ಡಬಲ್​ ಇಂಜಿನ್ ಜೆಟ್ ವಿಮಾನ ಅಪಘಾತ.. ಆರು ಮಂದಿ ದುರ್ಮರಣ!

ಅಮೆರಿಕದ ಟ್ರಕ್ರಿಯಲ್ಲಿ ವಿಮಾನ ಅಪಘಾತ ಸಂಭವಿಸಿ ಆರು ಜನರು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಟ್ರಕ್ರಿ (ಅಮೆರಿಕ): ಲೇಕ್ ತಾಹೋ ಪ್ರದೇಶದ ಗಾಲ್ಫ್ ಕೋರ್ಸ್ ಬಳಿ ಡಬಲ್​ ಇಂಜಿನ್ ಜೆಟ್ ವಿಮಾನವು ಅಪಘಾತ ಸಂಭವಿಸಿದ್ದು, ಆರು ಜನರು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಬೊಂಬಾರ್ಡಿಯರ್​ ಸಿಎಲ್​-600 ಎಂಬ ವಿಮಾನವು ಅರಣ್ಯವೊಂದರಲ್ಲಿ ಅಪಘಾತಕ್ಕೀಡಾಗಿದೆ.

ಈ ವಿಮಾನವು ಇಡಾಹೊದ ಕೊಯೂರ್ ಡಿ ಅಲೀನ್​ನಿಂದ ಹೊರಟಿತ್ತು. ಟ್ರಕೀ-ತಾಹೋ ವಿಮಾನ ನಿಲ್ದಾಣದಲ್ಲಿ ವಿಮಾನ ಇಳಿಸಲು ಪೈಲಟ್ ಯತ್ನಿಸಿದ್ರೂ, ಸಾಧ್ಯವಾಗದೇ ದುರಂತ ಸಂಭವಿಸಿದೆ ಎಂದು ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ ತಿಳಿಸಿದೆ.

ಘಟನೆಗೆ ಕಾರಣ ಏನೆಂಬುದು ಈವರೆಗೆ ತಿಳಿದು ಬಂದಿಲ್ಲ, ಅಪಘಾತ ಬಗ್ಗೆ ತನಿಖೆ ನಡೆಸಲು ಇಬ್ಬರು ಅಧಿಕಾರಿಗಳನ್ನು ನೇಮಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.