ವಾಷಿಂಗ್ಟನ್:ವಿಮಾನ ಹೊಡೆದುರುಳಿಸಿದ್ದು ನಾವೇ ಎಂದು ತಪ್ಪೊಪ್ಪಿಕೊಂಡ ಇರಾನ್ಗೆ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎಚ್ಚರಿಕೆ ನೀಡಿದ್ದಾರೆ.
ವಿಮಾನವನ್ನು ಗುಂಡು ಹಾರಿಸಿ ಪತನ ಮಾಡಲಾಗಿದೆ ಎಂದು ಇರಾನ್ ಒಪ್ಪಿಕೊಂಡ ನಂತರ ಅಲ್ಲಿನ ಪ್ರತಿಭಟನಾಕಾರರು ಭುಗಿಲೆದ್ದಿದ್ದಾರೆ. ಈ ಸಂಬಂಧ ಕೈಗೊಳ್ಳುವ ಇರಾನ್ ಕ್ರಮವನ್ನು ಅಮೆರಿಕ ಸೂಕ್ಷ್ಮವಾಗಿ ಗಮನಿಸುತ್ತದೆ ಎಂದು ಇರಾನ್ಗೆ ಟ್ರಂಪ್ ಸೂಚನೆ ನೀಡಿದ್ದಾರೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ಟ್ರಂಪ್, ಇರಾನ್‌ನ ಧೈರ್ಯಶಾಲಿ ಹಾಗೂ ದೀರ್ಘಕಾಲದಿಂದ ಬಳಲುತ್ತಿರುವ ಜನರ ಜೊತೆ ನಾನಿದ್ದೇನೆ. ನಾನು ಅಧ್ಯಕ್ಷನಾದ ಆರಂಭದಿಂದಲೂ ನಿಮ್ಮ ಜತೆಗಿರುವೆ. ನನ್ನ ಆಡಳಿತವು ನಿಮ್ಮೊಂದಿಗೆ ನಿಲ್ಲುತ್ತದೆ ಎಂದು ಟ್ವೀಟ್ ಮಾಡಿದ್ದಾರೆ.
ಟೆಹರಾನ್ ಪ್ರದೇಶದಲ್ಲಿ ಇರಾನ್ ಉಕ್ರೇನಿಯನ್ ಜೆಟ್‌ಲೈನರ್‌ನ ಉದ್ದೇಶಪೂರ್ವಕವಾಗಿ ಹೊಡೆದುರುಳಿಸಿದೆ. ಇದರಲ್ಲಿದ್ದ ಎಲ್ಲ 176 ಜನರು ಆ ವೇಳೆ ಸಾವನ್ನಪ್ಪಿದ್ದರು. ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದ ಇರಾನ್ ಅಧ್ಯಕ್ಷ, ಇದು ಅಚಾತುರ್ಯದಿಂದ ಆದಂತಹ ದೋಷ. ಅಷ್ಟೇ ಅಲ್ಲ, ಕ್ಷಮಿಸಲಾಗದ ತಪ್ಪು ಎಂದು ಹೇಳಿದ್ದರು.
