ನವದೆಹಲಿ: ಅಮೆರಿಕದ ಉಪಾಧ್ಯಕ್ಷಿಯ ಚುನಾವಣೆಯಲ್ಲಿ ಕಣಕ್ಕಿಳಿದಿರುವ ಭಾರತೀಯ ಮೂಲದ ಕಮಲಾ ಹ್ಯಾರಿಸ್ ಇತ್ತೀಚಿಗೆ ತಮ್ಮ ಟ್ವಿಟರ್ನಲ್ಲಿ ಹೃದಯ ಸ್ಪರ್ಶಿ ವಿಡಿಯೋ ಶೇರ್ ಮಾಡಿದ್ದಾರೆ.
'ನೀನು ಅಧ್ಯಕ್ಷೆ ಆಗಬಹುದು'; ನಾಲ್ಕು ವರ್ಷದ ಮಗುವಿಗೆ ಕಮಲಾ ಹ್ಯಾರಿಸ್ ಪಾಠ! - ಭಾರತೀಯ ಮೂಲದ ಕಮಲಾ ಹ್ಯಾರಿಸ್
ಡೆಮಾಕ್ರಟಿಕ್ ಪಕ್ಷದಿಂದ ಅಮೆರಿಕ ಉಪಾಧ್ಯಕ್ಷೆ ಸ್ಥಾನಕ್ಕೆ ಸ್ಪರ್ಧೆ ಮಾಡಿರುವ ಕಮಲಾ ಹ್ಯಾರಿಸ್ ಬಿಡುವಿನ ಸಮಯದಲ್ಲಿ ತಮ್ಮ ಸೊಸೆ ಜತೆ ಕಾಲ ಕಳೆದಿದ್ದಾರೆ.
Kamala Harris
ಡೆಮಾಕ್ರಟಿಕ್ ಪಕ್ಷದಿಂದ ಉಪಾಧ್ಯಕ್ಷ ಸ್ಥಾನಕ್ಕಾಗಿ ಕಣಕ್ಕಿಳಿದಿರುವ ಹ್ಯಾರಿಸ್, ತಮ್ಮ ನಾಲ್ಕು ವರ್ಷದ ಸೋದರ ಸೊಸೆ ಅಮರಾ ಅಜಾಗು ಅವರೊಂದಿಗೆ ಪ್ರೀತಿಯಿಂದ ತೊಡೆಯ ಮೇಲೆ ಕುಳಿರಿಸಿಕೊಂಡು ಮಾತನಾಡಿದ್ದಾರೆ. ಈ ವೇಳೆ, ನೀನು ಅಮೆರಿಕ ಅಧ್ಯಕ್ಷರಾಗಬಹುದು ಎಂದು ಹ್ಯಾರಿಸ್ ಹೇಳಿದ್ದಾರೆ. ಜತೆಗೆ 35 ವರ್ಷದ ನಂತರ ಮಾತ್ರ ಇದು ಸಾಧ್ಯ ಎಂದು ಹೇಳಿದ್ದಾರೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ.
ಡೆಮಾಕ್ರಟಿಕ್ ಸೆನೆಟರ್ ಆಗಿರುವ ಮೀನಾ ಅವರ 4 ವರ್ಷದ ಮಗಳು ಅಮರಾ. ಸದ್ಯ ಅಮೆರಿಕದಲ್ಲಿ ವಾಸವಾಗಿದ್ದು, ಅವರೊಂದಿಗೆ ಹ್ಯಾರಿಸ್ ಮಾತುಕತೆ ನಡೆಸುತ್ತಿದ್ದ ವೇಳೆ, ಈ ರೀತಿಯಾಗಿ ಹೇಳಿಕೊಂಡಿದ್ದಾರೆ. ಮೀನಾ ಹ್ಯಾರಿಸ್ ಈ ವಿಡಿಯೋ ಪೋಸ್ಟ್ ಮಾಡಿದ್ದು, ನನ್ನ ಮಗಳು ಅಧ್ಯಕ್ಷೆ ಮತ್ತು ಗಗನಯಾತ್ರಿ ಆಗಲು ಬಯಸುತ್ತಾಳೆ ಎಂದಿದ್ದಾರೆ.