ಮಹಾಮಾರಿ ಎರಡನೇ ಅಲೆ: ಬ್ರೆಜಿಲ್​ನಲ್ಲಿ ಒಂದೇ ದಿನ ​​1,386 ಮಂದಿ ಕೊರೊನಾಗೆ ಬಲಿ

ಇನ್ನೇನು ಕೋವಿಡ್​ 19 ಅಬ್ಬರ ಮುಗಿಯಿತು ಎನ್ನುವಷ್ಟರಲ್ಲಿ ಮಹಾಮಾರಿ ತನ್ನ ಮತ್ತೊಂದು ಅಲೆಯನ್ನು ತೀವ್ರಗೊಳಿಸಿದೆ. ಬ್ರೆಜಿಲ್​ನಲ್ಲಿ ಕಳೆದ 24 ಗಂಟೆಗಳಲ್ಲಿ 1,386 ಮಂದಿ ಮಹಾಮಾರಿ ಕೊರೊನಾದಿಂದ ಮೃತಪಟ್ಟಿದ್ದಾರೆ.

ಬ್ರೆಸಿಲಿಯಾ(ಬ್ರೆಜಿಲ್​): ಕೋವಿಡ್​ ಮೃತರ ಸಂಖ್ಯೆಯಲ್ಲಿ ವಿಶ್ವದಲ್ಲೇ ಎರಡನೇ ಸ್ಥಾನದಲ್ಲಿರುವ ಬ್ರೆಜಿಲ್​ನಲ್ಲಿ ನಿನ್ನೆ ಒಂದೇ ದಿನ ​​1,386 ಮಂದಿ ಬಲಿಯಾಗಿದ್ದಾರೆ. ಈವರೆಗೆ ದೇಶದಲ್ಲಿ 2,54,221 ಜನರು ಸೋಂಕಿನಿಂದಾಗಿ ಪ್ರಾಣ ಕಳೆದುಕೊಂಡಿದ್ದಾರೆ.

ಕಳೆದ 24 ಗಂಟೆಗಳಲ್ಲಿ 61,602 ಕೇಸ್​ಗಳು ಪತ್ತೆಯಾಗಿದ್ದು, ಒಟ್ಟು 1,05,17,232 ಮಂದಿಗೆ ವೈರಸ್​ ಅಂಟಿದಂತಾಗಿದೆ. ಬ್ರೆಜಿಲ್​​ನಲ್ಲಿ 6.4 ಮಿಲಿಯನ್​ ಜನರಿಗೆ ಕೋವಿಡ್​ ಲಸಿಕೆಯ ಮೊದಲ ಡೋಸ್​ ನೀಡಲಾಗಿದ್ದು, 1.8 ಮಿಲಿಯನ್​ ಜನರು ಎರಡೂ ಡೋಸ್​ಗಳನ್ನ ಪಡೆದಿದ್ದಾರೆ.

ಇದನ್ನೂ ಓದಿ: ಇಂದು ಅಂತಾರಾಷ್ಟ್ರೀಯ ಅಪರೂಪದ ರೋಗ ದಿನ: ಈವರೆಗೆ ಎಷ್ಟೆಲ್ಲಾ ಕಾಯಿಲೆಗಳು ದೃಢಪಟ್ಟಿವೆ?

ಕೊರೊನಾ ಪ್ರಕರಣಗಳು ಹಾಗೂ ಸಾವಿನ ಸಂಖ್ಯೆಯಲ್ಲಿ ವಿಶ್ವದಲ್ಲೇ ಮೊದಲ ಸ್ಥಾನದಲ್ಲಿರುವ ಅಮೆರಿಕದಲ್ಲಿ ಸೋಂಕಿತರ ಸಂಖ್ಯೆ 2,92,02,824 ಇದ್ದು, ಮೃತರ ಸಂಖ್ಯೆ 5,24,669ಕ್ಕೆ ಏರಿಕೆಯಾಗಿದೆ.

ಒಟ್ಟಾರೆ ಪ್ರಪಂಚದಾದ್ಯಂತ ಬರೋಬ್ಬರಿ 11,43,75,487 ಜನರಿಗೆ ಮಹಾಮಾರಿ​ ಕೊರೊನಾ ತಗುಲಿದ್ದು, 25,37,537 ಸೋಂಕಿತರು ಮೃತಪಟ್ಟಿದ್ದಾರೆ. 8,99,27,900 ಮಂದಿ ಗುಣಮುಖರಾಗಿದ್ದಾರೆ.