ನ್ಯೂಯಾರ್ಕ್ :ಲಸಿಕೆ ತಯಾರಿಕಾ ಸಂಸ್ಥೆ ಫಿಜರ್ ಮತ್ತು ಅದರ ಜರ್ಮನ್ ಪಾಲುದಾರ ಬಯೋನ್ಟೆಕ್ ಕೋವಿಡ್ ಲಸಿಕೆ ಕುರಿತು ಎರಡನೇ ಮಧ್ಯಂತರ ಫಲಿತಾಂಶವನ್ನು ಬಿಡುಗಡೆ ಮಾಡಿದೆ. ಸಂಸ್ಥೆಯ ಕೋವಿಡ್ ಲಸಿಕೆ ಶೇ.95ರಷ್ಟು ಪರಿಣಾಮಕಾರಿಯಾಗಿದ್ದು, ಹಿರಿಯ ವಯಸ್ಸಿನ ಅತ್ಯಂತ ದುರ್ಬಲ ವ್ಯಕ್ತಿಯನ್ನೂ ವೈರಸ್ನಿಂದ ಇದು ರಕ್ಷಿಸುತ್ತದೆ ಎಂದು ತಿಳಿಸಿದೆ.
BNT162b2 ಕೋವಿಡ್ ಲಸಿಕೆಯ ಪ್ರಾಥಮಿಕ ಪರಿಣಾಮ ವಿಶ್ಲೇಷಣೆ ವೇಳೆ, ಮೊದಲ ಡೋಸ್ ನೀಡಿ 28 ದಿನಗಳ ಬಳಿಕ ಸೋಂಕು ದೃಢಪಟ್ಟ ವ್ಯಕ್ತಿ ಮೇಲೆ ಲಸಿಕೆ ಪರಿಣಾಮ ಬೀರಿರುವುದು ಕಂಡು ಬಂದಿದೆ. 170 ದೃಢಪಟ್ಟ ಕೋವಿಡ್ ಪ್ರಕರಣಗಳನ್ನು ಮೌಲ್ಯಮಾಪನ ಮಾಡಲಾಗಿದೆ. ಆ ಪೈಕಿ ಪ್ಲೇಸಿಬೊ ಗುಂಪಿನಲ್ಲಿ 162 ಮತ್ತು ಲಸಿಕೆ ಗುಂಪಿನಲ್ಲಿ 8 ಕಂಡು ಬಂದಿದೆ ಎಂದು ಕಂಪನಿ ತಿಳಿಸಿದೆ.