ನವದೆಹಲಿ: ಪಾಕಿಸ್ತಾನದಲ್ಲಿರುವ ತೇರಿ ದೇವಸ್ಥಾನಕ್ಕೆ ಪಾರದರ್ಶಕವಲ್ಲದ ರೀತಿಯಲ್ಲಿ ಭಾರತದ ಆಯ್ದೆ ಜನರನ್ನು ಆಹ್ವಾನಿಸಿರುವ ಪಾಕ್‌ ಸರ್ಕಾರದ ನಿರ್ಧಾರವನ್ನು ಕೇಂದ್ರ ಸರ್ಕಾರ ತಿರಸ್ಕರಿಸಿದೆ. ಪಾಕಿಸ್ತಾನದ ಈ ನಡೆ ಸ್ವೀಕಾರಾರರ್ಹವಲ್ಲ ಎಂದು ಸರ್ಕಾರ ಹೇಳಿರುವುದಾಗಿ ಮೂಲಗಳು ತಿಳಿಸಿವೆ.
ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದಲ್ಲಿರುವ ತೇರಿ ದೇವಸ್ಥಾನಕ್ಕೆ ಪಾರದರ್ಶಕವಲ್ಲದ ರೀತಿಯಲ್ಲಿ ಭೇಟಿ ನೀಡುವಂತೆ ಭಾರತದಿಂದ ಆಯ್ದ ಗುಂಪನ್ನು ಆಹ್ವಾನಿಸಲು ಪಾಕಿಸ್ತಾನ ಯೋಜಿಸಿತ್ತು. ಇದು ನಮಗೆ ಸ್ವೀಕಾರಾರ್ಹವಲ್ಲ. ಇದು ಉಭಯ ದೇಶಗಳ ತೀರ್ಥಯಾತ್ರೆಗಳ ಮನೋಭಾವಕ್ಕೂ ವಿರುದ್ಧವಾಗಿದೆ ಎಂದು ಹೇಳಿದೆ.
ಸುಮಾರು 160 ಭಾರತೀಯ ಯಾತ್ರಾರ್ಥಿಗಳು ಇಂದು ವಾಘಾ-ಅಟ್ಟಾರಿ ಗಡಿಯ ಮೂಲಕ ಪಾಕಿಸ್ತಾನಕ್ಕೆ ತೆರಳಲಿದ್ದಾರೆ. ಯಾತ್ರಾರ್ಥಿಗಳಿಗೆ ಎಲ್ಲಾ ನೆರವು ನೀಡಲು ಭಾರತ ಸರ್ಕಾರವು ಸಂಪೂರ್ಣವಾಗಿ ಬದ್ಧವಾಗಿದೆ.