ಹೊಸ ವರ್ಷಕ್ಕೆ ಶುಭ ಕೋರಿದ ಜೋ ಬೈಡನ್

ಕಳೆದ ಒಂದು ವರ್ಷದಲ್ಲಿ ಕೊರೊನಾ ವೈರಸ್​ನಿಂದಾಗಿ ದೇಶ ನಲುಗಿದ್ದು, 2021ಕ್ಕೆ ಕೋವಿಡ್​ನಿಂದ ಎಲ್ಲರೂ ಗುಣಮುಖರಾಗೋಣ. 2021ರಲ್ಲಿ ರಾಷ್ಟ್ರವನ್ನು ಒಗ್ಗೂಡಿಸಿ, ಪುನರ್ ನಿರ್ಮಿಸೋಣ ಎಂದು ಅಮೆರಿಕದ ನಿಯೋಜಿತ ಅಧ್ಯಕ್ಷ ಜೋ ಬೈಡನ್ ತಿಳಿಸಿದ್ದಾರೆ.

ವಿಲ್ಮಿಂಗ್ಟನ್: 2021 ಎಂಬ ಹೊಸ ಆಶಾವಾದದ ವರ್ಷಕ್ಕೆ ಕಾಲಿಡುತ್ತಿರುವ ದೇಶದ ಜನತೆಗೆ ಅಮೆರಿಕದ ನಿಯೋಜಿತ ಅಧ್ಯಕ್ಷ ಜೋ ಬೈಡನ್ ಅವರು ಟ್ವೀಟ್​ ಮೂಲಕ ಶುಭಾಶಯ ಕೋರಿದ್ದಾರೆ.

2021ರಲ್ಲಿ ರಾಷ್ಟ್ರವನ್ನು ಒಗ್ಗೂಡಿಸಿ, ಪುನರ್ ನಿರ್ಮಿಸಬೇಕು. ನಾವು ಎದುರಿಸುತ್ತಿರುವ ಸವಾಲುಗಳು ರಾತ್ರೋರಾತ್ರಿ ಮಾಯವಾಗುವುದಿಲ್ಲ, ಮುಂಬರುವ ದಿನಗಳು ಉತ್ತಮವಾಗಿರುತ್ತವೆ ಎಂಬ ಭರವಸೆಯಿದೆ. ಕಳೆದ ಒಂದು ವರ್ಷದಲ್ಲಿ ಕೊರೊನಾ ವೈರಸ್​ನಿಂದಾಗಿ ದೇಶ ನಲುಗಿದ್ದು, 2021ಕ್ಕೆ ಕೋವಿಡ್​ನಿಂದ ಎಲ್ಲರೂ ಗುಣಮುಖರಾಗೋಣ ಎಂಬ ಭರವಸೆ ನೀಡಿದ್ದಾರೆ.

ಇನ್ನು ಯು.ಎಸ್ ನಲ್ಲಿ ಅತಿ ಹೆಚ್ಚು ಕೊರೊನಾ ಪ್ರಕರಣಗಳು ಹಾಗೂ ಸಾವುಗಳು ವರದಿಯಾಗಿದೆ. ಯು.ಎಸ್ ನಲ್ಲಿ 19 ದಶಲಕ್ಷಕ್ಕೂ ಹೆಚ್ಚು ಕೊರೊನಾ ಪ್ರಕರಣಗಳು ದಾಖಲಾಗಿದ್ದು, 3,44,000 ಕ್ಕೂ ಹೆಚ್ಚು ಜನರು ವೈರಸ್​ಗೆ ಬಲಿಯಾಗಿದ್ದಾರೆ.