ಮೆಕ್ಸಿಕೋ: ಮಾದಕದ್ರವ್ಯ ಗುಂಪಿನ ಮೇಲೆ ಆಕಸ್ಮಿಕವಾಗಿ ದರೋಡೆಕೋರರು ದಾಳಿ ನಡೆಸಿದ್ದಾರೆ. ಈ ದಾಳಿಯಲ್ಲಿ ಆರು ತಿಂಗಳ ಅವಳಿ ಹಸುಳೆಗಳು ಸೇರಿದಂತೆ 9 ಜನರನ್ನು ಜೀವಂತವಾಗಿ ಸುಟ್ಟು ಹಾಕಿರುವ ಘಟನೆ ಮೆಕ್ಸಿಕೋದ ಗಡಿಯಲ್ಲಿ ನಡೆದಿದೆ.
ಮೆಕ್ಸಿಕೋದ ಗಡಿಭಾಗದ ಸೊನೊರಾ ಪ್ರದೇಶದ ರಹದಾರಿಯಲ್ಲಿ ಮೂರು ಎಸ್ಯುವಿ ಕಾರ್ಗಳು ಸಾಗುತ್ತಿದ್ದವು. ಈ ವೇಳೆ, ದರೋಡೆಕೋರರು ಕಾರ್ವೊಂದರ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ. ಆ ಕಾರಿನಲ್ಲಿ ಸ್ಫೋಟಕ ವಸ್ತುಗಳು ಇರುವುದರಿಂದ ಕಾರು ಬ್ಲಾಸ್ಟ್ ಆಗಿದೆ.
ಇನ್ನು ದರೋಡೆಕೋರರು ನಡೆಸಿದ ಕಾರಿನಲ್ಲಿ ಆರು ತಿಂಗಳ ಅವಳಿ ಮಕ್ಕಳು ಸೇರಿದಂತೆ ಆರು ಮಕ್ಕಳು ಮತ್ತು ಮೂವರು ಮಹಿಳೆಯರಿದ್ದರು. ಕಾರ್ ಸ್ಫೋಟಗೊಂಡ ಪರಿಣಾಮ ಕಾರಿನಲ್ಲಿದ್ದವರೆಲ್ಲ ಸಜೀವ ದಹನಗೊಂಡರು. ಮೃತರೆಲ್ಲರೂ ಒಂದೇ ಕಟುಂಬದವರಾಗಿದ್ದು, ಅಮೆರಿಕದ ನಿವಾಸಿಗಳೆಂದು ಪೊಲೀಸರು ಗುರುತಿಸಿದ್ದಾರೆ.
ಟ್ರಂಪ್ ಟ್ವೀಟ್...
ಈ ಘಟನೆ ಬಗ್ಗೆ ಟ್ವೀಟ್ ಮಾಡಿದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್.. ಮಾದಕದ್ರವ್ಯ ಗುಂಪಿನ ಮೇಲೆ ಪ್ರತಿಕಾರ ತಿರಿಸಿಕೊಳ್ಳವುದಕ್ಕೆ ಮೆಕ್ಸಿಕೋಗೆ ಸಹಕರಿಸುತ್ತೇವೆ ಎಂದು ಪ್ರಕಟಿಸಿದ್ದಾರೆ. ಈ ಗುಂಪನ್ನು ಶಮನ ಮಾಡುವುದಕ್ಕೆ ಮೆಕ್ಸಿಕೋ ತಮ್ಮ ಸಹಕಾರ ಕೋರಿದ್ರೆ ಅಮೆರಿಕ ಖಂಡಿತವಾಗಿಯೂ ಮುಂದಿರುತ್ತೆ. ಇವರನ್ನು ಕೊನೆಗಳಿಸಬೇಕಂದ್ರೆ ಯುದ್ಧವೇ ನಡೆಯುವ ಪರಿಸ್ಥಿತಿ ಬರುತ್ತೆ ಎಂದು ಟ್ರಂಪ್ ಟ್ವೀಟ್ ಮಾಡಿದ್ದಾರೆ.
ಮೆಕ್ಸಿಕೋ ತಿರಸ್ಕಾರ!
ಅಮೆರಿಕಾ ಅಧ್ಯಕ್ಷರ ಟ್ವೀಟ್ಗೆ ಮೆಕ್ಸಿಕೋ ಅಧ್ಯಕ್ಷ ಪ್ರತಿಕ್ರಿಯಿಸಿದ್ದಾರೆ. ಮೆಕ್ಸಿಕೋ ಅಧ್ಯಕ್ಷರಾದ ಆಂಡ್ರೆಸ್ ಮಾನ್ಯುಯಲ್ ಲೋಪೆಜ್ ಟ್ವೀಟ್ ಮಾಡಿ, ಟ್ರಂಪ್ ಆಲೋಚನೆಯನ್ನು ನಾವು ಗೌರವಿಸುತ್ತೇವೆ. ಆದ್ರೆ ನಮಗೆ ಯುದ್ಧ ಮಾಡುವ ಇಷ್ಟವಿಲ್ಲವೆಂದು ಸ್ಪಷ್ಟ ಪಡಿಸಿದ್ದಾರೆ.