ಅಮೆರಿಕದಲ್ಲಿ 30 ಮಿಲಿಯನ್ ಗಡಿ ದಾಟಿದ ಕೋವಿಡ್​ ಕೇಸ್​

2020ರ ನವೆಂಬರ್​ನಲ್ಲಿ 10 ಮಿಲಿಯನ್​, 2021ರ ಜನವರಿಯಲ್ಲಿ 20 ಮಿಲಿಯನ್ ಇದ್ದ ಅಮೆರಿಕದ ಕೋವಿಡ್​ ಕೇಸ್​ಗಳ ಸಂಖ್ಯೆ ಇದೀಗ 30 ಮಿಲಿಯನ್ ಗಡಿ ದಾಟಿದೆ.

ವಾಷಿಂಗ್ಟನ್:ಜಗತ್ತಿನ ಕೊರೊನಾ ಪ್ರಕರಣಗಳು ಹಾಗೂ ಮೃತರ ಸಂಖ್ಯೆಯಲ್ಲಿ ಮೊದಲ ಸ್ಥಾನವನ್ನೇ ಕಾಯ್ದಿರಿಸಿಕೊಂಡಿರುವ ಅಮೆರಿಕದಲ್ಲೀಗ ಸೋಂಕಿತರ ಸಂಖ್ಯೆ 30 ಮಿಲಿಯನ್ ಗಡಿ ದಾಟಿದೆ.

2020ರ ನವೆಂಬರ್​ನಲ್ಲಿ ಅಮೆರಿಕದ ಕೋವಿಡ್​ ಕೇಸ್​ಗಳ ಸಂಖ್ಯೆ 10 ಮಿಲಿಯನ್​ ಹಾಗೂ 2021ರ ಜನವರಿಯಲ್ಲಿ 20 ಮಿಲಿಯನ್​ ಗಡಿ ತಲುಪಿತ್ತು. ಈಗ ಸೋಂಕಿತರ ಸಂಖ್ಯೆ 30,009,386 ಹಾಗೂ ಸಾವಿನ ಸಂಖ್ಯೆ 5,45,237ಕ್ಕೆ ಏರಿಕೆಯಾಗಿದೆ ಎಂದು ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯ ಮಾಹಿತಿ ನೀಡಿದೆ.

ಇದನ್ನೂ ಓದಿ: ಕೋವಿಡ್ ಅಬ್ಬರ: ನಿನ್ನೆ ಒಂದೇ ದಿನ 53 ಸಾವಿರ ಕೇಸ್​, 250 ಸಾವು ವರದಿ.. ಒಟ್ಟು 5.31 ಕೋಟಿ ಮಂದಿಗೆ ಲಸಿಕೆ

36,47,735 ಪ್ರಕರಣಗಳೊಂದಿಗೆ ಕ್ಯಾಲಿಫೋರ್ನಿಯಾ ಕೋವಿಡ್​ ಪೀಡಿತ ರಾಜ್ಯಗಳ ಪೈಕಿ ಸ್ಥಾನದಲ್ಲಿ ಮೊದಲಿದ್ದು, ನಂತರದ ಸ್ಥಾನದಲ್ಲಿ ಟೆಕ್ಸಾಸ್ (27,65,635), ಫ್ಲೋರಿಡಾ (20,21,656), ನ್ಯೂಯಾರ್ಕ್ (18,14,662) ನಗರಗಳಿವೆ. ಇನ್ನು ವಿಶ್ವದ ಕೋವಿಡ್​ ಸಾವು-ನೋವಿನ ಪೈಕಿ ಬ್ರೆಜಿಲ್​ ಎರಡನೇ ಹಾಗೂ ಭಾರತ ಮೂರನೇ ಸ್ಥಾನದಲ್ಲಿದೆ.