ಬೇರೆ ರಾಷ್ಟ್ರಗಳ ಆಡಳಿತದಲ್ಲಿ ಯುಎಸ್ ಹಸ್ತಕ್ಷೇಪ: ಹರಿಹಾಯ್ದ ಚೀನಾ

ಜಿನಿವಾದಲ್ಲಿ ಚೀನಾದ ಮಿಷನ್‌ನ ಸಲಹೆಗಾರ ಜಿಯಾಂಗ್ ಡುವಾನ್ ಮಾತನಾಡಿ, ವಿದೇಶದಲ್ಲಿ ಯುಎಸ್​ನ ಹಸ್ತಕ್ಷೇಪ ಅಪಾರ ನಾಗರಿಕರ ಸಾವಿಗೆ ಕಾರಣವಾಯಿತು ಮತ್ತು ಇತರ ದೇಶಗಳಲ್ಲಿ ಮುಗ್ಧ ನಾಗರಿಕರನ್ನು ಹತ್ಯೆ ಮಾಡಿ ಚಿತ್ರಹಿಂಸೆ ನಡೆಸಿದೆ ಎಂದು ಟೀಕಿಸಿದರು.

ಜಿನಿವಾ: ಕೊರೊನಾ ಸಾಂಕ್ರಾಮಿಕ ಸಂದರ್ಭದಲ್ಲಿ ಯುಎಸ್​ನ ವೈಫಲ್ಯ, ಅಲ್ಲಿ ಜನರು ಎದುರಿಸುತ್ತಿರುವ ಜನಾಂಗೀಯ ತಾರತಮ್ಯ, ಪೊಲೀಸ್ ಕ್ರೂರತೆಯ ವಿರುದ್ಧ ಚೀನಾ ಧ್ವನಿ ಎತ್ತಿದೆ.

ಜಿನಿವಾದಲ್ಲಿ ಚೀನಾದ ಮಿಷನ್‌ನ ಸಲಹೆಗಾರ ಜಿಯಾಂಗ್ ಡುವಾನ್ ಮಾತನಾಡಿ, ವಿದೇಶದಲ್ಲಿ ಯುಎಸ್​ನ ಹಸ್ತಕ್ಷೇಪ ಅಪಾರ ನಾಗರಿಕರ ಸಾವಿಗೆ ಕಾರಣವಾಯಿತು ಮತ್ತು ಇತರ ದೇಶಗಳಲ್ಲಿ ಮುಗ್ಧ ನಾಗರಿಕರನ್ನು ಹತ್ಯೆ ಮಾಡಿ ಚಿತ್ರಹಿಂಸೆ ನಡೆಸಿದೆ ಎಂದು ಟೀಕಿಸಿದರು.

ಮಾನವ ಹಕ್ಕುಗಳ ಮಂಡಳಿಯಲ್ಲಿ ಯುಎಸ್ ಹಕ್ಕುಗಳ ದಾಖಲೆಯ ಪರಿಶೀಲನೆಯ ಕೊನೆಯಲ್ಲಿ ಈ ಟೀಕೆ ವ್ಯಕ್ತಪಡಿಸಿದರು. ಚೀನಾದ ರಾಜತಾಂತ್ರಿಕರ ಹೆಚ್ಚುತ್ತಿರುವ ಮಾತುಕತೆ ಮತ್ತು ವಿಶ್ವದ ಅಗ್ರ ಎರಡು ಆರ್ಥಿಕ ಶಕ್ತಿಗಳ ನಡುವಿನ ಪೈಪೋಟಿಗೆ ಈ ಹೇಳಿಕೆಗಳು ಸಾಕ್ಷಿಯಾಗಿವೆ.

ಹಾಂಕಾಂಗ್‌ನಲ್ಲಿ ಪ್ರತಿಭಟನಾಕಾರರ ಹಕ್ಕುಗಳು ಮತ್ತು ಮುಸ್ಲಿಂ ಉಯಿಘರ್‌ಗಳನ್ನು ಬಂಧಿಸಿರುವುದು ಮುಂತಾದ ವಿಷಯಗಳ ಕುರಿತು ಚೀನಾದ ಹಕ್ಕುಗಳ ದಾಖಲೆಯನ್ನು ಅಮೆರಿಕ ಪದೇ ಪದೆ ಟೀಕಿಸುತ್ತಿದೆ.

"ಕೊರೊನಾ ಸಾಂಕ್ರಾಮಿಕ ರೋಗವನ್ನು ನಿಯಂತ್ರಿಸಲು ಪರಿಣಾಮಕಾರಿ ಕ್ರಮಗಳನ್ನು ತೆಗೆದುಕೊಳ್ಳುವಲ್ಲಿ ಯುಎಸ್ ವಿಫಲವಾಗಿದೆ, ಇದರ ಪರಿಣಾಮವಾಗಿ ನೂರಾರು ಸಾವಿರ ಜೀವಗಳು ನಷ್ಟವಾಗುತ್ತವೆ" ಎಂದು ಅವರು ಹೇಳಿದರು.

ಪರಿಶೀಲನೆಯ ಸಮಯದಲ್ಲಿ ಚೀನಾದ ಹೆಚ್ಚಿನ ಶಿಫಾರಸುಗಳನ್ನು ಯುಎಸ್ ಸ್ವೀಕರಿಸುವುದಿಲ್ಲ ಎಂದು ಜಿಯಾಂಗ್ ಹೇಳಿದರು.