ಭಯೋತ್ಪಾದನೆ ಮಟ್ಟಹಾಕದ ಹಿನ್ನೆಲೆ: ಪಾಕಿಸ್ತಾನ ಕಪ್ಪು ಪಟ್ಟಿಗೆ ಸೇರ್ಪಡೆ ಖಚಿತ?

ಭಯೋತ್ಪಾದನೆಯ ನಿಗ್ರಹ ವಿಚಾರದಲ್ಲಿ ಪಾಕಿಸ್ತಾನದ ಕ್ರಮಗಳು ಸಾಲದು. 2018ರ ಜೂನ್​ ಅಂತ್ಯಕ್ಕೆ ಪಾಕಿಸ್ತಾನ ಈ ವಿಚಾರದಲ್ಲಿ ಅತ್ಯಂತ ಹಿಂದುಳಿದಿತ್ತು. ಆ ಬಳಿಕ ಜನವರಿ ಹಾಗೂ ಮೇ ತಿಂಗಳ ಗಡುವು ನೀಡಲಾಗಿದ್ದರೂ ಪಾಕ್​ ಸುಧಾರಿಸಿಲ್ಲ ಎಂದು ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ್ದಾರೆ.

ವಾಷಿಂಗ್ಟನ್​:ಭಯೋತ್ಪಾದನಾ ಚಟುವಟಿಕೆಯನ್ನು ನಿಯಂತ್ರಣಕ್ಕೆ ತರುವಲ್ಲಿ ಸತತ ವಿಫಲವಾಗುತ್ತಿರುವ ಪಾಕಿಸ್ತಾನ ಕಪ್ಪುಪಟ್ಟಿಗೆ ಸೇರಲಿದೆ ಎನ್ನುವ ಮುನ್ಸೂಚನೆಯನ್ನು ಫೈನಾನ್ಸಿಯಲ್​ ಆ್ಯಕ್ಷನ್ ಟಾಕ್ಸ್‌ಫೋರ್ಸ್(ಎಫ್​​​ಟಿಎಫ್​​)​ನ ಅಧ್ಯಕ್ಷ ಮಾರ್ಷಲ್ ಬಿಲ್ಲಿಂಗ್ಸ್​ಲಿಯಾ ಹೇಳಿದ್ದಾರೆ.

ಭಯೋತ್ಪಾದನೆ ನಿಗ್ರಹದಲ್ಲಿ ಪಾಕಿಸ್ತಾನ ಮಹತ್ತರ ಕೆಲಸ ಮಾಡಬೇಕಿದೆ. 2018ರ ಜೂನ್​ ಅಂತ್ಯಕ್ಕೆ ಪಾಕಿಸ್ತಾನ ಈ ವಿಚಾರದಲ್ಲಿ ಅತ್ಯಂತ ಹಿಂದುಳಿದಿತ್ತು. ಆ ಬಳಿಕ ಜನವರಿ ಹಾಗೂ ಮೇ ತಿಂಗಳ ಗಡುವು ನೀಡಲಾಗಿದ್ದರೂ ಪಾಕ್​ ಸುಧಾರಿಸಿಲ್ಲ ಎಂದು ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ್ದಾರೆ.

ಉಗ್ರರ ನಿರ್ಮೂಲನೆಯಲ್ಲಿ ಪಾಕಿಸ್ತಾನಕ್ಕೆ ಎಫ್​ಟಿಎಫ್​ 26 ಅಂಶಗಳ ಯೋಜನಾ ಸೂತ್ರವನ್ನು ನೀಡಿದೆ. ಆದರೆ ಪಾಕ್​ ಈ ವಿಚಾರದಲ್ಲಿ ಗಂಭೀರವಾಗಿ ಕಾರ್ಯನಿರ್ವಹಿಸಿಲ್ಲ ಎಂದು ಮಾರ್ಷಲ್ ಹೇಳಿದ್ದಾರೆ.

ಎಫ್​ಟಿಎಫ್​​ ಗಡುವು ಸೆಪ್ಟೆಂಬರ್ ವೇಳೆಗೆ ಅಂತ್ಯವಾಗಲಿದ್ದು ಆ ಸಂದರ್ಭದಲ್ಲೂ ಪಾಕಿಸ್ತಾನ ಉಗ್ರರ ನಿಗ್ರಹದಲ್ಲಿ ಮೃದು ಧೋರಣೆ ತಳೆಯದಿದ್ದರೆ ಮುಂದೆ ಕಠಿಣ ಕ್ರಮ ಕೈಗೊಳ್ಳುವ ಮುನ್ಸೂಚನೆಯನ್ನು ಮಾರ್ಷಲ್ ನೀಡಿದ್ದಾರೆ.