ನವಜಾತ ಶಿಶುಗಳಿಗೆ ಫೈಜರ್ ಕೋವಿಡ್​ ಲಸಿಕೆ ಕೊಟ್ಟು ನರ್ಸ್​ ಎಡವಟ್ಟು: ಮಕ್ಕಳು ಆಸ್ಪತ್ರೆಗೆ ದಾಖಲು

ಅನಾರೋಗ್ಯದಿಂದ ಬಳಲುತ್ತಿದ್ದ ಎರಡು ಮತ್ತು ನಾಲ್ಕು ತಿಂಗಳ ಮಗುವಿಗೆ ನರ್ಸ್‌ವೊಬ್ಬರು ತಪ್ಪಾಗಿ ಕೋವಿಡ್​ ವಿರುದ್ಧ ಹೋರಾಡುವ ಫೈಜರ್ ವ್ಯಾಕ್ಸಿನ್​ ನೀಡಿದ್ದಾರೆ..

ಬ್ರೆಜಿಲಿಯಾ :ಎರಡು ನವಜಾತ ಶಿಶುಗಳಿಗೆ ಫೈಜರ್ ಲಸಿಕೆ ಕೊಟ್ಟು ನರ್ಸ್​ ಎಡವಟ್ಟು ಮಾಡಿದ್ದಾರೆ. ಆರೋಗ್ಯದಲ್ಲಿ ಏರುಪೇರಾದ ಕಾರಣ ಹಸುಳೆಗಳಿಬ್ಬರನ್ನೂ ಆಸ್ಪತ್ರೆಗೆ ದಾಖಲಿಸಿರುವ ಘಟನೆ ಬ್ರೆಜಿಲ್​​ನಲ್ಲಿ ನಡೆದಿದೆ.

ಡಿಫ್ತೀರಿಯಾ (ಉಸಿರಾಟದ ಸಮಸ್ಯೆ), ಪೆರ್ಟುಸಿಸ್ (ನಾಯಿ ಕೆಮ್ಮು) ಹಾಗೂ ಹೆಪಟೈಟಿಸ್ ಬಿನಿಂದ ಬಳಲುತ್ತಿದ್ದ ಎರಡು ತಿಂಗಳ ಹೆಣ್ಣು ಮಗು ಮತ್ತು ನಾಲ್ಕು ತಿಂಗಳ ಗಂಡು ಮಗುವಿಗೆ ರೋಗನಿರೋಧಕ ಲಸಿಕೆ ನೀಡುವ ಬದಲಿಗೆ ನರ್ಸ್‌ವೊಬ್ಬರು ತಪ್ಪಾಗಿ ಕೋವಿಡ್​ ವಿರುದ್ಧ ಹೋರಾಡುವ ಫೈಜರ್ ವ್ಯಾಕ್ಸಿನ್​ ನೀಡಿದ್ದಾರೆ.

ಇದನ್ನೂ ಓದಿ: ಫೈಜರ್​ ಲಸಿಕೆ ಕೋವಿಡ್​ ವಿರುದ್ಧ 6 ತಿಂಗಳು ಅತ್ಯಂತ ಪರಿಣಾಮಕಾರಿ: ಅಧ್ಯಯನ

ಇದು ಶಿಶುಗಳ ಮೇಲೆ ತೀವ್ರ ಪರಿಣಾಮ ಬೀರಿದೆ ಎಂದು ಹೇಳಲಾಗಿದೆ. ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಎಡವಟ್ಟು ಮಾಡಿದ ನರ್ಸ್​ ಅನ್ನು ತಾತ್ಕಾಲಿಕವಾಗಿ ಅಮಾನತು ಮಾಡಲಾಗಿದೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.

ಆರೋಗ್ಯ ಇಲಾಖೆಯ ಅನುಮತಿ ಮೇರೆಗೆ ಬ್ರೆಜಿಲ್​ನಲ್ಲಿ 5 ರಿಂದ 12 ವರ್ಷದ ಮಕ್ಕಳಿಗೆ ಫೈಜರ್ ಲಸಿಕೆ ನೀಡಲಾಗುತ್ತಿದೆ.