ಗೋವಾ ಕಡಲ ತೀರದಲ್ಲಿ ಬಂಗಾಳಿ ಸಂಪ್ರದಾಯದಂತೆ ಮದುವೆಯಾದ ''ಯೇ ಹೇ ಮೊಹಬ್ಬತೇ ನಟಿ

ಆಲಿಯಾ ಪಾತ್ರದ ಮೂಲಕ ಕಿರುತೆರೆ ಪ್ರೇಕ್ಷಕರಿಗೆ ಹತ್ತಿರವಾಗಿರುವ ನಟಿ ಕೃಷ್ಣ ಮುಖರ್ಜಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಹೈದರಾಬಾದ್​​: ಜನಪ್ರಿಯ ಧಾರವಾಹಿಯಾದ ''ಯೇ ಹೇ ಮೊಹಬ್ಬತೇ ಪಾತ್ರಧಾರಿ ಆಲಿಯಾಗೆ ಇಂದು ವೈವಾಹಿಕ ಜೀವನಕ್ಕೆ ಒಳಗಾಗಿದ್ದಾರೆ. ಆಲಿಯಾ ಪಾತ್ರದ ಮೂಲಕ ಎಲ್ಲರ ಗಮನ ಸೆಳೆದ ನಟಿ ಕೃಷ್ಣ ಮುಖರ್ಜಿ ಅವರು ಬೆಂಗಾಲಿ ಸಂಪ್ರದಾಯದಂತೆ ಇಂದು ಚಿರಾಗ್​ ಬಟಿವಾಲಾ ಅವರ ಕೈ ಹಿಡಿದಿದ್ದಾರೆ. ಗೋವಾದಲ್ಲಿ ಕುಟುಂಬಸ್ಥರು ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ಈ ವಿವಾಹ ಶಾಸ್ತ್ರ ನೆರವೇರಿದೆ. ಗೋವಾದ ಪ್ರಕೃತಿ ಮಡಿಲಿನಲ್ಲಿ ಸೂರ್ಯಾಸ್ತದ ಸಮಯದಲ್ಲಿ ಅದ್ದೂರಿಯಾಗಿ ಈ ವಿವಾಹ ಕಾರ್ಯ ನಡೆದಿದ್ದು, ಈ ಚಿತ್ರಗಳನ್ನು ನಟಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ತಮ್ಮ ಮದುವೆ ಫೋಟೋಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿರುವ ನಟಿ, ಪಾರ್ಸಿ ಸೈಲರ್​ ಜೊತೆಗೆ ಬೆಂಗಾಳಿ ನಟಿ ಮೂರು ಗಂಟಿನ ಬೆಸುಗೆಗೆ ಒಳಗಾಗಿದ್ದಾಳೆ. ಈ ಅದ್ಭುತ ದಿನಕ್ಕೆ ನಿಮ್ಮ ಪ್ರೀತಿ ಮತ್ತು ಆಶೀರ್ವಾದವನ್ನು ಬೇಡುತ್ತೇವೆ ಎಂಬ ಕ್ಯಾಪ್ಶನ್​ನಲ್ಲಿ ಈ ಚಿತ್ರವನ್ನು ಫೋಸ್ಟ್​ ಮಾಡಿದ್ದಾರೆ. ಮಂಟಪದಲ್ಲಿ ಚಿರಾಗ್​ ಗಲ್ಲ ಹಿಡಿದಿರುವ ಫೋಟೋ, ಇಬ್ಬರು ಒಬ್ಬರನ್ನು ಒಬ್ಬರು ನೋಡುತ್ತಿರುವ ಸ್ಟನ್ನಿಂಗ್​ ಫೋಟೋಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಬೆಂಗಾಳಿ ಸಾಂಪ್ರದಾಯಿಕ ಉಡುಪಿನಲ್ಲಿ, ಕಡಲ ತೀರದ ಮಂಟಪದಲ್ಲಿ ಮದುವೆಯಾಗಿರುವ ಸೆಟ್ಟಿಗೆ ಅನೇಕ ಅಭಿಮಾನಿಗಳು ಕೂಡ ಮನಸೋತಿದ್ದಾರೆ.

ನಟಿ ತಮ್ಮ ಮದುವೆ ಫೋಟೋಗಳನ್ನು ಹಂಚಿಕೊಳ್ಳಿತ್ತಿದ್ದಂತೆ, ನೂತನ ದಂಪತಿಗಳಿಗೆ ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ. ಕಿರುತೆರೆ ನಟಿ ಶರನು ಪಾರಿಖ್​, ಅಭಿನಂದನೆಗಳು, ನಿಮ್ಮ ಹೊಸ ಪಯಣಕ್ಕೆ ಶುಭಾಶಯಗಳು ಎಂದು ಬರೆದಿದ್ದಾರೆ. ಮತ್ತೊಬ್ಬ ಕಿರುತೆರೆ ನಟಿ ನೀನಾ ಕುಲಕರ್ಣಿ, ಅಭಿನಂದನೆಗಳು ಕಿಶು, ಎಷ್ಟು ಹ್ಯಾಂಡ್​ಸಮ್​ ಪತಿಯನ್ನು ಪಡೆದಿದ್ದೀಯಾ , ನಿಮ್ಮಿಬ್ಬರದು ಚೆಂದ ಜೋಡಿ, ಪ್ರೀತಿ ತುಂಬಿದ ಶುಭಾಶಯ ಮತ್ತು ಆಶೀರ್ವಾದ ಎಂದು ಬರೆದಿದ್ದಾರೆ. ಇದರ ಹೊರತಾಗಿ ಸುರಭಿ ಜ್ಯೋತಿ, ರಕ್ಷಾಂದ್​ ಖಾನ್​ ಮತ್ತಿತ್ತರ ನಟ- ನಟಿಯರು ಕೂಡ ಶುಭಾಶಯಗಳ ಹೂಮಳೆ ಸುರಿಸಿದ್ದಾರೆ.

ಮೂಲತಃ ಬೆಂಗಾಳಿಯಾಗಿರುವ ನಟಿ ಕೃಷ್ಣ ಮುಖರ್ಜಿ 2014ರಲ್ಲಿ ಜಲ್ಲಿ ಅಂಜಲಿ ಧಾರಾವಾಹಿಯಲ್ಲಿ ಶೀನಾ ಪಾತ್ರದ ಮೂಲಕ ಮೊದಲ ಬಾರಿಗೆ ನಟನೆ ಆರಂಭಿಸಿದರು. ''ಶುಭ ಶಕುನ್''​ನಲ್ಲಿ ಶಕುನ್​ ಶಿಂಧೆ ಜೈಸ್ವಾಲ್​, ''ಕುಚ್​ ತೊ ಹೈ: ನಾಗಿನ್​ ಎಕ್​ ನಾಯೆ ರಂಗ್​ ಮೇ'' ನಲ್ಲಿ ಪ್ರಿಯ ರೆಹನ್​ ಸಿಂಗನಿಯಾ ಪಾತ್ರ ಜೊತೆಗೆ ''ಯೇ ಹೇ ಮೊಹಬ್ಬತೇ'' ಧಾರಾವಾಹಿಯಲ್ಲಿ ಆಲಿಯಾ ರಾಘವ್​ ಬಲ್ಲಾ ಪಾತ್ರದ ಮೂಲಕ ಪ್ರೇಕ್ಷಕರಿಗೆ ಹತ್ತಿರವಾಗಿದ್ದಾರೆ.

ಮಾರ್ಚ್​ 12ರಂದು ಅರಿಶಿಣ ಕಾರ್ಯಕ್ರಮದ ಮೂಲಕ ಮದುವೆ ಶಾಸ್ತ್ರಗಳು ಪ್ರಾರಂಭವಾಗಿದ್ದವು. ಅರಿಶಿಣ ಶಾಸ್ತ್ರದಲ್ಲಿ ನಟಿ ಬಿಳಿ ಲೆಹಾಂಗಾದಲ್ಲಿ ಹಳದಿ ದುಪ್ಪಟ್ಟದಲ್ಲಿ ಮಿಂಚಿದ್ದರು. ನಿನ್ನೆ ಸಂಜೆ ಸಂಗೀತ ಶಾಸ್ತ್ರ ಅದ್ದೂರಿಯಾಗಿ ನಡೆದಿದೆ. ಈ ಕಾರ್ಯಕ್ರದಲ್ಲಿ ನಟಿ ಗಾಢ ಹಸಿರು ಬಣ್ಣದ ಧಿರಿಸಿನಿಂದ ಕಂಗೊಳಿಸಿದ್ದಾರೆ. ಕಾರ್ಯಕ್ರಮದಲ್ಲಿ ಹುಕ್ಕಾ ಸೇವಿಸುವ ಮೂಲಕ ಹಾಡಿಗೆ ಹೆಜ್ಜೆ ಹಾಕಿದ್ದನ್ನು ವಿಡಿಯೋಗಳಲ್ಲಿ ಕಾಣಬಹುದಾಗಿದೆ.

ನಟಿಯ ಈ ಮದುವೆ ಸಮಾರಂಭದಲ್ಲಿ ಅನೇಕ ಕಿರುತೆರೆ ನಟ-ನಟಿಯರು ಸೇರಿದಂತೆ ಬಿಗ್​ಬಾಸ್​​ ದಂಪತಿ ಜಸ್ಮಿನ್​ ಬಾಸಿನ್​, ಶೇರಿನ್​ ಮಿರ್ಜಾ ದಂಪತಿಗಳು ಭಾಗಿಯಾಗಿದ್ದರು.

ಇದನ್ನೂ ಓದಿ: 58ನೇ ವಸಂತಕ್ಕೆ ಕಾಲಿರಿಸಿದ 'ಮಿಸ್ಟರ್​​ ಪರ್ಫೆಕ್ಷನಿಸ್ಟ್ ಆಫ್ ಬಾಲಿವುಡ್'