ಅನುಷ್ಕಾ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಅತ್ಯಂತ ಪ್ರೀತಿಯ ಸೆಲೆಬ್ರಿಟಿ ಜೋಡಿಗಳಲ್ಲೊಂದು. ಎಲ್ಲೇ ಹೋದರೂ ಈ ದಂಪತಿ ಕೈಕೈ ಹಿಡಿದು ಓಡಾಡುವುದು ಸಾಮಾನ್ಯ. ವಿರುಷ್ಕಾ ಜೋಡಿಯ ಪ್ರತಿಯೊಂದು ಸಣ್ಣ ವಿಷಯವೂ ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುತ್ತವೆ. ಅವರ ಫೋಟೋ, ವಿಡಿಯೋಗಳನ್ನು ನೋಡಲು ಅಭಿಮಾನಿಗಳು ಸಹ ತುಂಬಾ ಉತ್ಸುಕರಾಗಿರುತ್ತಾರೆ. ಇದೀಗ ಅಂತಹದೇ ವಿಡಿಯೋವೊಂದು ವೈರಲ್ ಆಗಿದ್ದು, ಸ್ಕೂಟರ್ ಮೇಲೆ ಮುಂಬೈ ನಗರವನ್ನು ಬಿಂದಾಸ್ ಆಗಿ ರೌಂಡ್ ಹಾಕಿದ್ದಾರೆ.
ವಿರಾಟ್ ಕೊಹ್ಲಿ, ಅನುಷ್ಕಾ ಶರ್ಮಾ ಜೊತೆಗೆ ಶನಿವಾರ ಜಾಹೀರಾತುವೊಂದರ ಶೂಟಿಂಗ್‌ಗೆ ಸ್ಕೂಟರ್‌ನಲ್ಲಿ ತೆರಳಿರುವುದು ಅವರ ಅಭಿಮಾನಿಗಳಿಗೆ ಸಾಕಷ್ಟು ಖುಷಿ ತಂದಿದೆ. ಕೋಟಿಗಟ್ಟಲೆ ಬೆಲೆ ಬಾಳುವ ಕಾರುಗಳಿದ್ದರೂ ಸಹ ಈ ಸ್ಟಾರ್ ದಂಪತಿ ಸ್ಕೂಟರ್‌ನಲ್ಲಿ ನಗರ ಸುತ್ತಿರೋದು ನಿಜಕ್ಕೂ ಆಶ್ಚರ್ಯ ಮೂಡಿಸಿದೆ. ಜೊತೆಗೆ ಈ ಜೋಡಿಯ ಸರಳತೆಗೆ ಫ್ಯಾನ್ಸ್ ಫಿದಾ ಆಗಿದ್ದು, 'ಮುದ್ದಾದ ಜೋಡಿ','ಅತ್ಯುತ್ತಮ ದಂಪತಿ', 'ನೆಚ್ಚಿನ ಜೋಡಿ', 'ಪವರ್ ಜೋಡಿ' ಎಂದೆಲ್ಲಾ ಕಾಮೆಂಟ್ಸ್ ಮಾಡಿದ್ದಾರೆ.