ವಾಷಿಂಗ್ಟನ್ ಡಿಸಿಯನ್ನು ಅಮೆರಿಕದ 51ನೇ ರಾಜ್ಯವನ್ನಾಗಿ ಮಾಡುವ ಮಸೂದೆ ಅಂಗೀಕಾರ

ವಾಷಿಂಗ್ಟನ್ ಡಿಸಿಯನ್ನು ಅಮೆರಿಕದ 51ನೇ ರಾಜ್ಯವನ್ನಾಗಿ ಮಾಡುವ ಮಸೂದೆಯನ್ನು ಯುಎಸ್​ ಕಾಂಗ್ರೆಸ್ ಅಂಗೀಕರಿಸಿದೆ. ಆದರೆ ರಿಪಬ್ಲಿಕನ್​ ಪಕ್ಷದ ಯಾರೊಬ್ಬರು ಕೂಡ ಮಸೂದೆ ಪರವಾಗಿ ಮತ ಚಲಾಯಿಸಲಿಲ್ಲ.

ವಾಷಿಂಗ್ಟನ್ ಡಿಸಿ (ಅಮೆರಿಕ): ಸೆನೆಟ್​ನ ವಿರೋಧದ ನಡುವೆಯೂ ವಾಷಿಂಗ್ಟನ್ ಡಿಸಿಯನ್ನು ಅಮೆರಿಕದ 51ನೇ ರಾಜ್ಯವನ್ನಾಗಿ ಮಾಡುವ ಮಸೂದೆಯನ್ನು ಯುಎಸ್​ ಕಾಂಗ್ರೆಸ್​ (ಸಂಸತ್ತು) ಅಂಗೀಕರಿಸಿದೆ.

ವಾಷಿಂಗ್ಟನ್ ಡಿಸಿಯನ್ನು 51ನೇ ರಾಜ್ಯವೆಂದು ಒಪ್ಪಿಕೊಳ್ಳುವ ಮಸೂದೆಗೆ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್​​ ಸಂಪೂರ್ಣವಾಗಿ ಮತ ಚಲಾಯಿಸಿದೆ. ಸೆನೆಟ್​​ನಲ್ಲಿ ಪರ-ವಿರೋಧ ವ್ಯಕ್ತವಾಗಿದೆ. ರಿಪಬ್ಲಿಕನ್​ ಪಕ್ಷದ ಯಾರೊಬ್ಬರು ಕೂಡ ಮಸೂದೆ ಪರವಾಗಿ ಮತ ಚಲಾಯಿಸಲಿಲ್ಲ.

ಇತಿಹಾಸದಲ್ಲಿ ಎರಡನೇ ಬಾರಿಗೆ ಶ್ವೇತಭವನ ಸೇರಿದಂತೆ ಡೆಮಾಕ್ರೆಟಿಕ್​ ಪಕ್ಷದ ಬೆಂಬಲದೊಂದಿಗೆ ಮಾತ್ರ ಯುಎಸ್​ ಕಾಂಗ್ರೆಸ್ ಮಸೂದೆಯನ್ನು ಅಂಗೀಕರಿಸಿದೆ. ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಮತ್ತು ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಸೇರಿದಂತೆ ಹಲವಾರು ಗಣ್ಯರು ಮತ್ತು ಶಾಸಕರು ಇದಕ್ಕೆ ಬೆಂಬಲ ವ್ಯಕ್ತಪಡಿಸಿದ್ದರೂ, ಮಸೂದೆಯನ್ನು ಸಂಪೂರ್ಣವಾಗಿ ಅಂಗೀಕರಿಸಲು ಯುಎಸ್ ಸೆನೆಟ್​ನಲ್ಲಿ ಇನ್ನೂ ಐದು ಮತಗಳು ಬೇಕಾಗಿವೆ.

ಇದನ್ನೂ ಓದಿ: ಭಾರತದಿಂದ ತೆರಳುವ ವಿಮಾನಗಳಿಗೆ ಮತ್ತೆರಡು ದೇಶಗಳ ನಿರ್ಬಂಧ!

ಇಂದು ಸದನದಲ್ಲಿ ಡೆಮಾಕ್ರಟಿಕ್ ಪಕ್ಷವು ಒಮ್ಮತ ತೋರಿಸಿದ್ದರಿಂದ ನನಗೆ ಸಂತಸವಾಗಿದೆ. ಆದರೆ ಯಾವುದೇ ರಿಪಬ್ಲಿಕನ್ನರು ವೋಟ್​ ಮಾಡದಿರುವುದಕ್ಕೆ ನಿರಾಶೆಯಾಗಿದೆ ಎಂದು ಸೆನೆಟರ್ ಪಾಲ್ ಸ್ಟ್ರಾಸ್ ಹೇಳಿದ್ದಾರೆ.

"ಇಂದಿನ ವಿಜಯವು ವಾಷಿಂಗ್ಟನ್ ಡಿಸಿ ನಿವಾಸಿಗಳಿಗೆ ಮತ್ತು ಡಿಸಿ ರಾಜ್ಯತ್ವದ ಕಾರಣಕ್ಕಾಗಿ ಐತಿಹಾಸಿಕವಾಗಿದೆ" ಎಂದು ಅಮೆರಿಕ ಸಂಸತ್ತಿನ ವಾಷಿಂಗ್ಟನ್ ಡಿಸಿ ಪ್ರತಿನಿಧಿಸುವ ಸದಸ್ಯ ಎಲೀನರ್ ಹೋಮ್ಸ್ ನಾರ್ಟನ್ ಸಂತಸ ವ್ಯಕ್ತಪಡಿಸಿದ್ದಾರೆ.