30 ನಿಮಿಷದಲ್ಲಿ ನ್ಯೂಯಾರ್ಕ್​ ತಲುಪಿ ನಗರವನ್ನೇ ಧ್ವಂಸ ಮಾಡಬಲ್ಲ ಕ್ಷಿಪಣಿ ಲಾಂಚ್​!

ಚೀನಾದ ಡಿಎಫ್- 41 ಕ್ಷಿಪಣಿ ಭೂಮಿ ಮೇಲಿನ ಯಾವುದೇ ಕ್ಷಿಪಣಿಗಿಂತ ಅತ್ಯಂತ ಬಲಿಷ್ಠವಾಗಿದ್ದು, 9,320 ಮೈಲಿಗಳಷ್ಟು (15,000 ಕಿಲೋ ಮೀಟರ್) ದೂರದವರೆಗೂ ಕ್ರಮಿಸಬಲ್ಲದು. ಸ್ವತಂತ್ರವಾಗಿ 10 ಪರಮಾಣು ಸಿಡಿತಲೆಗಳನ್ನು ಸಾಗಿಸುವ ಸಾಮರ್ಥ್ಯವಿರುವ ಈ ಕ್ಷಿಪಣಿ 30 ನಿಮಿಷಗಳಲ್ಲಿ ಅಮೆರಿಕ ತಲುಪಬಲ್ಲದು ಎಂದು ಸೆಂಟರ್ ಫಾರ್ ಸ್ಟ್ರಾಟೆಜಿಕ್ ಆ್ಯಂಡ್​ ಇಂಟರ್​ನ್ಯಾಷನಲ್​ ಸ್ಟಡೀಸ್‌ ತಿಳಿಸಿದೆ.

ಬೀಜಿಂಗ್:ಚೀನಾ ತನ್ನ ರಾಷ್ಟ್ರೀಯ ದಿನದಂದು ವಿಶ್ವದ ಅತ್ಯಂತ ಶಕ್ತಿಶಾಲಿ ಡಿಎಫ್​-41 ಖಂಡಾಂತರ ಶ್ರೇಣಿಯ ಕ್ಷಿಪಣಿಯನ್ನು ಅನಾವರಣಗೊಳಿಸಿದೆ.

ಡಿಎಫ್- 41 ಕ್ಷಿಪಣಿ ಭೂಮಿ ಮೇಲಿನ ಯಾವುದೇ ಕ್ಷಿಪಣಿಗಿಂತ ಅತ್ಯಂತ ಬಲಿಷ್ಠವಾಗಿದ್ದು, 9,320 ಮೈಲಿಗಳಷ್ಟು (15,000 ಕಿಲೋ ಮೀಟರ್) ದೂರದವರೆಗೂ ಕ್ರಮಿಸಬಲ್ಲದು. ಸ್ವತಂತ್ರವಾಗಿ 10 ಪರಮಾಣು ಸಿಡಿತಲೆಗಳನ್ನು ಸಾಗಿಸುವ ಸಾಮರ್ಥ್ಯವಿರುವ ಈ ಕ್ಷಿಪಣಿ 30 ನಿಮಿಷಗಳಲ್ಲಿ ಅಮೆರಿಕ ತಲುಪಬಲ್ಲದು ಎಂದು ಸೆಂಟರ್ ಫಾರ್ ಸ್ಟ್ರಾಟೆಜಿಕ್ ಆ್ಯಂಡ್​ ಇಂಟರ್​ನ್ಯಾಷನಲ್​ ಸ್ಟಡೀಸ್‌ ತಿಳಿಸಿದೆ.

ಚೀನಾ ತನ್ನ ಕಮ್ಯುನಿಸಂನ 70ನೇ ವಾರ್ಷಿಕೋತ್ಸವ ಆಚರಿಸುತ್ತಿದ್ದು, ರಾಷ್ಟ್ರೀಯ ದಿನದ ಮೆರವಣಿಗೆಯ ವೇಳೆ ಹೊಸ ಮಿಲಿಟರಿ ಸಾಧನವಾದ ಡಿಎಫ್- 41 ಅನ್ನು ಮೊದಲ ಬಾರಿಗೆ ಜಗತ್ತಿನ ಮುಂದೆ ಪ್ರದರ್ಶಿಸಿದೆ.

ಚೀನಾದ ಅಧ್ಯಕ್ಷ ಜಿನ್​ಪಿಂಗ್ ಅವರು 4ನೇ ಬಾರಿಗೆ ಸೈನಿಕರ ಪಥ ಸಂಚಲನದ ಗೌರವ ವಂದನೆ ಸ್ವೀಕರಿಸಿದರು. ಇದಕ್ಕೂ ಮೊದಲು ಟಿಯಾನನ್ಮೆನ್ ಸ್ಕ್ವೇರ್​ನಲ್ಲಿ ಮಾತನಾಡಿದ ಜಿನ್​ಪಿಂಗ್​, 'ಚೀನಾದ ಜನತೆ ಮತ್ತು ಚೀನಾ ರಾಷ್ಟ್ರ ಮುಂದೆ ಸಾಗುವುದನ್ನು ತಡೆಯಲು ಯಾವುದೇ ಬಲದಿಂದಲೂ ಸಾಧ್ಯವಿಲ್ಲ' ಎಂದು ಹೇಳಿದ್ದಾರೆ.