ಪ್ಲಾಸ್ಟಿಕ್​ನಿಂದ ಮಾಡಲ್ಪಟ್ಟ ವಸ್ತುಗಳ ಬಳಕೆಯಿಂದ ಪ್ರತಿ ವರ್ಷ 1 ಲಕ್ಷ ಮಂದಿ ಸಾಯುತ್ತಿದ್ದಾರಂತೆ..

ದೈನಂದಿನ ದಿನಚರಿಯಲ್ಲಿ ಪ್ಲಾಸ್ಟಿಕ್​ ಬಳಕೆ ವಿಪರೀತವಾಗುತ್ತಿದೆ. ಸ್ನಾನ ಮಾಡಲು ಬಳಸುವ ಶಾಂಪೂ ಹಾಗೂ ಮುಖದ ಸೌಂದರ್ಯ ಹೆಚ್ಚಿಸಲು ಮೇಕಪ್​ಗಳಿಗೆ ಬಳಸುವ ರಾಸಾಯನಿಕ ಥಾಲೇಟ್ಸ್​​ಗಳು ಮಾನವರ ದೇಹದ ಮೇಲೆ ಪರಿಣಾಮ ಬೀರುತ್ತಿವೆ. ಹಾರ್ಮೋನಿಗೆ ತೊಂದರೆ ನೀಡುತ್ತಿವೆ..

ನ್ಯೂಯಾರ್ಕ್: ಪ್ಲಾಸ್ಟಿಕ್​ನಿಂದ ಮಾಡಲ್ಪಟ್ಟ ವಸ್ತುಗಳ ಬಳಕೆಯಿಂದ ಸುಮಾರು 1 ಲಕ್ಷ ಜನರು ಸಾಯುತ್ತಿದ್ದಾರೆ ಎಂದು ನ್ಯೂಯಾರ್ಕ್ ವಿಶ್ವವಿದ್ಯಾಲಯದ ಅಧ್ಯಯನದ ವರದಿಯೊಂದು ಬಹಿರಂಗಪಡಿಸಿದೆ.

ನ್ಯೂಯಾರ್ಕ್ ವಿಶ್ವವಿದ್ಯಾಲಯದ ಗ್ರಾಸ್ಮನ್ ಸ್ಕೂಲ್ ಆಫ್ ಮೆಡಿಸಿನ್ ಸುಮಾರು 55 ರಿಂದ 64 ವಯೋಮಾನದ 5,000 ವಯಸ್ಕರನ್ನು ಈ ಅಧ್ಯಯನಕ್ಕೆ ತೆಗೆದುಕೊಂಡಿತ್ತು. ಇದೀಗ ಸಂಶೋಧನೆಯಿಂದ ಆಘಾತಕಾರಿ ವಿಷಯವೊಂದು ಹೊರಬಿದ್ದಿದೆ. ಮೂತ್ರದಲ್ಲಿ ಥಾಲೇಟ್ಸ್​​ ಅಧಿಕ ಸಾಂದ್ರತೆ ಹೊಂದಿರುವವರು ಹೃದಯ ಸಂಬಂಧಿ ಕಾಯಿಲೆಯಿಂದ ಸಾಯುವ ಸಾಧ್ಯತೆ ಹೆಚ್ಚು ಎಂದು ತಿಳಿದು ಬಂದಿದೆ.

ದೈನಂದಿನ ದಿನಚರಿಯಲ್ಲಿ ಪ್ಲಾಸ್ಟಿಕ್​ ಬಳಕೆ ವಿಪರೀತವಾಗುತ್ತಿದೆ. ಸ್ನಾನ ಮಾಡಲು ಬಳಸುವ ಶಾಂಪೂ ಹಾಗೂ ಮುಖದ ಸೌಂದರ್ಯ ಹೆಚ್ಚಿಸಲು ಮೇಕಪ್​ಗಳಿಗೆ ಬಳಸುವ ರಾಸಾಯನಿಕ ಥಾಲೇಟ್ಸ್​​ಗಳು ಮಾನವರ ದೇಹದ ಮೇಲೆ ಪರಿಣಾಮ ಬೀರುತ್ತಿವೆ. ಹಾರ್ಮೋನಿಗೆ ತೊಂದರೆ ನೀಡುತ್ತಿವೆ.

ಅಷ್ಟೇ ಅಲ್ಲ, ಇದು ವ್ಯಕ್ತಿಯ ಜೀವದ ಮೇಲೆ ಸಹ ಪರಿಣಾಮ ಬೀರುತ್ತಿದೆ ಎನ್ನಲಾಗಿದೆ. ಈ ವಸ್ತುಗಳ ಮೇಲೆ ಪ್ರತಿದಿನ ಗೊತ್ತಿಲ್ಲದೆ ನಾವು ಒಗ್ಗಿಕೊಳ್ಳುತ್ತಾ ಬಂದಿದ್ದೇವೆ. ಇದರಿಂದಾಗಿ ವಾರ್ಷಿಕವಾಗಿ ಅಮೆರಿಕದಲ್ಲಿ ಸುಮಾರು 1 ಲಕ್ಷ ಜನರು ಸಾಯುತ್ತಿದ್ದಾರೆ ಎಂದು ಸಂಶೋಧನೆ ತಿಳಿಸಿದೆ.

ಅಧ್ಯಯನದ ಪ್ರಮುಖ ಲೇಖಕ ಲಿಯೊನಾರ್ಡೊ ಟ್ರಾಸಾಂಡೆ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. "ನಮ್ಮ ಸಂಶೋಧನೆ ಮೂಲಕ ಥಾಲೇಟ್ಸ್ ಮಾನವನ ಸಾವಿಗೆ ಕಾರಣವಾಗುತ್ತಿದೆ ಎಂದು ತಿಳಿದು ಬಂದಿದೆ.

ವಿಶೇಷವಾಗಿ ಹೃದಯ ಸಂಬಂಧಿ ಕಾಯಿಲೆಗೆ ತುತ್ತಾಗಿ ಜನರು ಸಾವನ್ನಪ್ಪುತ್ತಿದ್ದಾರೆ. ನಮ್ಮ ಸಂಶೋಧನೆಯಿಂದ ಸಮಾಜದ ಮೇಲೆ ಈ ರಾಸಾಯನಿಕದ ಪ್ರಮಾಣವು ನಾವು ಮೊದಲು ಯೋಚಿಸಿದ್ದಕ್ಕಿಂತ ಹೆಚ್ಚಾಗಿದೆ ಎಂದು ಸೂಚಿಸುತ್ತದೆ ಎಂದಿದ್ದಾರೆ.