ಗೋಮಾ (ಕಾಂಗೋ):ಎರಡು ದಶಕಗಳ ಬಳಿಕ ಕಾಂಗೋ (ಕಾಂಗೋ ಪ್ರಜಾಸತ್ತಾತ್ಮಕ ಗಣರಾಜ್ಯ) ರಾಷ್ಟ್ರದಲ್ಲಿ ಜ್ವಾಲಾಮುಖಿ ಸ್ಫೋಟಗೊಂಡಿದೆ. ಕಾಂಗೋದ ಗೋಮಾ ನಗರ ಸಮೀಪವಿರುವ ಮೌಂಟ್ ನೈರಾಗೊಂಗೊದಲ್ಲಿ ಲಾವಾರಸ ಹೊರಚಿಮ್ಮಿದೆ.
ರಾತ್ರೋರಾತ್ರಿ ಭೀಕರ ಜ್ವಾಲಾಮುಖಿಯನ್ನು ಕಂಡ ಗೋಮಾ ನಗರ ಹಾಗೂ ಸುತ್ತಮುತ್ತಲಿನ ಜನರು ಭಯಭೀತರಾಗಿ ತಮ್ಮ ಮನೆಗಳನ್ನು ತೊರೆದು ಸುರಕ್ಷಿತ ಪ್ರದೇಶಗಳಿಗೆ ತೆರಳಲು ಪ್ರಯತ್ನಿಸಿದ್ದಾರೆ. ಗೋಮಾದಲ್ಲಿ 20 ಲಕ್ಷಕ್ಕೂ ಹೆಚ್ಚು ಜನರಿದ್ದು, ಸದ್ಯಕ್ಕೆ ಯಾವುದೇ ಸಾವುನೋವುಗಳ ಬಗ್ಗೆ ಮಾಹಿತಿ ತಿಳಿದು ಬಂದಿಲ್ಲ.
ಜ್ವಾಲಾಮುಖಿ ಸ್ಫೋಟಿಸಿ ಹರಿದು ಹೋಗುತ್ತಿರುವ ಲಾವಾರಸ