ಜೋಹಾನ್ಸ್ಬರ್ಗ್: ಪ್ರವಾಸಿಗರ ತಂಡವೊಂದು ಸಫಾರಿ ಮಾಡಲು ತೆರಳಿದ್ದ ವೇಳೆ ಆಕ್ರೋಶಗೊಂಡ ಆನೆಯೊಂದು ದಾಳಿ ನಡೆಸಿರುವ ಘಟನೆ ದಕ್ಷಿಣ ಆಫ್ರಿಕಾದಲ್ಲಿ ನಡೆದಿದ್ದು, ಅದರ ವಿಡಿಯೋ ವೈರಲ್ ಆಗಿದೆ.
Watch.. ಸಫಾರಿ ವಾಹನದ ಮೇಲೆ ದೈತ್ಯ ಆನೆಯ ದಾಳಿ: ದಿಕ್ಕೆಟ್ಟು ಓಡಿದ ಪ್ರವಾಸಿಗರು! - ಸಫಾರಿ ವಾಹನದ ಮೇಲೆ ದೈತ್ಯ ಆನೆಯ ದಾಳಿ
ದೈತ್ಯ ಆನೆಯೊಂದು ಸಫಾರಿ ವಾಹನದ ಮೇಲೆ ದಾಳಿ ನಡೆಸಿರುವ ಘಟನೆ ದಕ್ಷಿಣ ಆಫ್ರಿಕಾದ ಜೋಹಾನ್ಸ್ಬರ್ಗ್ನಲ್ಲಿ ನಡೆದಿದ್ದು, ಅದರ ವಿಡಿಯೋ ವೈರಲ್ ಆಗಿದೆ.
Angry Elephant attacks tourist safari
ದಕ್ಷಿಣ ಆಫ್ರಿಕಾದ ಸೆಲಾಟಿ ಗೇಮ್ ರಿಸರ್ವ್ ಅರಣ್ಯ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಸಫಾರಿಗೆ ತೆರಳುತ್ತಿದ್ದ ವೇಳೆ ಆನೆಗಳ ಹಿಂಡು ನೋಡುವ ಉದ್ದೇಶದಿಂದ ಪ್ರವಾಸಿಗರು ವಾಹನ ನಿಲ್ಲಿಸಿದ್ದಾರೆ. ಈ ವೇಳೆ, ಒಂಟಿ ಸಲಗವೊಂದು ಏಕಾಏಕಿ ದಾಳಿ ನಡೆಸಿದ್ದು, ವಾಹನ ನಜ್ಜುಗುಜ್ಜಾಗಿದೆ. ಇದರ ವಿಡಿಯೋ ಇಕೋಟ್ರೇನಿಂಗ್ ಗೈಡ್ಗಳ ಮೊಬೈಲ್ನಲ್ಲಿ ಸೆರೆಯಾಗಿವೆ.
ಸಫಾರಿ ವಾಹನದ ಮೇಲೆ ದೈತ್ಯ ಆನೆಯ ದಾಳಿ
ಲಭ್ಯವಾಗಿರುವ ಮಾಹಿತಿ ಪ್ರಕಾರ, ಗಂಡು ಆನೆಯೊಂದು ಹೆಣ್ಣಾನೆ ಜೊತೆ ಲೈಂಗಿಕ ಆಕ್ರಮಣಶೀಲತೆಯಲ್ಲಿ ಭಾಗಿಯಾಗಿತ್ತು. ಈ ವೇಳೆ, ಪ್ರವಾಸಿಗರು ಸಫಾರಿ ವಾಹನ ನಿಲ್ಲಿಸಿರುವುದರಿಂದಲೇ ಅದು ದಾಳಿಗೆ ಮುಂದಾಗಿದೆ ಎನ್ನಲಾಗಿದೆ. ಈ ಸಂದರ್ಭದಲ್ಲಿ ಅವು ಹಿಂಸಾತ್ಮಕವಾಗಿ ವರ್ತಿಸುವುದು ಸರ್ವೇ ಸಾಮಾನ್ಯ ಎಂಬುದಾಗಿ ತಿಳಿದು ಬಂದಿದೆ.