ಫೋರ್ಟ್ ಡ್ರಮ್​ನಲ್ಲಿ ಯುಎಸ್ ಸೈನಿಕರಿಗೆ ನಿರ್ಗಮಿತ ಉಪಾಧ್ಯಕ್ಷ ಪೆನ್ಸ್ ಧನ್ಯವಾದ

ಫೋರ್ಟ್ ಡ್ರಮ್​ನಲ್ಲಿ ಯು.ಎಸ್. ಸೈನಿಕರಿಗೆ ನಿರ್ಗಮಿತ ಉಪಾಧ್ಯಕ್ಷ ಮೈಕ್ ಪೆನ್ಸ್ ಧನ್ಯವಾದ ಅರ್ಪಿಸಿದರು. ಚುನಾಯಿತ ಉಪಾಧ್ಯಕ್ಷರಾದ ಕಮಲಾ ಹ್ಯಾರಿಸ್ ಅವರು ಪೆನ್ಸ್ ಉತ್ತರಾಧಿಕಾರಿಯಾಗಿ ಬುಧವಾರ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ.

ಫೋರ್ಟ್ ಡ್ರಮ್ (ಯುಎಸ್):ಉಪಾಧ್ಯಕ್ಷ ಮೈಕ್ ಪೆನ್ಸ್ ಮತ್ತು ಅವರ ಪತ್ನಿ ಭಾನುವಾರ ಫೋರ್ಟ್ ಡ್ರಮ್‌ಗೆ ಭೇಟಿ ನೀಡಿದರು. ತಮ್ಮ ಅಧಿಕಾರಾವಧಿಯ ಕೊನೆಯ ಅಧಿಕೃತ ಭೇಟಿ ಇದಾದ ಕಾರಣ 10 ನೇ ಪರ್ವತ ವಿಭಾಗ ಮತ್ತು ಅವರ ಕುಟುಂಬಗಳಿಗೆ ತಮ್ಮ ಸೇವೆಗಾಗಿ ಧನ್ಯವಾದಗಳನ್ನು ಅರ್ಪಿಸಿದರು.

ಕಮಾಂಡರ್ ಮತ್ತು ಮುಖ್ಯಸ್ಥರ ಪರವಾಗಿ ಪ್ರತಿಯೊಬ್ಬ ಅಮೆರಿಕನ್ನರಿಗೂ ಬಹಳ ಸರಳವಾದ ಸಂದೇಶವನ್ನು ನೀಡಲು ನಾನು ಇಲ್ಲಿದ್ದೇನೆ. ನಿಮ್ಮ ಸೇವೆಗೆ ಧನ್ಯವಾದಗಳು ಎಂದು ಪೆನ್ಸ್​ ಹೇಳಿದರು. ಇದೇ ವೇಳೆ ಇತ್ತೀಚೆಗೆ ಅಫ್ಘಾನಿಸ್ತಾನದಿಂದ ಮರಳಿದ 1 ನೇ ಬ್ರಿಗೇಡ್ ಯುದ್ಧ ತಂಡಕ್ಕೆ ಸ್ವಾಗತ ಕೋರಿದರು.

ಈ ವೇಳೆ ಅವರ ಪತ್ನಿ ಕರೆನ್ ಪೆನ್ಸ್ ಮಾತನಾಡುತ್ತಾ ಭಾವುಕರಾದರು. ನಾನು ಯುನೈಟೆಡ್ ಸ್ಟೇಟ್ಸ್​ನ ಎರಡನೇ ಮಹಿಳೆ ಆಗಿ ನಿಮ್ಮೊಂದಿಗೆ ಇಲ್ಲಿರುವುದು ಅತಿ ದೊಡ್ಡ ಗೌರವವಾಗಿದೆ ಎಂದರು.

ಕ್ಯಾಲಿಫೋರ್ನಿಯಾದ ನೇವಲ್ ಏರ್ ಸ್ಟೇಷನ್ ಲೆಮೂರ್ನಲ್ಲಿ ಶನಿವಾರ ಪೆನ್ಸ್​ ನಾವಿಕರಿಗೆ ಧನ್ಯವಾದ ಅರ್ಪಿಸಿದರು.

ಚುನಾಯಿತ ಉಪಾಧ್ಯಕ್ಷರಾದ ಕಮಲಾ ಹ್ಯಾರಿಸ್ ಅವರು ಪೆನ್ಸ್ ಉತ್ತರಾಧಿಕಾರಿಯಾಗಿ ಬುಧವಾರ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ. ಅವರ ಪತಿ ಡೌಗ್ ಎಮ್ಹಾಫ್ ರಾಷ್ಟ್ರದ ಎರಡನೇ ಜೆಂಟಲ್​ಮ್ಯಾನ್​ ಆಗಲಿದ್ದಾರೆ.