ಐಸಿಸ್​​​ನಿಂದ ಅಫ್ಘಾನಿಸ್ತಾನ ಪುನಾರಚನೆ ಸಾಧ್ಯತೆ ಇದೆ: ಮಾರ್ಕ್ ಮಿಲ್ಲೆ ಆತಂಕ

ಅಲ್ ಖೈದಾ ಅಥವಾ ಐಎಸ್​ಐಎಸ್ ಮುಂದಿನ 3 ವರ್ಷಗಳಲ್ಲಿ ಅಫ್ಘಾನಿಸ್ತಾನವನ್ನು ಪುನರ್​ ರಚಿಸುವ ಸಾಧ್ಯತೆ ಇದೆ ಎಂದು ಜಂಟಿ ಮುಖ್ಯಸ್ಥರ ಅಧ್ಯಕ್ಷ ಜನರಲ್ ಮಾರ್ಕ್ ಮಿಲ್ಲೆ ಆತಂಕ ವ್ಯಕ್ತಪಡಿಸಿದ್ದಾರೆ.

ವಾಷಿಂಗ್ಟನ್( ಅಮೆರಿಕ): ಐಎಸ್​ಐಎಸ್​ ಮುಂದಿನ 6 ರಿಂದ 36 ತಿಂಗಳಲ್ಲಿ ಅಫ್ಘಾನಿಸ್ತಾನವನ್ನು ಪುನರ್​ ರಚಿಸುವ ಸಾಧ್ಯತೆ ಇದೆ ಎಂದು ಸೇನಾ ಸಿಬ್ಬಂದಿ ವಿಭಾಗದ ಜಂಟಿ ಮುಖ್ಯಸ್ಥರ ಅಧ್ಯಕ್ಷ ಜನರಲ್ ಮಾರ್ಕ್ ಮಿಲ್ಲೆ ಹೇಳಿದ್ದಾರೆ.

ಬುಧವಾರ ನಡೆದ ಹೌಸ್ ಆರ್ಮ್ಡ್ ಸರ್ವಿಸಸ್ ಕಮಿಟಿ ವಿಚಾರಣೆಯಲ್ಲಿ ಮಾತನಾಡಿದ ಅವರು, ಅಫ್ಘಾನಿಸ್ತಾನ್​ ದಾಳಿಯಿಂದ ಅಮೆರಿಕದ ನಾಗರಿಕರನ್ನು ರಕ್ಷಿಸುವುದು ನಮ್ಮ ಕೆಲಸ. ಅಫ್ಘಾನಿಸ್ತಾನದಲ್ಲಿ ಭಯೋತ್ಪಾದಕ ಗುಂಪುಗಳ ಪುನಾರಚನೆ ಸಾಧ್ಯತೆ ಇದೆ. ಅಲ್ ಖೈದಾ ಸಂಘಟನೆ 6 ರಿಂದ 36 ತಿಂಗಳ ಕಾಲಾವಧಿಯಲ್ಲಿ ದೇಶವನ್ನು ಪುನರ್​ ರಚಿಸಬಹದು, ಈ ಕುರಿತು ಈಗಾಲೇ ನಾವು ಜಾಗೃತರಾಗಿರಬೇಕು ಎಂದು ಎಚ್ಚರಿಕೆ ರವಾನಿಸಿದರು.

ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಮಾತನಾಡಿ, ಸದ್ಯಕ್ಕೆ ಭಯೋತ್ಪಾದಕ ಸಂಘಟನೆಗಳು ತಮ್ಮ ಸದಸ್ಯರಿಗೆ ತರಬೇತಿ ನೀಡಲು ಮುಂದಾಗಿದ್ದು, ಭಯೋತ್ಪಾದಕರನ್ನು ಸಜ್ಜುಗೊಳಿಸಲು ಸ್ಥಳ ಹುಡುಕಾಟದಲ್ಲಿ ತೊಡಗಿವೆ ಎಂದು ಹೇಳಿದರು.