ವಾಷಿಂಗ್ಟನ್: 2018ರಲ್ಲಿ ತೆರೆಕಂಡ ಹಾಲಿವುಡ್ನ ಸೂಪರ್ ಹಿಟ್ ಚಿತ್ರ 'ಬ್ಲಾಕ್ ಪ್ಯಾಂಥರ್'ನಲ್ಲಿ ಬುಡಕಟ್ಟು ಮುಖಂಡೆಯಾಗಿ ಕಾಣಿಸಿಕೊಂಡಿದ್ದ ನಟಿ ಡೊರೊಥಿ ಸ್ಟೀಲ್ (95) ಕೊನೆಯುಸಿರೆಳೆದಿದ್ದಾರೆ.
ಸಾವಿಗೆ ಕಾರಣ ತಿಳಿದು ಬಂದಿಲ್ಲ. ಅವರ ಏಜೆಂಟ್ ಮೂಲಕ ವಿಷಯ ತಿಳಿದು ಬಂದಿದೆ. ಡೊರೊಥಿ ಸ್ಟೀಲ್ ಅವರು ಡೆಟ್ರಾಯಿಟ್ನಲ್ಲಿರುವ ತಮ್ಮ ನಿವಾಸದಲ್ಲಿ ಅಸು ನೀಗಿದ್ದಾರೆ ಎಂದು ಅವರ ಏಜೆಂಟ್ ಆಗಿರುವ ಸಿಂಡಿ ಬಟ್ಲರ್ ಫೇಸ್ಬುಕ್ನಲ್ಲಿ ಹಂಚಿಕೊಂಡಿದ್ದಾರೆ.
"ನಿಮ್ಮೊಂದಿಗೆ ಕೆಲಸ ಮಾಡಲು ಅವಕಾಶ ಮಾಡಿಕೊಟ್ಟಿದ್ದಕ್ಕೆ ಧನ್ಯವಾದಗಳು. ಹಾಗೆಯೇ ಡೊರೊಥಿ ಸ್ಟೀಲ್ ಅವರಿಗೆ ಸಿನಿಮಾಗಳಲ್ಲಿ ಅವಕಾಶ ನೀಡಿದ ಎಲ್ಲ ಕ್ಯಾಸ್ಟಿಂಗ್ ಡೈರೆಕ್ಟರ್‌ಗಳಿಗೆ ಧನ್ಯವಾದಗಳು. ದೂರದಿಂದ ಅವರನ್ನು ಪ್ರೀತಿಸಿದ್ದಕ್ಕಾಗಿ ಇಡೀ ಜಗತ್ತಿಗೇ ಧನ್ಯವಾದಗಳು" ಎಂದು ಸಿಂಡಿ ಬಟ್ಲರ್ ಬರೆದುಕೊಂಡಿದ್ದಾರೆ.