ಹೊಸ ಪಾಡ್​ಕಾಸ್ಟರ್​ಗಳಿಗಾಗಿ ಸ್ಪಾಟಿಫೈನಿಂದ ನೂತನ ಯೋಜನೆ

ಸಂಗೀತ, ಸುದ್ದಿ ಹಾಗು ಇತರೆ ಕಾರ್ಯಕ್ರಮಗಳನ್ನು ಕೇಳುಗರಿಗೆ ಪಾಡ್‌ಕಾಸ್ಟ್‌ ಗೊತ್ತೇ ಇದೆ. ಅಷ್ಟೇ ಅಲ್ಲ, ಸ್ಫಾಟಿಫೈ ಕೂಡಾ ಪರಿಚಿತ. ಇದೇ ಸ್ಪಾಟಿಫೈ ಇದೀಗ ಹೊಸ ಕಲಾವಿದರನ್ನು ಪ್ರೋತ್ಸಾಹಿಸಲು ವಿನೂತನ ಯೋಜನೆಯನ್ನು ಜಾರಿಗೆ ತಂದಿದೆ.

ನವದೆಹಲಿ: ಸ್ವೀಡನ್ ಮೂಲದ ಮ್ಯೂಸಿಕ್ ಸ್ಟ್ರೀಮಿಂಗ್ ಕಂಪನಿ ಭಾರತ ಸೇರಿದಂತೆ ವಿಶ್ವಾದ್ಯಂತದ ನವ ಪಾಡ್​ಕಾಸ್ಟರ್​ಗಳ ಉನ್ನತಿಗಾಗಿ ಹಾಗೂ ಅವರ ಕೇಳುಗರ ಸಂಖ್ಯೆಯನ್ನು ಹೆಚ್ಚಿಸಲು ನೂತನ ಯೋಜನೆಗಳನ್ನು ಪರಿಚಯಿಸುತ್ತಿದೆ.

ಭಾರತ ಸೇರಿದಂತೆ ವಿಶ್ವದ 15 ಮಾರುಕಟ್ಟೆಗಳಲ್ಲಿ ರಾಡಾರ್ ಪಾಡ್​ಕಾಸ್ಟರ್ಸ್ (RADAR Podcasters) ಎಂಬ ಯೋಜನೆಯನ್ನು ಸ್ಪಾಟಿಫೈ ಜಾರಿಗೊಳಿಸಿದೆ. ಹೊಸ ಕಲಾವಿದರನ್ನು ಬೆಂಬಲಿಸಲು ಈ ಯೋಜನೆ ಆರಂಭಿಸಲಾಗಿದೆ.

ರಾಡಾರ್ ಪಾಡ್​ಕಾಸ್ಟರ್ಸ್​​ನಡಿ ಭಾರತದಿಂದ ಮೊದಲಿಗೆ ಆಯ್ಕೆಯಾಗಲಿರುವ ಮೂರು ಪಾಡ್​ಕಾಸ್ಟ್​ಗಳು ಹೀಗಿವೆ: ಅನುರಾಗ್ ಮೈನಸ್ ವರ್ಮಾ, ಚುಮ್ಮಾ ಕನ್ವರ್ಸೇಶನ್ಸ್​ ವಿತ್ ಸಾಸ್ತ್ಯಾ ಮತ್ತು ಗೆಟಿಂಗ್ ಲಾಸ್ಟ್ ವಿತ್ ಅರ್ಚಿತ್ ಅಂಡ್ ಶಿರೀನ್.

ಪ್ರತಿ ಮೂರು ತಿಂಗಳಿಗೊಮ್ಮೆ ಬೇರೆ ಬೇರೆ ಸ್ಥಳೀಯ ಭಾಷೆಗಳ ಮೇಲೆ ಸ್ಪಾಟಿಫೈ ಗಮನ ಕೇಂದ್ರೀಕರಿಸಲಿದೆ.