ಕುಟುಂಬದವರಿಂದ ದೂರವಿರಬೇಕಾ ಪ್ರತಾಪ್​​! ತನಿಷಾ-ಕಾರ್ತಿಕ್​​ ನಡುವೆ ಬಿರುಕು?

'ಶ್ರೀ ವಿದ್ಯಾಶಂಕರಾನಂದ ಸರಸ್ವತಿ ಗುರೂಜಿ ಹೇಳಿದ ಭವಿಷ್ಯ ಕೇಳಿ ದಂಗಾದ್ರಾ ಸ್ಪರ್ಧಿಗಳು?' ಮತ್ತು 'ಕಾರ್ತಿಕ್-ತನಿಷಾ ನಡುವೆ ಬಿರುಕು ಮೂಡಬಹುದಾ?' ಎಂಬ ಶೀರ್ಷಿಕೆಯಡಿ ಬಿಗ್​ ಬಾಸ್​ ಪ್ರೋಮೋ ಅನಾವರಣಗೊಂಡಿದ್ದು, ಪ್ರೇಕ್ಷಕರ ಕುತೂಹಲ ಹೆಚ್ಚಾಗಿದೆ.

ನಟ ಸುದೀಪ್​ ನಿರೂಪಣೆಯ 'ಬಿಗ್​ ಬಾಸ್​​ ಸೀಸನ್​ 10' ಬಹುತೇಕ ಫಿನಾಲೆ ತಲುಪಿದೆ. ಇಂದು ಶ್ರೀ ವಿದ್ಯಾಶಂಕರಾನಂದ ಸರಸ್ವತಿ ಗುರೂಜಿ ಅವರು ದೊಡ್ಮನೆ ಒಳಗೆ ಆಗಮಿಸಿ, ಸ್ಪರ್ಧಿಗಳ ಭವಿಷ್ಯ ನುಡಿದಿದ್ದಾರೆ. ಪ್ರತಾಪ್​ ಅವರ ಕೌಟುಂಬಿಕ ಭವಿಷ್ಯ ಕಠಿಣವಾಗಿದ್ದು, ಪ್ರತಾಪ್​ ಕಣ್ಣೀರಿಟ್ಟಿದ್ದಾರೆ. 'ಶ್ರೀ ವಿದ್ಯಾಶಂಕರಾನಂದ ಸರಸ್ವತಿ ಗುರೂಜಿ ಹೇಳಿದ ಭವಿಷ್ಯ ಕೇಳಿ ದಂಗಾದ್ರಾ ಸ್ಪರ್ಧಿಗಳು?' ಶೀರ್ಷಿಕೆಯಡಿ ಇಂದಿನ ಸಂಚಿಕೆಯ ಪ್ರೋಮೋ ಅನಾವರಣಗೊಂಡಿದ್ದು, ಪ್ರೇಕ್ಷಕರು ಕುತೂಹಲರಾಗಿದ್ದಾರೆ.

ಬಿಗ್​ ಬಾಸ್ ಕಾರ್ಯಕ್ರಮಕ್ಕೆ ಆಗಮಿಸಿದ ಶ್ರೀ ವಿದ್ಯಾಶಂಕರಾನಂದ ಸರಸ್ವತಿ ಗುರೂಜಿ ಅವರು ದೇವರ ಪೂಜೆ ಮಾಡಿ, ಸ್ಪರ್ಧಿಗಳಿಗೆ ಆಶೀರ್ವಾದ ನೀಡಿದ್ದಾರೆ. ಜೊತೆಗೆ, ಮನೆಮಂದಿಯ ಭವಿಷ್ಯ ಸಹ ನುಡಿದಿದ್ದಾರೆ. ವರ್ತೂರು ಸಂತೋಷ್​ ಬಳಿ ನೀವು ಟ್ಯಾಟೂ ಒಂದನ್ನು ಹಾಕಿಸಿಕೊಂಡಿದ್ದೀರ. ಅಂದಿನಿಂದ ಕಷ್ಟಗಳು ಎದುರಾಗಿವೆ ಎಂದು ಗುರೂಜಿ ತಿಳಿಸಿದಾಗ ವರ್ತೂರ್ ಕೂಡ ಹೌದು ಎಂದು ಒಪ್ಪಿಕೊಂಡಿದ್ದಾರೆ. ನಿಮ್ಮ ಜೀವನದಲ್ಲಿ ಹೊಸ ಬೆಳಕು, ಹೊಸ ವ್ಯಕ್ತಿಯ ಆಗಮನವಾಗುತ್ತದೆ ಎಂದು ನಮ್ರತಾ ಅವರಲ್ಲಿ ತಿಳಿಸಿದ್ದಾರೆ.

ಬಳಿಕ ಪ್ರತಾಪ್​​ ಭವಿಷ್ಯ ನುಡಿದಿದ್ದು, ಪ್ರೇಕ್ಷಕರು ಮರುಗಿದ್ದಾರೆ. ಈ ವಿಚಾರ ಹೇಳಲು ನನಗೆ ಸಂಕಟವಾಗುತ್ತಿದೆ. ನೀನು ಕುಟುಂಬದಿಂದ ದೂರಾನೇ ಇರಬೇಕಾಗುತ್ತೆ. ಕುಟುಂಬದ ಜೀವನ ಯಾಕೋ ಅಷ್ಟು ಸರಿ ಇಲ್ಲ. ದೂರ ಇದ್ದು ಧೂಪವಾಗ್ತಿಯೋ, ಹತ್ತಿರ ಇದ್ದು ಹೇಸಿಗೆಯಾಗ್ತಿಯೋ ನಿನಗೆ ಬಿಟ್ಟದ್ದು ಎಂದು ಗುರುಗಳು ತಿಳಿಸಿದ್ದಾರೆ.

ಇದನ್ನೂ ಓದಿ:ಚೊಚ್ಚಲ ಚಿತ್ರದಲ್ಲೇ ಮಾಲಾಶ್ರೀ ಪುತ್ರಿಗೆ ಅದ್ಭುತ ಯಶಸ್ಸು: ವಿದೇಶದಲ್ಲಿ ಅಮ್ಮ-ಮಗಳ ಡ್ಯಾನ್ಸ್

'ಕಾರ್ತಿಕ್-ತನಿಷಾ ನಡುವೆ ಬಿರುಕು ಮೂಡಬಹುದಾ?' ಎಂಬ ಶೀರ್ಷಿಕೆಯಡಿ ಮತ್ತೊಂದು ಪ್ರೋಮೋ ಅನಾವರಣಗೊಂಡಿದೆ. ಸ್ಪರ್ಧಿಗಳು ಟಾಸ್ಕ್ ಒಂದನ್ನು ಆಡಿದ್ದಾರೆ. ಬಳಿಕ, ಮನೆಯ ಸದಸ್ಯರ ಪೈಕಿ ಈ ಟಾಸ್ಕ್ ಆಡಲು ಅನರ್ಹರಾದವರನ್ನು ಸೂಚಿಸಿ ಎಂದು ಬಿಗ್​ ಬಾಸ್​​ ತನಿಷಾ ಬಳಿ ಕೇಳಿದ್ದಾರೆ. ಅದಕ್ಕೆ ತುಕಾಲಿ ಸಂತೋಷ್​ ಮತ್ತು ಕಾರ್ತಿಕ್​​ ಹೆಸರನ್ನು ಸೂಚಿಸಿದ್ದಾರೆ. ಕಾರ್ತಿಕ್ ಅವರಲ್ಲಿ ಸ್ವಲ್ಪ ಆತುರ ಜಾಸ್ತಿ. ನಾನೇ ಮಾಡ್ತೀನಿ, ನಾನೇ ಮಾಡಿದ್ದು ಅನ್ನೋ ಫೀಲಿಂಗ್​ ಅವರಲ್ಲಿ ಇರುತ್ತೆ. ಕೆಲವೊಂದ್ ಸರಿ ಅದು ಉಲ್ಟಾ ಹೊಡೆದಿರೋದು ಇದೆ ಎಂದು ತನಿಷಾ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಕಾರ್ತಿಕ್ ಸೇರಿ ನಮ್ರತಾ ಕೂಡ ಅಸಮಧಾನ ಹೊರಹಾಕಿದ್ದಾರೆ. ವಿದ್ಯಾಶಂಕರಾನಂದ ಸರಸ್ವತಿ ಗುರೂಜಿ ಅವರು ಇನ್ಯಾರಿಗೆ ಭವಿಷ್ಯ ಹೇಳಿದ್ದಾರೆ? ಕಾರ್ತಿಕ್-ತನಿಷಾ ಸಮಸ್ಯೆ ಸರಿಪಡಿಸಿಕೊಳ್ತಾರಾ? ಅನ್ನೋದನ್ನು ತಿಳಿದುಕೊಳ್ಳಲು ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುವ ಬಿಗ್​ ಬಾಸ್​ ಸಂಪೂರ್ಣ ಸಂಚಿಕೆ ವೀಕ್ಷಿಸಿ..

ಇದನ್ನೂ ಓದಿ:'ಲಿಯೋ' ಮೀರಿಸಿದ 'ಸಲಾರ್'​; ಜೈಲರ್, ಬಾಹುಬಲಿ ದಾಖಲೆ ಮುರಿಯಲು ಸಜ್ಜು