ಡೆಲ್ಟಾ ವೈರಸ್​ ಅಮೆರಿಕದ ಕೋವಿಡ್ ಹೋರಾಟಕ್ಕೆ ದೊಡ್ಡ ಬೆದರಿಕೆ: ಡಾ.ಫೌಸಿ

ಕೋವಿಡ್ ರೂಪಾಂತರಿ ವೈರಸ್ ಡೆಲ್ಟಾ ಬಗ್ಗೆ ಇಡೀ ಜಗತ್ತು ತಲೆಕೆಡಿಸಿಕೊಂಡಿರುವ ನಡುವೆ ಯುಎಸ್​ನ ಪ್ರಮುಖ ವೈದ್ಯಕೀಯ ತಜ್ಞ ಡಾ.ಆಂಥೋನಿ ಫೌಸಿ, ರೂಪಾಂತರಿ ವೈರಸ್​ ಬಗ್ಗೆ ಆತಂಕಕಾರಿ ಮಾಹಿತಿ ನೀಡಿದ್ದಾರೆ.

ವಾಶಿಂಗ್ಟನ್:ರೂಪಾಂತರಿ ವೈರಸ್ ಡೆಲ್ಟಾ, ಕೋವಿಡ್‌ ಸೋಂಕು ನಿರ್ಮೂಲನೆ ಮಾಡುವ ಅಮೆರಿಕದ ಪ್ರಯತ್ನಕ್ಕೆ 'ದೊಡ್ಡ ಬೆದರಿಕೆ'ಯಾಗಿದೆ ಎಂದು ಶ್ವೇತಭವನದ ಮುಖ್ಯ ವೈದ್ಯಕೀಯ ಸಲಹೆಗಾರ ಡಾ. ಆಂಥೋನಿ ಫೌಸಿ ಎಚ್ಚರಿಸಿದ್ದಾರೆ. ಶ್ವೇತ ಭವನದಲ್ಲಿ ಕೋವಿಡ್ ಸ್ಥಿತಿಗತಿಗಳ ಕುರಿತು ಅವರು ಮಾತನಾಡಿದರು.

ಮೊದಲು ಭಾರತಲ್ಲಿ ಪತ್ತೆಯಾದ ಡೆಲ್ಟಾ ವೈರಸ್, ಈಗ ಯುಎಸ್​ನ ಪ್ರತಿದಿನದ ಹೊಸ ಪಾಸಿಟಿವ್ ಕೇಸ್​ಗಳ ಪೈಕಿ ಶೇ. 20 ರಷ್ಟು ಪತ್ತೆಯಾಗುತ್ತಿದೆ. ಕಳೆದೆರಡು ವಾರಗಳಲ್ಲಿ ರೂಪಾಂತರಿ ವೈರಸ್​ ಶೇ. 10 ರಷ್ಟು ಹೆಚ್ಚಾಗಿದೆ ಎಂದಿದ್ದಾರೆ.

ಯುಕೆಯ ಪರಿಸ್ಥಿತಿಯೂ ಯುಎಸ್​ಗಿಂತ ಭಿನ್ನವಾಗಿಲ್ಲ. ಯುಎಸ್​ನ ಕೋವಿಡ್ ನಿರ್ಮೂಲನಾ ಹೋರಾಟಕ್ಕೆ ಡೆಲ್ಟಾ ವೈರಸ್ ದೊಡ್ಡ ಬೆದರಿಕೆಯಾಗಿದೆ ಎಂದು ವರ್ಚುವಲ್ ಸುದ್ದಿಗೋಷ್ಠಿಯಲ್ಲಿ ಫೌಸಿ ಹೇಳಿದರು. ಆದರೆ, ಅಮೆರಿಕದ ಕೋವಿಡ್ ಲಸಿಕೆ ರೂಪಾಂತರಿ ವೈರಸ್​ ವಿರುದ್ಧ ಪರಿಣಾಮಕಾರಿಯಾಗಿದೆ ಅನ್ನೋದು ಶುಭಸುದ್ದಿ ಎಂದರು ತಿಳಿಸಿದರು.

ಇದನ್ನೂಓದಿ: ಭಾರತಕ್ಕೆ ಹೊಸ ಅಪಾಯ ತಂದಿಟ್ಟ ಡೆಲ್ಟಾ ಪ್ಲಸ್​: ವ್ಯಾಕ್ಸಿನ್‌ ಕೆಲಸ ಮಾಡುವುದೇ? ಇಲ್ಲಿದೆ ಪೂರ್ತಿ ವಿವರ..