ಯುಎಸ್ (ಬರ್ಕ್ಲೆ) : ಅಮೆರಿಕದ ಬರ್ಕ್ಲೆಯಲ್ಲಿರುವ ಯುನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾದಲ್ಲಿ ಪಿಹೆಚ್ಡಿ ವಿದ್ಯಾರ್ಥಿನಿಯ ಟ್ವೀಟನ್ನು ಗೂಗಲ್ ಸಿಇಒ ಸುಂದರ್ ಪಿಚೈ ಶೇರ್ ಮಾಡಿ ಗಮನ ಸೆಳೆದಿದ್ದಾರೆ.
0 ಅಂಕ ಪಡೆದವರು ಹೀರೋ ಆಗಬಹುದು: ವಿದ್ಯಾರ್ಥಿನಿಗೆ ಸ್ಫೂರ್ತಿ ತುಂಬಿದ ಗೂಗಲ್ ಸಿಇಒ
ಅಮೆರಿಕದ ಬರ್ಕ್ಲೇಯಲ್ಲಿರುವ ಯೂನಿವರ್ಸಿಟಿ ಆಫ್ ಕ್ಯಾಲಿಫೋರ್ನಿಯಾದಲ್ಲಿ ಪಿಹೆಚ್ಡಿ ವಿದ್ಯಾರ್ಥಿನಿಯ ಟ್ವೀಟನ್ನು ಗೂಗಲ್ ಸಿಇಒ ಸುಂದರ್ ಪಿಚೈ ಶೇರ್ ಮಾಡಿದ್ದು ವಿಶ್ವದ ಗಮನ ಸಳೆದಿದೆ.
ಜೀರೋ ಪಡೆದವರು ಹೀರೋ ಆಗಬಹುದು
4 ವರ್ಷಗಳ ಹಿಂದೆ ನಾನು ಕ್ವಾಂಟಮ್ ಭೌತಶಾಸ್ತ್ರ ಪರೀಕ್ಷೆಯಲ್ಲಿ ಸೊನ್ನೆ ಅಂಕ ಪಡೆದಿದ್ದೆ. ಇದೇ ಭಯದಲ್ಲಿ ನಾನು ಪ್ರಾಧ್ಯಾಪಕರನ್ನು ಭೇಟಿ ಮಾಡಿ, ಭೌತಶಾಸ್ತ್ರವನ್ನು ತ್ಯಜಿಸಬೇಕೆಂದು ಭಯದಿಂದ ಹೇಳಿದ್ದೆ. ಆದರೆ ಇಂದು ನಾನು ಉನ್ನತ ಶ್ರೇಣಿಯ ಖಗೋಳ ಭೌತಶಾಸ್ತ್ರ ಪಿಹೆಚ್ಡಿ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದೇನೆ. ಅಲ್ಲದೇ 2 ಪತ್ರಿಕೆಗಳನ್ನು ಸಹ ಪ್ರಕಟಿಸಿದ್ದೇನೆ. ವಿಜ್ಞಾನ, ತಂತ್ರಜ್ಞಾನ, ಎಂಜಿನಿಯರಿಂಗ್ ಮತ್ತು ಗಣಿತ ಎಲ್ಲರಿಗೂ ಕಷ್ಟದ ವಿಷಯಗಳೇ. ಆದರೆ ನೀವು ಪಡೆಯುವ ಶ್ರೇಣಿಯಿಂದ ನೀವು ಸಾಧಿಸಲು ಅಸಾಧ್ಯ ಎಂದು ಹೇಳಲು ಆಗಲ್ಲ ಎಂದು ಸರಫಿನಾ ನ್ಯಾನ್ಸ್ ಟ್ವೀಟ್ ಮಾಡಿದ್ದರು. ಈ ಟ್ವೀಟ್ ಗೂಗಲ್ ಸಿಇಒ ಸುಂದರ್ ಪಿಚೈ ಅವರ ಗಮನ ಸೆಳೆದಿದೆ.
ಪಿಹೆಚ್ಡಿ ವಿದ್ಯಾರ್ಥಿನಿ ಸರಫಿನಾ ನ್ಯಾನ್ಸ್ ಟ್ವೀಟ್ ಅನ್ನು ಗೂಗಲ್ ಸಿಇಒ ಸುಂದರ್ ಪಿಚಾಯಿ ತನ್ನ ಖಾತೆಯಲ್ಲಿ ಹಂಚಿಕೊಂಡಿದ್ದು, ಪರೀಕ್ಷೆಯಲ್ಲಿ ಗಳಿಸುವ ಅಂಕ ಸಾಧನೆಗೆ ಕೈಗನ್ನಡಿಯಲ್ಲ. ಸಾಧಿಸಲು ಅಚಲ ಉತ್ಸಾಹ, ಬಿಡದ ಛಲ ಮುಖ್ಯ ಎಂಬುದನ್ನು ಎತ್ತಿಹಿಡಿದಿದ್ದಾರೆ.