ಪತಿ ಮೃತಪಟ್ಟ 14 ತಿಂಗಳ ನಂತ್ರ ಮಗುವಿಗೆ ಜನ್ಮ ನೀಡಿದಳು ; ಹೇಗೆ ಸಾಧ್ಯವಾಯ್ತು?

ಮೇ 3ರಂದು ಸಾರಾ ತನ್ನ ತಾಯಿಯ ಸಮ್ಮುಖದಲ್ಲಿ ಮಗುವಿಗೆ ಜನ್ಮ ನೀಡಿದ್ದಾಳೆ. ಪುಟ್ಟ ಮಗು ತನ್ನ ತಂದೆಯನ್ನು ಭೇಟಿಯಾಗಲು ಎಂದಿಗೂ ಸಿಗುವುದಿಲ್ಲ ಎಂದು ಬೇಸರಗೊಂಡಿದ್ದು, 2022ರಲ್ಲಿ ಭ್ರೂಣವನ್ನು ಬಳಸಿಕೊಂಡು ಎರಡನೇ ಬಾರಿಗೆ ತಾಯಿಯಾಗುವ ಬಗ್ಗೆ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾಳೆ..

ವಾಷಿಂಗ್ಟನ್‌ : 40 ವರ್ಷದ ಮಹಿಳೆ ತನ್ನ ಪತಿ ಮರಣದ 14 ತಿಂಗಳ ನಂತರ ಹೆಪ್ಪುಗಟ್ಟಿದ ಭ್ರೂಣ ಬಳಸಿ ಮಗುವಿಗೆ ಜನ್ಮ ನೀಡಿದ್ದಾರೆ. ಸಾರಾ ಶೆಲೆನ್‌ ಬರ್ಗರ್ ಗಂಡು ಮಗುವಿಗೆ ಜನ್ಮ ನೀಡಿದ ಮಹಿಳೆ. ಮಗುವಿಗೆ ಮೆಡಿಸಿನ್‌ ಎಂದು ಹೆಸರಿಟ್ಟಿದ್ದಾಳೆ. ಈ ರೀತಿ ಮಗುವನ್ನು ಪಡೆದಿರುವುದು ಅವಾಸ್ತವ ಅನುಭವವನ್ನು ನೀಡಿದೆ ಎಂದು ಆಕೆ ಪ್ರತಿಪಾದಿಸಿದ್ದಾರೆ. 2020ರ ಫೆಬ್ರವರಿಯಲ್ಲಿ ಸಾರಾ ತನ್ನ 41 ವರ್ಷದ ಪತಿ ಸ್ಕಾಟ್‌ನನ್ನು ಹೃದಯಾಘಾತದಿಂದ ಕಳೆದುಕೊಂಡಿದ್ದರು.

ಅಮೆರಿಕದ ಒಕ್ಲಹೋಮ ಮೂಲದ ಶಿಕ್ಷಕಿಯಾಗಿರುವ ಸಾರಾ, ಈ ರೀತಿ ಮಗುವನ್ನು ಪಡೆಯುವ ನಿರ್ಧಾರವನ್ನು ಪತಿ ಬೆಂಬಲಿಸುತ್ತಿದ್ದರು. ಪತಿ ಮರಣದ ಆರು ತಿಂಗಳ ನಂತರ ಬಾರ್ಬಡೋಸ್ ಫರ್ಟಿಲಿಟಿ ಕ್ಲಿನಿಕ್‌ಗೆ ಹೋಗಿ ಗರ್ಭಿಣಿಯಾಗುವ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿದ್ದೇನೆ.

ಎಲ್ಲವೂ ಯಶಸ್ವಿಯಾದ ವರ್ಷಗಳ ನಂತರ ಗರ್ಭಧರಿಸಲು ಸಾಧ್ಯವಾಯಿತು ಎಂದು ವಿವರಿಸಿದ್ದಾರೆ. ನನಗೆ, ಬೇರೆ ದಾರಿ ಇರಲಿಲ್ಲ. ನಾನು ಗರ್ಭಿಣಿಯಾಗಲು ಮತ್ತು ನಮ್ಮ ಮಕ್ಕಳನ್ನು ಈ ಜಗತ್ತಿಗೆ ಕರೆತರಲು ಪ್ರಯತ್ನಿಸಬೇಕಾಗಿಯಿತು ಎಂದು ಹೇಳಿದ್ದಾರೆ.

ನನ್ನ ಪತಿ ಹಾಗೂ ನಾನು ಕನಿಷ್ಠ ಮೂರು ಮಕ್ಕಳನ್ನು ಪಡೆಯಬೇಕೆಂದು ಬಯಸಿದ್ದೆವು ಎಂಬುದನ್ನ ಬಹಿರಂಗ ಪಡೆಸಿರುವ 40 ವರ್ಷದ ಸಾರಾ, ಸ್ಕಾಟ್ ಮಗುವನ್ನು ಹೊಂದಲು ತುಂಬಾ ಉತ್ಸುಕರಾಗಿದ್ದರು. ಹುಟ್ಟುವ ಮಕ್ಕಳಿಗೆ ಯಾವ ಹೆಸರಿಡಬೇಕು ಅಂತಲೂ ಲಿಸ್ಟ್‌ವೊಂದನ್ನು ತಯಾರಿಸಿದ್ದರು ಎಂದು ನೆನಪುಗಳನ್ನು ಮೆಲುಕು ಹಾಕಿದ್ದಾರೆ.

ಇದನ್ನೂ ಓದಿ:‘Social Media’ ಲಸಿಕೆ ಬಗ್ಗೆ ತಪ್ಪು ಮಾಹಿತಿ ನೀಡಿ ಜನರನ್ನು ಕೊಲ್ಲುತ್ತಿದೆ: ಬೈಡನ್​

ತನ್ನ ಪತಿಯನ್ನು ನೆನಪಿಸಿಕೊಳ್ಳುತ್ತಾ ಸಾರಾ, ಸ್ಕಾಟ್‌ ತಂದೆಯಾಗಬೇಕೆಂದು ತೀವ್ರವಾಗಿ ಬಯಸಿದ್ದರು. ಹೊಸ ವಿಧಾನದ ಮೂಲಕ ಮಗು ಪಡೆಯಲು ತುಂಬಾ ಸಂತೋಷಗೊಂಡಿದ್ದರು. ಒಟ್ಟಿಗೆ ಕುಟುಂಬವನ್ನು ಹೊಂದಬೇಕೆಂಬುದು ಅವರ ಕನಸಾಗಿತ್ತು ಎಂದು ಹೇಳಿದ್ದಾರೆ.

ಈ ವಿಷಯದಲ್ಲಿ ಪತಿ ಹಾಗೂ ತಾನು ಎಷ್ಟು ಯೋಜನೆ ಮಾಡಿದ್ದೇವೆಂದು ವಿವರಿಸಿದ ಸಾರಾ, ಭ್ರೂಣದ ಪ್ರಕ್ರಿಯೆಯ ದಾಖಲೆಗಳನ್ನು ಪೂರ್ಣಗೊಳಿಸುವಾಗ ಪಾಲುದಾರರಲ್ಲಿ ಒಬ್ಬರು ಸತ್ತರೆ ಭ್ರೂಣದೊಂದಿಗೆ ಏನು ಮಾಡಬೇಕೆಂದು ಅವರು ನಿರ್ಧರಿಸಿದ್ದರು ಎಂದು ಹೇಳಿದ್ದಾರೆ.

ಮೇ 3ರಂದು ಸಾರಾ ತನ್ನ ತಾಯಿಯ ಸಮ್ಮುಖದಲ್ಲಿ ಮಗುವಿಗೆ ಜನ್ಮ ನೀಡಿದ್ದಾಳೆ. ಪುಟ್ಟ ಮಗು ತನ್ನ ತಂದೆಯನ್ನು ಭೇಟಿಯಾಗಲು ಎಂದಿಗೂ ಸಿಗುವುದಿಲ್ಲ ಎಂದು ಬೇಸರಗೊಂಡಿದ್ದು, 2022ರಲ್ಲಿ ಭ್ರೂಣವನ್ನು ಬಳಸಿಕೊಂಡು ಎರಡನೇ ಬಾರಿಗೆ ತಾಯಿಯಾಗುವ ಬಗ್ಗೆ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾಳೆ.