ಅಮೆರಿಕದ ಕೆಂಟುಕಿಯಲ್ಲಿ ಚಂಡಮಾರುತದ ಅಬ್ಬರ.. 50 ಜನರು ದುರ್ಮರಣ, ಹಲವರಿಗೆ ಗಾಯ

ಅಮೆರಿಕದ ಕೆಂಟುಕಿಯಲ್ಲಿ ಬೀಸಿರುವ ಚಂಡಮಾರುತದಿಂದಾಗಿ 50 ಜನರು ತಮ್ಮ ಪ್ರಾಣ ಕಳೆದುಕೊಂಡಿದ್ದು, ಅನೇಕರ ಜನಜೀವನ ಅಸ್ತವ್ಯಸ್ತವಾಗಿದೆ.

ವಾಷಿಂಗ್ಟನ್​:ಅಮೆರಿಕದ ಕೆಂಟುಕಿಯಲ್ಲಿ ಉಂಟಾಗಿರುವ ಚಂಡಮಾರುತದಿಂದಾಗಿ 50 ಜನರು ಸಾವನ್ನಪ್ಪಿದ್ದು, ಅನೇಕರು ಗಾಯಗೊಂಡಿರುವುದಾಗಿ ತಿಳಿದು ಬಂದಿದೆ.

ಶುಕ್ರವಾರ ರಾತ್ರಿ ಏಕಾಏಕಿಯಾಗಿ ಚಂಡಮಾರುತ ಅಪ್ಪಳಿಸಿರುವ ಪರಿಣಾಮ ಕೆಂಟುಕಿಯಲ್ಲಿ ಜನಜೀವನ ಸಂಪೂರ್ಣವಾಗಿ ಅಸ್ತವ್ಯಸ್ತವಾಗಿದ್ದು, ಅನೇಕರು ತೊಂದರೆಗೊಳಗಾಗಿದ್ದಾರೆ ಎಂದು ಅಲ್ಲಿನ ಗವರ್ನರ್​​​ ಆ್ಯಂಡಿ ಬೆಶಿಯರ್​ ಮಾಹಿತಿ ನೀಡಿದ್ದಾರೆ. ಚಂಡಮಾರುತ ಬೀಸಿರುವ ಕಾರಣ ಅಮೆಜಾನ್​​ ವೇರ್​ಹೌಸ್​​​ನಲ್ಲಿ 100 ಕಾರ್ಮಿಕರು ಸಿಲುಕಿಹಾಕಿಕೊಂಡಿದ್ದಾರೆ ಎಂಬ ಮಾಹಿತಿ ಕೂಡ ಲಭ್ಯವಾಗಿದೆ.

ಕೆಂಟುಕಿ ಜೊತೆಗೆ ಇತರ ಪ್ರದೇಶಗಳಲ್ಲೂ ರಭಸವಾಗಿ ಗಾಳಿ ಬೀಸುತ್ತಿರುವ ಕಾರಣ ಅನೇಕರು ತೊಂದರೆಗೊಳಗಾಗಿದ್ದು, ತುರ್ತು ಪರಿಸ್ಥಿತಿ ಘೋಷಣೆ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.