ಮದುವೆ ಸಂಭ್ರಮದಲ್ಲಿ ರಿಚಾ ಚಡ್ಡಾ, ಅಲಿ ಫಜಲ್: ಕಾಕ್‌ಟೇಲ್ ಪಾರ್ಟಿಯಲ್ಲಿ ಮಿಂಚಿದ ತಾರಾ ಜೋಡಿ

ನಟಿ ರಿಚಾ ಚಡ್ಡಾ ಮತ್ತು ಅಲಿ ಫಜಲ್ ದಾಂಪತ್ಯ ಜೀವನಕ್ಕೆ ಕಾಲಿಡಲು ದಿನಗಣನೆ ಪ್ರಾರಂಭವಾಗಿದ್ದು, ದೆಹಲಿಯಲ್ಲಿ ಮದುವೆ ಶಾಸ್ತ್ರಗಳು ನಡೆಯುತ್ತಿವೆ. ಶುಕ್ರವಾರ ಕಾಕ್‌ಟೇಲ್ ಪಾರ್ಟಿಯಲ್ಲಿ ಅತ್ಯಾಕರ್ಷಕ ಉಡುಗೆಯಲ್ಲಿ ಈ ತಾರಾ ಜೋಡಿ ಕಾಣಿಸಿಕೊಂಡು ಎಲ್ಲರನ್ನು ಆಕರ್ಷಿಸಿದರು.

ನವದೆಹಲಿ: ಬಾಲಿವುಡ್​ನಲ್ಲಿ ಸಾಕಷ್ಟು ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿರುವ ನಟಿ ರಿಚಾ ಚಡ್ಡಾ ಮತ್ತು ಅಲಿ ಫಜಲ್ ಮದುವೆ ಶಾಸ್ತ್ರಗಳು ಪ್ರಾರಂಭವಾಗಿವೆ. ಅಕ್ಟೋಬರ್ 4 ರಂದು ಈ ತಾರಾ ಜೋಡಿ ಹಸೆಮಣೆ ಏರಲಿದ್ದು, ಶುಕ್ರವಾರ ರಾತ್ರಿ ನಡೆದ ಕಾಕ್‌ಟೇಲ್ ಪಾರ್ಟಿಯಲ್ಲಿ ಅತ್ಯಾಕರ್ಷಕ ಉಡುಗೆಯಲ್ಲಿ ಕಾಣಿಸಿಕೊಂಡರು.

ಗುರುವಾರ ಸಂಗೀತ ಮತ್ತು ಮೆಹೆಂದಿ ಸಮಾರಂಭ ಎಂಜಾಯ್​ ಮಾಡಿದ ರಿಚಾ ಚಡ್ಡಾ, ಅಲಿ ಫಜಲ್ ನಿನ್ನೆ ರೋಮ್ಯಾಂಟಿಕ್ ಆಗಿ ಕೈ ಹಿಡಿದು ಸಾಂಪ್ರದಾಯಿಕ ಉಡುಗೆಯಲ್ಲಿ ಪೋಸ್ ನೀಡಿದರು. ಈ ವೇಳೆ ಅಲಿ ವರ್ಣರಂಜಿತ ಶೆರ್ವಾನಿ ಧರಿಸಿದ್ದು, ಚಿನ್ನದ ಕಸೂತಿ ಸೀರೆಯಲ್ಲಿ ರಿಚಾ ಮಿಂಚುತ್ತಿದ್ದರು.

ಇದನ್ನೂ ಓದಿ:ಗೆಳೆಯನ ಜೊತೆ ತನ್ನ ಜೀವನದ ಹೊಸ ಅಧ್ಯಾಯ ಪ್ರಾರಂಭಿಸಲು ತಯಾರಾದ ನಟಿ ರಿಚಾ ಚಡ್ಡಾ

2020ರಲ್ಲಿ ರಿಚಾ ಚಡ್ಡಾ ಮತ್ತು ಅಲಿ ಫಜಲ್ ಜೋಡಿ ಮದುವೆ ಆಗುವುದಾಗಿ ಅಧಿಕೃತವಾಗಿ ಹೇಳಿದ್ದರು. ಆದರೆ ಕೊರೊನಾ ಹಿನ್ನೆಲೆ ಮದುವೆ ಮುಂದೂಡಲಾಗಿತ್ತು. ಇದೀಗ ದೆಹಲಿಯಲ್ಲಿ ಮದುವೆ ಶಾಸ್ತ್ರಗಳು ಪ್ರಾರಂಭವಾಗಿದ್ದು, ಹಸೆಮಣೆ ಏರಲು ಎಲ್ಲಾ ತಯಾರಿ ನಡೆಸಿದೆ.

ಇದನ್ನೂ ಓದಿ:ಅಕ್ಟೋಬರ್​ನಲ್ಲಿ ನಟಿ ರಿಚಾ ಚಡ್ಡಾ ಮದುವೆ: ಸೋಷಿಯಲ್ ಮೀಡಿಯಾದಲ್ಲಿ ಕಾಲ್ಪನಿಕ ಆಮಂತ್ರಣ ಪತ್ರ ವೈರಲ್