾರದೊಳಗೆ ಮತ್ತೊಂದು ಭೀಕರ ದಾಳಿ ನಡೆದಿದ್ದು ದೇಶದಲ್ಲಿ ತಲ್ಲಣ ಮೂಡಿಸಿದೆ.

ಕಾಬುಲ್​(ಅಫ್ಘಾನಿಸ್ತಾನ): ಅಫ್ಘಾನಿಸ್ತಾನದ ರಾಜಧಾನಿ ಕಾಬುಲ್​​ನಲ್ಲಿ ನಡೆದ ಆತ್ಮಾಹುತಿ ಬಾಂಬ್ ದಾಳಿಯಲ್ಲಿ ಕನಿಷ್ಠ 63 ಮಂದಿ ಬಲಿಯಾಗಿದ್ದಾರೆ.

ಶನಿವಾರದಂದು ಮದುವೆ ಹಾಲ್​ ಒಂದರಲ್ಲಿ ಸುಸೈಡ್ ಬಾಂಬರ್ ಈ​​ ಕೃತ್ಯ ಎಸಗಿದ್ದು, ಸ್ಫೋಟದ ವೇಳೆ ಸಾವಿರಕ್ಕೂ ಅಧಿಕ ಮಂದಿ ಅಲ್ಲಿ ನೆರೆದಿದ್ದರು ಎನ್ನಲಾಗಿದೆ. ಈ ಘಟನೆಯಲ್ಲಿ ಸುಮಾರು 180 ಮಂದಿ ಗಾಯಗೊಂಡಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಸ್ಥಳೀಯ ಐಸಿಸ್​ ಉಗ್ರರ ಜೊತೆಗೆ ತಾಲಿಬಾನ್​ ಉಗ್ರರು ಜಂಟಿಯಾಗಿ ಈ ಹೇಯ ಕೃತ್ಯ ನಡೆಸಿದ್ದಾರೆ ಎಂದು ಆಂತರಿಕ ಸಚಿವಾಲಯದ ವಕ್ತಾರೆ ನುಸ್ರತ್​ ರಹಿಮಿ ಹೇಳಿದ್ದಾರೆ.

ಆಗಸ್ಟ್ 7ರಂದು ತಾಲಿಬಾನ್ ಉಗ್ರರು ಕಾರ್ ಬಾಂಬ್​ ಸ್ಫೋಟ ನಡೆಸಿ 14 ಬಲಿ ಪಡೆದಿದ್ದರು. ಈ ದಾಳಿ ನಡೆದ ಒಂದು ವಾರದೊಳಗೆ ಮತ್ತೊಂದು ಭೀಕರ ದಾಳಿ ನಡೆದಿದ್ದು ದೇಶದಲ್ಲಿ ತಲ್ಲಣ ಮೂಡಿಸಿದೆ.