ಅಮೆರಿಕ ತೆಗೆದುಕೊಂಡ ಎಲ್ಲಾ ನಿರ್ಧಾರಗಳಿಗೆ ಬೈಡನ್ ಹೊಣೆ ಹೊರುತ್ತಾರೆ: ಜೇಕ್ ಸುಲ್ಲಿವಾನ್

ತಾಲಿಬಾನ್ ನಾಯಕರು ಸರ್ಕಾರ ಮುಂದಿನ ದಿನಗಳಲ್ಲಿ ತೆಗೆದುಕೊಳ್ಳಬಹುದಾದ ಯೋಜನೆಗಳನ್ನು ದೋಹಾದಲ್ಲಿ ಚರ್ಚಿಸುತ್ತಿದ್ದು, ಬೇರೆ ಬೇರೆ ರಾಷ್ಟ್ರಗಳೊಂದಿಗೆ ಕೂಡಾ ಸಂಪರ್ಕದಲ್ಲಿದ್ದಾರೆ. ಅಫ್ಘಾನಿಸ್ತಾನದಲ್ಲಿರುವ ತಮ್ಮ ಪ್ರಜೆಗಳನ್ನು ವಾಪಸ್ ಕಡರೆಸಿಕೊಳ್ಳಲು ಕೆಲವು ರಾಷ್ಟ್ರಗಳು ಹರಸಾಹಸ ಪಡುತ್ತಿವೆ.

ವಾಷಿಂಗ್ಟನ್, ಅಮೆರಿಕ:ನಮ್ಮ ಶಸ್ತ್ರಾಸ್ತ್ರಗಳನ್ನು ಆಫ್ಘನ್​​ ಪಡೆಗಳಿಂದ ತಾಲಿಬಾನ್ ವಶಕ್ಕೆ ಪಡೆದುಕೊಂಡಿದ್ದು, ಅವುಗಳನ್ನು ನಮಗೆ ತಾಲಿಬಾನ್ ಹಿಂದಿರುಗಿಸುತ್ತದೆ ಎಂಬ ನಿರೀಕ್ಷೆಯಿಲ್ಲ ಎಂದು ಅಮೆರಿಕದ ರಾಷ್ಟ್ರೀಯ ಭದ್ರತಾ ಸಲಹೆಗಾರ (NSA) ಜೇಕ್ ಸುಲ್ಲಿವಾನ್ ಅಭಿಪ್ರಾಯಪಟ್ಟಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಜೇಕ್ ಸುಲ್ಲಿವಾನ್ ತಾಲಿಬಾನ್ ಬಳಿ ಸಾಕಷ್ಟು ಅಮೆರಿಕದ ಶಸ್ತ್ರಗಳು ಇವೆ. ಅಫ್ಘಾನ್ ಸೇನೆಯಿಂದ ಆ ಶಸ್ತ್ರಗಳನ್ನು ಜಪ್ತಿ ಮಾಡಲಾಗಿದೆ. ಅವುಗಳನ್ನು ತಾಲಿಬಾನ್ ಅಮೆರಿಕಕ್ಕೆ ಹಿಂದಿರುಗಿಸಲಿ ಎಂದು ನಾವು ನಿರೀಕ್ಷಿಸುವುದಿಲ್ಲ ಎಂದಿದ್ದಾರೆ.

ನಮಗೆ ಖಂಡಿತವಾಗಿಯೂ ಈ ಬಗ್ಗೆ ಸರಿಯಾದ ಅಂಕಿ ಅಂಶಗಳು ತಿಳಿದಿಲ್ಲ ಎಂದಿರುವ ಅವರು ಅಮೆರಿಕದ ಅಧ್ಯಕ್ಷ ಜೋ ಬೈಡನ್ ತಾವು ಈಗ ನಡೆಯುತ್ತಿರುವ ಅಫ್ಘಾನಿಸ್ತಾನ ಸಂಬಂಧಿ ಎಲ್ಲಾ ನಿರ್ಧಾರಗಳಿಗೆ ತಾವೇ ಹೊಣೆ ಹೊರುತ್ತಿದ್ದಾರೆ ಎಂದು ಸ್ಪಷ್ಟನೆ ನೀಡಿದ್ದಾರೆ.

ನಾನೂ ಕೂಡಾ ಅಮೆರಿಕ ನಿರ್ಧಾರಗಳಿಗೆ ಹೊಣೆ ಹೊರಲಿದ್ದು, ನನ್ನ ಸಹದ್ಯೋಗಿಗಳು, ರಕ್ಷಣಾ ಕಾರ್ಯದರ್ಶಿ, ನಮ್ಮ ಗುಪ್ತಚರ ಸಂಸ್ಥೆಗಳ ನಿರ್ದೇಶಕರು. ನಾವು ರಾಷ್ಟ್ರೀಯ ಭದ್ರತಾ ತಂಡವಾಗಿ ಒಟ್ಟಾಗಿ ಪ್ರತಿಯೊಂದು ನಿರ್ಧಾರಕ್ಕೂ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತೇವೆ ಎಂದು ಸುಲ್ಲಿವನ್ ಹೇಳಿದ್ದಾರೆ.

ಸದ್ಯಕ್ಕೆ ತಾಲಿಬಾನ್ ನಾಯಕರು ಸರ್ಕಾರ ಮುಂದಿನ ದಿನಗಳಲ್ಲಿ ತೆಗೆದುಕೊಳ್ಳಬಹುದಾದ ಯೋಜನೆಗಳನ್ನು ದೋಹಾದಲ್ಲಿ ಚರ್ಚಿಸುತ್ತಿದ್ದು, ಬೇರೆ ಬೇರೆ ರಾಷ್ಟ್ರಗಳೊಂದಿಗೆ ಕೂಡಾ ಸಂಪರ್ಕದಲ್ಲಿದ್ದಾರೆ. ಅಫ್ಘಾನಿಸ್ತಾನದಲ್ಲಿರುವ ತಮ್ಮ ಪ್ರಜೆಗಳನ್ನು ವಾಪಸ್ ಕಡರೆಸಿಕೊಳ್ಳಲು ಕೆಲವು ರಾಷ್ಟ್ರಗಳು ಹರಸಾಹಸ ಪಡುತ್ತಿವೆ.

ಇದನ್ನೂ ಓದಿ:ನಾವು ಯಾವುದೇ ದೇಶಕ್ಕೆ ಬೆದರಿಕೆ ಒಡ್ಡಲ್ಲ : ವಿಶ್ವಕ್ಕೆ ಆಶ್ವಾಸನೆ ನೀಡಿದ ತಾಲಿಬಾನ್​