ವಾಷಿಂಗ್ಟನ್ :ಅಮೆರಿಕ ಅಧ್ಯಕ್ಷರಾಗಿ ಜೋ ಬೈಡನ್ ಹಾಗೂ ಉಪಾಧ್ಯಕ್ಷರಾಗಿ ಕಮಲಾ ಹ್ಯಾರಿಸ್ ಜನವರಿ 20ರಂದು ಅಧಿಕಾರ ಸ್ವೀಕರಿಸಲಿದ್ದಾರೆ. ಈ ಸಮಾರಂಭದ ಅಂಗವಾಗಿ ಅನಿವಾಸಿ ಭಾರತೀಯರು ಸಾವಿರಾರು ಕೋಲಂ ಟೈಲ್ಗಳನ್ನು ಕ್ಯಾಪಿಟಲ್ ಮುಂದೆ ಜೋಡಿಸುವ ಮುಖಾಂತರ ಸಂಭ್ರಮ ವ್ಯಕ್ತಪಡಿಸಿದ್ದಾರೆ.
ಇಂಡಿಯಾಸ್ಪೋರಾ ಪೋರಂ ಕೋಲಂ ಟೈಲ್ಸ್ಗಳನ್ನು ಜೋಡಿಸಿರುವ ಫೋಟೋಗಳನ್ನು ಟ್ವೀಟ್ ಮೂಲಕ ಹಂಚಿಕೊಂಡಿದೆ. ಕೋಲಂ ಮುಂದಿನ ದಿನಗಳು ಸಂಭ್ರಮದಿಂದ ಕೂಡಿರಲು, ಕಷ್ಟಗಳನ್ನು ನಿವಾರಿಸಲು ಕೋಲಂ ರಚಿಸುತ್ತಾರೆ ಎಂದು ಉಲ್ಲೇಖಿಸಿದೆ.
ಏನಿದು ಕೋಲಂ? :ಕೋಲಂ, ಭಾರತೀಯ ರಂಗೋಲಿಯ ವಿಭಿನ್ನ ಪ್ರಕಾರ. ಅದರಲ್ಲೂ ಹೆಚ್ಚಾಗಿ ತಮಿಳುನಾಡಿನಲ್ಲಿ ಕಂಡು ಬರುತ್ತದೆ. ಚುಕ್ಕೆಗಳನ್ನು ಸೇರಿಸುವ ಮುಖಾಂತರ ಸುಂದರ ರಚನೆಗಳನ್ನು ರಚಿಸಲಾಗುತ್ತದೆ. ಇದನ್ನು ಮನೆಯ ಮುಂದೆ ರಚಿಸುವುದರಿಂದ ಸಂತೋಷ ಹೆಚ್ಚಾಗಿ, ನೆಮ್ಮದಿ ಆವರಿಸುತ್ತದೆ ಎಂಬ ನಂಬಿಕೆ ಜನರಲ್ಲಿದೆ.