ಉಕ್ರೇನ್ ಬಿಕ್ಕಟ್ಟು ಉಲ್ಬಣಗೊಂಡಿದ್ದು ವಿಶ್ವಸಂಸ್ಥೆಯು ಇಂದು (ಅಮೆರಿಕ ಕಾಲಮಾನ- ಸೋಮವಾರ ರಾತ್ರಿ 9ಕ್ಕೆ) ಭದ್ರತಾ ಮಂಡಳಿಯ ತುರ್ತು ಸಭೆ ಕರೆದಿದೆ.
ಉಕ್ರೇನ್ ಬಂಡುಕೋರರ ಹಿಡಿತದಲ್ಲಿರುವ ಡೊನೆಟ್ಕ್ ಮತ್ತು ಲುಸಾಂಕ್ ಪ್ರದೇಶದಲ್ಲಿ ಪ್ರತ್ಯೇಕ ಸರ್ಕಾರ ರಚನೆಗೆ ರಷ್ಯಾ ಬೆಂಬಲ ಮತ್ತು ಈ ಪ್ರದೇಶಗಳ ಮೇಲೆ ಆರ್ಥಿಕ ಹೂಡಿಕೆಗೆ ಅಮೆರಿಕ ನಿರ್ಬಂಧ ವಿಧಿಸಿದ ಹಿನ್ನೆಲೆಯಲ್ಲಿ ವಿಶ್ವಸಂಸ್ಥೆ ಮಧ್ಯಪ್ರವೇಶಿಸಿದೆ.
ಪೂರ್ವ ಉಕ್ರೇನ್‌ನಲ್ಲಿ ಬಂಡುಕೋರರ ಹಿಡಿತದಲ್ಲಿರುವ ಡೊನೆಟ್ಕ್, ಲುಸಾಂಕ್ ಪ್ರದೇಶದಲ್ಲಿ 'ಶಾಂತಿಪಾಲನಾ ಕಾರ್ಯಾಚರಣೆ' ಪ್ರಾರಂಭಿಸಲು ತನ್ನ ಸೈನ್ಯಕ್ಕೆ ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಆದೇಶ ನೀಡಿದ್ದಾರೆ. ಇದರ ಬೆನ್ನಲ್ಲೇ ಅಮೆರಿಕ ಉಕ್ರೇನ್‌ನ ಡೊನೆಟ್ಕ್ ಪೀಪಲ್ಸ್ ರಿಪಬ್ಲಿಕ್ (ಡಿಎನ್‌ಆರ್) ಮತ್ತು ಲುಸಾಂಕ್ ಪೀಪಲ್ಸ್ ರಿಪಬ್ಲಿಕ್ (ಎಲ್‌ಎನ್‌ಆರ್) ಪ್ರದೇಶದಲ್ಲಿ ಹೊಸ ಹೂಡಿಕೆ, ಆರ್ಥಿಕ ನಿರ್ಬಂಧಗಳನ್ನು ವಿಧಿಸಿದೆ.
ಎರಡು ರಾಷ್ಟ್ರಗಳ ನಿರ್ಧಾರದಿಂದುಂಟಾಗುವ ಅಪಾಯವನ್ನು ತಡೆಯಲು ವಿಶ್ವಸಂಸ್ಥೆ ತುರ್ತಾಗಿ ಭದ್ರತಾ ಮಂಡಳಿಯ ಸಭೆ ಕರೆದಿದೆ.
ಇದನ್ನೂ ಓದಿ:ಉಕ್ರೇನ್ ಬಿಕ್ಕಟ್ಟು: ರಷ್ಯಾ ಬೆಂಬಲಿತ ಉಕ್ರೇನ್ ಪ್ರದೇಶಗಳ ಮೇಲೆ ಅಮೆರಿಕ ನಿರ್ಬಂಧ
