ವಾಷಿಂಗ್ಟನ್:ಒಂದು ವರ್ಷ ಪ್ರಾಯದ ಮಗು ತಿಂಗಳಿಗೆ 75 ಸಾವಿರ ರೂ. ಗಳಿಸುತ್ತಿದೆ. ಹೌದು, ಅಮೆರಿಕ ನಿವಾಸಿ ಬೇಬಿ ಬ್ರಿಗ್ಸ್ ಇಲ್ಲಿಯವರೆಗೆ 45 ಬಾರಿ ವಿಮಾನ ಪ್ರಯಾಣ ಮಾಡಿದ್ದಾನೆ. ಅಲಸ್ಕಾ, ಕ್ಯಾಲಿಫೋರ್ನಿಯಾ, ಫ್ಲೋರಿಡಾ, ಉತಾಲ್ಲದ ಪಾರ್ಕ್ಗಳು, ಬೀಚ್ಗಳು ಸೇರಿದಂತೆ ಅಮೆರಿಕದ ಸುಮಾರು 16 ರಾಜ್ಯಗಳನ್ನು ಈಗಾಗಲೇ ಸುತ್ತಾಡಿದ್ದಾನೆ.
ಈ ಮಗುವಿನ ತಿಂಗಳ ಸಂಪಾದನೆ ₹75 ಸಾವಿರ!
ಇದು ಅಚ್ಚರಿ ಆದ್ರೂ ಸತ್ಯ. ಇಲ್ಲಿ ಒಂದು ವರ್ಷದ ಪುಟಾಣಿ ದೇಶ ಸುತ್ತುತ್ತಲೇ ತಿಂಗಳಿಗೆ 75 ಸಾವಿರ ರೂ. ಸಂಪಾದನೆ ಮಾಡುತ್ತಿದೆ. ಇದು ಹೇಗೆ ಸಾಧ್ಯ ಅಂದ್ರಾ? ಇಲ್ಲಿದೆ ಸ್ಟೋರಿ.
ಕೃಪೆ: Instagram/whereisbriggs
ಹೀಗೆ ಹೊಸ ಹೊಸ ಪ್ರದೇಶವನ್ನು ಸುತ್ತುವ ಮೂಲಕ ಈತ ಅದೇಗೆ ಹಣ ಸಂಪಾದಿಸುತ್ತಾನೆ ಎಂಬ ಪ್ರಶ್ನೆ ಉದ್ಭವಿಸೋದು ಸಹಜ. ಈ ಮಗುವಿನ ಪೋಷಕರು ವಿವಿಧ ಪ್ರದೇಶಗಳ ಸೌಂದರ್ಯ ಸವಿಯಲು ತಿರುಗುತ್ತಿರುತ್ತಾರೆ. ಈ ಸಂದರ್ಭದಲ್ಲಿ ಮಗುವಿನೊಂದಿಗೆ ಬ್ರಿಗ್ಸ್ ತಾಯಿ ಜೆಸ್ ವಿಡಿಯೋ ತೆಗೆದುಕೊಳ್ಳುತ್ತಾರೆ. ಮಗುವಿನೊಂದಿಗಿನ ಚೆಲ್ಲಾಟದ ವಿಡಿಯೋವನ್ನು ತಾಯಿ ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್‌ ಮಾಡುತ್ತಾರೆ. ಬಳಿಕ ಆ ವಿಡಿಯೋಗಳು ವೈರಲ್ ಆಗುವ ಮೂಲಕ ಹಣ ಗಳಿಸುತ್ತಾರೆ. ಹೀಗೆ ತಿಂಗಳಿಗೆ 75 ಸಾವಿರ ರೂ. ಸಂಪಾದಿಸುತ್ತಿದ್ದಾರಂತೆ. ಈ ಕ್ರೆಡಿಟ್‌ ಅನ್ನು ಅವರು ತನ್ನ ಮಗುವಿಗೆ ಕೊಡುತ್ತಾರೆ. ಬ್ರಿಗ್ಸ್ಗೆ ಇನ್ಸ್ಟಾಗ್ರಾಂನಲ್ಲಿ ಸುಮಾರು 30 ಸಾವಿರಕ್ಕೂ ಹೆಚ್ಚು ಜನ ಫಾಲೋವರ್ಸ್ ಇದ್ದಾರೆ.