ನ್ಯೂಯಾರ್ಕ್: ವಧು-ವರ ಬೇಕಾಗಿದ್ದಾರೆ ಎಂದು ಜಾಹೀರಾತು ನೀಡುವುದನ್ನು ನಾವು ನೋಡಿದ್ದೇವೆ, ಕೇಳಿದ್ದೇವೆ. ಆದರೆ ಇಲ್ಲೊಬ್ಬಳು ಸೊಸೆ ತನ್ನ ಅತ್ತೆಗಾಗಿ ಬಾಯ್ಫ್ರೆಂಡ್ ಬೇಕಾಗಿದ್ದಾನೆ ಎಂದು ಜಾಹೀರಾತು ನೀಡಿ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡಿದ್ದಾಳೆ.
ಅಮೆರಿಕದ ಕ್ಲಾಸಿಫೈಡ್ ಜಾಹೀರಾತುಗಳ ವೆಬ್‌ಸೈಟ್‌ನ ಕ್ರೇಗ್ಸ್‌ಲಿಸ್ಟ್‌ನಲ್ಲಿ ವೈರಲ್ ಆದ ಜಾಹೀರಾತಿನಲ್ಲಿ ನ್ಯೂಯಾರ್ಕ್ನ ಹಡ್ಸನ್ ನಿವಾಸಿಯಾದ ಮಹಿಳೆ ತನ್ನ 51 ವರ್ಷ ಪ್ರಾಯದ ಅತ್ತೆಗೀಗೆ ಬಾಯ್ಫ್ರೆಂಡ್ ಬೇಕು ಎಂದು ಜಾಹೀರಾತು ನೀಡಿದ್ದಾಳೆ.
ಮಾವ ಇಲ್ಲದೇ ಇರುವ ಕಾರಣ ಅವರಿಗೆ ಬಾಯ್ಫ್ರೆಂಡ್ ಬೇಕಾಗಿದ್ದಾನೆ. ನಾವು 40-60 ವರ್ಷ ಪ್ರಾಯದ ವ್ಯಕ್ತಿಯ ಹುಡುಕಾಟದಲ್ಲಿದ್ದೇವೆ. ಗುತ್ತಿಗೆ ಆಧಾರದ ಮೇಲೆ ಬಾಯ್ಫ್ರೆಂಡ್ ಬೇಕು. ಆಯ್ಕೆಯಾದ ವ್ಯಕ್ತಿಗೆ 72,000 ರೂ. ನೀಡಲಾಗುವುದು ಎಂದು ಜಾಹೀರಾತು ನೀಡಿದ್ದಾಳೆ. ಅಷ್ಟಕ್ಕೂ ಈ ಬಾಯ್ಫ್ರೆಂಡ್ ಬೇಕಾಗಿರುವುದು ಕೇವಲ ಎರಡು ದಿನ ಮಾತ್ರ, ಅದೂ ಕೂಡಾ ಮದುವೆಗೆ ಹೋಗಲಷ್ಟೇ ಎಂದು ತಿಳಿಸಿದ್ದಾಳೆ.
ಬಾಯ್ಫ್ರೆಂಡ್ ಆಗಬಯಸುವ ವ್ಯಕ್ತಿಗೆ ಡ್ಯಾನ್ಸ್ ಗೊತ್ತಿರಬೇಕು, ಆತ ಉತ್ತಮ ವಾಕ್‌ಚಾತುರ್ಯ ಹೊಂದಿರಬೇಕು ಎಂದೂ ಕಂಡೀಷನ್ ಹಾಕಿದ್ದಾಳೆ. ಅನೇಕರು ಇದು ಸೋಶಿಯಲ್ ಮೀಡಿಯಾದಲ್ಲಿ ಪ್ರಚಾರಕ್ಕಾಗಿ ಮಹಿಳೆ ಈ ರೀತಿಯ ಜಾಹೀರಾತು ನೀಡಿದ್ದಾಳೆ ಎಂದು ಸೋಶಿಯಲ್ ಮಿಡಿಯಾದಲ್ಲಿ ಅಭಿಪ್ರಾಯಪಟ್ಟಿದ್ದಾರೆ. ಏನೇ ಆಗಲಿ ಇದೊಂದು ಅಚ್ಚರಿಯ ಜಾಹೀರಾತು ಎನ್ನುವುದರಲ್ಲಿ ಸಂಶಯವಿಲ್ಲ.